IPL 2022 Mega Auction: પાંચ વિદેશી ખેલાડીઓ જેને ખરીદવા માટે ટીમો વચ્ચે થઇ શકે છે હરિફાઇ

IPL 2022 Mega Auction: ઇન્ડિયન પ્રિમિયર લીગના મેગા ઓક્શનમાં હવે થોડા દિવસો બાકી છે. તમામ ટીમોએ રણનીતિ તૈયાર કરી છે. આઠ ટીમોએ પોતાની રિટેન કરેલા ખેલાડીઓની યાદી જાહેર કરી દીધી છે. જ્યારે બે નવી ટીમો જલદી પોતાના ખેલાડીઓનું નામ જાહેર કરશે. પરંતુ ઓક્શનની વાત કરીએ તો તમામ ટીમોની નજર આ વિદેશી ખેલાડીઓ પર રહેશે. આ પાંચ મોટા વિદેશી ખેલાડીઓ પર પૈસાનો વરસાદ થઇ શકે છે.

સનરાઇઝર્સ હૈદરાબાદ સાથે થયેલા વિવાદ બાદ ડેવિડ વોર્નરનું મેગા ઓક્શનમાં જવાનું નક્કી છે. જોકે, ઓક્શન અગાઉ લખનઉ અથવા અમદાવાદની ટીમ તેને એપ્રોચ કરી શકે છે. વોર્નર માટે તમામ ટીમો મોટી રકમ ખર્ચવા તૈયાર રહેશે.