Robot in Indian Army: ભારત બનાવી રહ્યું છે રોબોટ આર્મી, જાણો ક્યાં સુધી યુદ્ધ લડવા માટે થશે તૈયાર?

Robotic Indian Army: ડિફેન્સ રિસર્ચ એન્ડ ડેવલપમેન્ટ લેબોરેટરી (DRDO) ના વૈજ્ઞાનિકો એક હ્યુમનોઇડ રોબોટ બનાવી રહ્યા છે જે લશ્કરી મિશનમાં ભાગ લઈ શકે છે.

પ્રતિકાત્મક તસવીર

Robotic Indian Army: ડિફેન્સ રિસર્ચ એન્ડ ડેવલપમેન્ટ લેબોરેટરી (DRDO) ના વૈજ્ઞાનિકો એક હ્યુમનોઇડ રોબોટ બનાવી રહ્યા છે જે લશ્કરી મિશનમાં ભાગ લઈ શકે છે. એક અધિકારીએ જણાવ્યું હતું કે આ રોબોટ બનાવવાનો હેતુ સૈનિકોના જીવને જોખમમાં મૂક્યા વિના હાઇ રિસ્ક ધરાવતા વિસ્તારોમાં મિશન હાથ ધરવાનો

ઇટીના અહેવાલ અનુસાર, DRDO હેઠળની એક પ્રમુખ પ્રયોગશાળામાં રિસર્ચ એન્ડ ડેવલપમેન્ટ એસ્ટેબ્લિશમેન્ટ (ઇજનેરો) આ મશીનને વિકસિત કરી રહ્યા છે. આ રોબોટ ખાસ કરીને એવા વાતાવરણમાં સૈનિકોનું રક્ષણ કરવા માટે બનાવવામાં આવી રહ્યો છે જ્યાં જોખમ વધારે હોય.

પુણેમાં સેન્ટર ફોર સિસ્ટમ્સ એન્ડ ટેકનોલોજી ફોર એડવાન્સ્ડ રોબોટિક્સના ગ્રુપ ડિરેક્ટર એસ.ઇ.તલોલે જણાવ્યું હતું કે આ પ્રોજેક્ટ પર ચાર વર્ષથી કામ ચાલી રહ્યું છે અને તે 2027 સુધીમાં પૂર્ણ થવાની અપેક્ષા છે.

એસ.ઇ. તલોલે જણાવ્યું હતું કે ઉપરના અને નીચેના ભાગો માટે અલગ અલગ પ્રોટોટાઇપ વિકસાવવામાં આવ્યા છે.

આ હ્યુમનોઇડ રોબોટ જંગલ જેવા મુશ્કેલ વિસ્તારોમાં પણ કામ કરી શકે છે. આ રોબોટ તાજેતરમાં પુણેમાં આયોજિત એડવાન્સ્ડ લેગ્ડ રોબોટિક્સ પરની રાષ્ટ્રીય વર્કશોપમાં પ્રદર્શિત કરવામાં આવ્યો હતો.