IN PHOTOS: ક્રિકેટ વર્લ્ડકપ ઇતિહાસના એવા પાંચ રેકોર્ડ જે આ વર્ષે પણ નહી તૂટે

World Cup Records & Stats: આઇસીસી વન-ડે વર્લ્ડ કપ 2023 5 ઓક્ટોબરથી શરૂ થઈ રહ્યો છે. આ ટુર્નામેન્ટની ફાઇનલ મેચ 19 નવેમ્બરે અમદાવાદના નરેન્દ્ર મોદી સ્ટેડિયમમાં રમાશે.

પ્રતિકાત્મક તસવીર

World Cup Records & Stats: આઇસીસી વન-ડે વર્લ્ડ કપ 2023 5 ઓક્ટોબરથી શરૂ થઈ રહ્યો છે. આ ટુર્નામેન્ટની ફાઇનલ મેચ 19 નવેમ્બરે અમદાવાદના નરેન્દ્ર મોદી સ્ટેડિયમમાં રમાશે.

એક વર્લ્ડ કપમાં સૌથી વધુ રન બનાવવાનો રેકોર્ડ ભૂતપૂર્વ ભારતીય બેટ્સમેન સચિન તેંડુલકરના નામે છે. સચિન તેંડુલકરે વર્લ્ડ કપ 2003ની 11 મેચમાં 673 રન બનાવ્યા હતા. આ યાદીમાં ઓસ્ટ્રેલિયાના મેથ્યુ હેડન બીજા સ્થાને છે. મેથ્યુ હેડને વર્લ્ડ કપ 2007માં 659 રન બનાવ્યા હતા.

વન-ડે વર્લ્ડ કપ ઈતિહાસમાં સૌથી વધુ વિકેટ લેનારા બોલરોની યાદીમાં ઓસ્ટ્રેલિયાના ભૂતપૂર્વ દિગ્ગજ ખેલાડી ગ્લેન મેકગ્રા ટોપ પર છે. ગ્લેન મેકગ્રાના નામે વર્લ્ડ કપમાં 71 વિકેટ છે. જ્યારે આ યાદીમાં બીજા, ત્રીજા અને ચોથા સ્થાન પર અનુક્રમે મુથૈયા મુરલીધરન, વસીમ અકરમ અને ચામિંડા વાસ છે.

ઓસ્ટ્રેલિયાએ 2003માં વન-ડે વર્લ્ડ કપ જીત્યો હતો. ઓસ્ટ્રેલિયાની ટીમે આ વર્લ્ડ કપમાં 11 મેચ રમી હતી. રિકી પોન્ટિંગની કેપ્ટનશીપ હેઠળની ટીમે તેની તમામ 11 મેચ જીતી હતી. આ રીતે ઓસ્ટ્રેલિયાએ એકપણ મેચ હાર્યા વિના વર્લ્ડ કપ જીતી લીધો.

પ્રથમ વન-ડે વર્લ્ડકપ વર્ષ 1975માં રમાયો હતો. આ વર્લ્ડકપમાં સુનીલ ગાવસ્કરે ઈંગ્લેન્ડ સામે 174 બોલમાં અણનમ 36 રન બનાવ્યા હતા. ક્રિકેટ ઈતિહાસની આ સૌથી ધીમી ઈનિંગ્સમાંથી એક છે. આ મેચમાં સુનીલ ગાવસ્કર ઓપનર તરીકે આવ્યો હતો અને 60 ઓવર પછી અણનમ પાછો ફર્યો હતો. પરંતુ તે માત્ર 36 રન જ બનાવી શક્યો હતો.

વન-ડે વર્લ્ડ કપના ઈતિહાસમાં સૌથી વધુ સિક્સર મારવાનો રેકોર્ડ વેસ્ટ ઈન્ડિઝના પૂર્વ ખેલાડી ક્રિસ ગેલના નામે છે. ક્રિસ ગેલે વર્લ્ડ કપ મેચોમાં સૌથી વધુ 49 સિક્સર ફટકારી છે. આ યાદીમાં એબી ડી વિલિયર્સ, રિકી પોન્ટિંગ અને બ્રેન્ડન મેક્કુલમ અનુક્રમે બીજા, ત્રીજા અને ચોથા સ્થાને છે.