Samsung Galaxy S24 Ultraની ડિટેલ્સ આવી સામે, મળશે નવી ચિપસેટ અને AI સપોર્ટ

કંપની પોતાના નવા નવા અપડેટ ફોન માર્કેટમાં લાવી રહી છે, સેમસંગે આ વર્ષની શરૂઆતમાં Galaxy S23 સીરીઝ લૉન્ચ કરી હતી. આ સીરીઝના ટોપ એન્ડ મૉડલમાં કંપનીએ 100x ડિજિટલ ઝૂમ સાથે 200MP કેમેરા સેટઅપ આપ્યો હતો.

તસવીર (સોશ્યલ મીડિયા પરથી)

Samsung Galaxy S24 Ultra: સ્માર્ટફોન માર્કેટમાં કોરિયન કંપની સેમસંગ ખુબ ઝડપથી આગળ વધી રહી છે, કંપની પોતાના નવા નવા અપડેટ ફોન માર્કેટમાં લાવી રહી છે, સેમસંગે આ વર્ષની શરૂઆતમાં Galaxy S23 સીરીઝ લૉન્ચ કરી હતી. આ સીરીઝના ટોપ એન્ડ મૉડલમાં કંપનીએ 100x ડિજિટલ ઝૂમ સાથે 200MP કેમેરા સેટઅપ આપ્યો હતો. હવે કંપની નવો સ્પેશ્યલ ફોન લઇને આવી રહી છે, જેનું નામ છે Samsung Galaxy S24 Ultra. આ ફોન નવી ચિપસેટ અને AI સપોર્ટ સાથે મળશે. જાણો આની લીક થયેલી ડિટેલ્સ....

સેમસંગે તેની આગામી સ્માર્ટફોન સીરીઝ સેમસંગ ગેલેક્સી એસ24ને ટીઝ કરવાનું શરૂ કરી દીધું છે. કંપનીએ YouTube પર એક વીડિયો પૉસ્ટ કર્યો છે જેમાં કહેવામાં આવ્યું છે કે સ્માર્ટફોનમાં ISOCELL સેન્સર Zoom Any Place ઉપલબ્ધ છે. આ ઉપરાંત સ્માર્ટફોનમાં AI સપોર્ટ પણ ઉપલબ્ધ હશે, જેની મદદથી કેમેરા એક સમયે 2 ફ્રેમ્સ કેપ્ચર કરી શકશે અને ઓટોમેટિકલી વિષય પર ફૉકસ પણ કરશે.