ભારત સાથે ડબલ ગેમ રમી રહ્યું છે રશિયા, સૌથી મોટા દુશ્મનને વેચી રહ્યું છે ડ્રોન

Russia Sell Drones to Pakistan: એક તરફ રશિયા ભારતને પોતાનો શ્રેષ્ઠ મિત્ર ગણાવે છે તો બીજી તરફ તેણે પાકિસ્તાનને સુપરકેમ ડ્રોન પણ વેચ્યા છે. આ સુપરકેમ ડ્રોનનો ઉપયોગ જાસૂસી માટે થાય છે.

ફાઇલ તસવીર

Russia Sell Drones to Pakistan: એક તરફ રશિયા ભારતને પોતાનો શ્રેષ્ઠ મિત્ર ગણાવે છે તો બીજી તરફ તેણે પાકિસ્તાનને સુપરકેમ ડ્રોન પણ વેચ્યા છે. આ સુપરકેમ ડ્રોનનો ઉપયોગ જાસૂસી માટે થાય છે. એટલું જ નહીં, આ ડ્રોન પોતાની સાથે પેલોડ પણ લઈ જઈ શકે છે.

આર્મી 24 ઈન્ટરનેશનલ મિલિટરી ટેકનિકલ ફોરમ દરમિયાન આ ડ્રોનના ડેવલપર અનમેન્ડ સિસ્ટમ્સ ગ્રુપ દ્વારા આ વાતનો ખુલાસો કરવામાં આવ્યો હતો. સુપરકેમ S350 એક ડ્રોન છે જે 7 કલાક સુધી હવામાં રહી શકે છે અને લાંબા અંતર સુધી માહિતી ટ્રાન્સફર પણ કરી શકે છે.

જોકે, કેટલાક મીડિયા રિપોર્ટ્સમાં દાવો કરવામાં આવ્યો છે કે પાકિસ્તાન પહેલાથી જ આ ડ્રોનનો ઉપયોગ ભારત પર કરી રહ્યું છે. આ પછી મનમાં સવાલ એ થાય છે કે શું રશિયા ભારત સાથે બેવડી ચાલ રમી રહ્યું છે.

પશ્ચિમી દેશોના વિરોધ છતાં વડાપ્રધાન નરેન્દ્ર મોદીએ આ વર્ષે જૂલાઈમાં રશિયાની મુલાકાત લીધી હતી. તે વ્લાદિમીર પુતિનને ગળે લગાવતા જોવા મળ્યા હતા. આ પછી યુક્રેન સહિત ઘણા પશ્ચિમી દેશોએ ભારતની ટીકા કરી હતી.

આ પછી એક એવી તસવીર સામે આવી જેણે સાબિત કર્યું કે ભારત સંકટમાં છે. રશિયન સંરક્ષણ મંત્રાલયના વરિષ્ઠ અધિકારીઓ પાકિસ્તાની સેનાના અધિકારીઓ સાથે મુલાકાત કરતા જોવા મળ્યા હતા. જો જોવામાં આવે તો રશિયા અને પાકિસ્તાન વચ્ચે કોઈ સંરક્ષણાત્મક ભાગીદારી નથી.

જો આપણે સુપરકેમ ડ્રોન S350 વિશે વાત કરીએ તો તે તકનીકી રીતે ખૂબ જ મજબૂત છે. હવામાન ગમે તેટલું ખરાબ હોય આ ડ્રોન 7 કલાક હવામાં ઉડી શકે છે. તેનો ઉપયોગ જાસૂસી, નકશા બનાવવા અને અનેક પ્રકારની ગુનાહિત પ્રવૃત્તિઓ શોધવા માટે થઈ શકે છે.

જો અમે યુએસ સરકારની વેબસાઇટ પર નજર કરીએ તો રશિયન સુપરકેમ વિશ્વના ટોચના ડ્રોન્સમાં સામેલ છે.