જો આ સંકેત મળે તો સમજો બીજું કોઈ ચલાવે છે તમારુ ગૂગલ એકાઉન્ટ,આ રીતે ઓળખો

આપણી આખી ડિજિટલ ઓળખ એક જ એકાઉન્ટ સાથે જોડાયેલી છે. જો કોઈ બીજું તમારા એકાઉન્ટને એક્સેસ કરે છે, તો ફક્ત તમારી ગોપનીયતા જ નહીં પરંતુ તમારી નાણાકીય અને વ્યક્તિગત સુરક્ષા પણ જોખમમાં મુકાઈ શકે.

પ્રતિકાત્મક તસવીર

આજના ડિજિટલ યુગમાં ગૂગલ એકાઉન્ટ આપણા જીવનનો એક મહત્વપૂર્ણ ભાગ બની ગયું છે. જીમેલથી લઈને ગૂગલ ડ્રાઇવ, યુટ્યુબ અને ગૂગલ ફોટોઝ - લગભગ આપણી આખી ડિજિટલ ઓળખ એક જ એકાઉન્ટ સાથે જોડાયેલી છે. આવી સ્થિતિમાં, જો કોઈ બીજું તમારા એકાઉન્ટને એક્સેસ કરે છે, તો ફક્ત તમારી ગોપનીયતા જ નહીં પરંતુ તમારી નાણાકીય અને વ્યક્તિગત સુરક્ષા પણ જોખમમાં મુકાઈ શકે છે.

પરંતુ સારી વાત એ છે કે ગૂગલ કેટલાક એવા સંકેતો આપે છે જેના દ્વારા તમે ઓળખી શકો છો કે તમારું એકાઉન્ટ બીજે ક્યાંકથી ઉપયોગમાં લઈ રહ્યું છે કે નહીં.જો તમારા ગુગલ એકાઉન્ટનો રિકવરી ઇમેઇલ અથવા ફોન નંબર આપમેળે બદલાઈ ગયો હોય અને તમને તેની જાણ ન હોય તો આ એક મોટો ખતરો છે. હેકર્સ પહેલા એકાઉન્ટ રિકવરી વિકલ્પ બદલી નાખે છે જેથી વાસ્તવિક યૂઝર્સ પાસવર્ડ રીસેટ ન કરી શકે.