WhatsApp માં પરેશાનીઓને ઓછી કરવા આવી રહ્યાં છે આ ફિચર, ગૃપ્સ સાથે જોડાયેલા લોકોને થશે ફાયદો

WhatsAppમાં તમારા અનુભવને વધુ બેસ્ટ બનાવવા માટે કંપની એક નવા ફિચર પર કામ કરી રહી છે, જે ગૃપોને ઓળખવાનું આસાન બનાવશે.

તસવીર (સોશ્યલ મીડિયા પરથી)

WhatsApp New Features: ઇન્સ્ટન્ટ મેસેજિંગ એપ વૉટ્સએપ પોતાના યૂઝર્સના એક્સપીરિયન્સને બેસ્ટ બનાવવા માટે અવનવા ફિચર્સ લૉન્ચ કરી રહી છે. હવે આ કડીમાં કેટલાક એવા ફિચર્સ પણ છે જે બહુ જલદી યૂઝર્સને મળી શકે છે. WhatsAppમાં તમારા અનુભવને વધુ બેસ્ટ બનાવવા માટે કંપની એક નવા ફિચર પર કામ કરી રહી છે, જે ગૃપોને ઓળખવાનું આસાન બનાવશે.

વૉટ્સએપ 'ફિલ્ટર ગૃપ ચેટ' નામના ફિચર પર કામ કરી રહ્યું છે, જેની મદદથી તમે અલગ-અલગ ગૃપ ચેટ્સ આસાનીથી શોધી શકશો. આ અપડેટને વૉટ્સએપના ડેવલપમેન્ટ પર નજર રાખનારી વેબસાઇટ Wabetainfo દ્વારા શેર કરવામાં આવ્યું છે.

નવા ફિચર અંતર્ગત તમને All, Unread, Contact અને Groupનો ઓપ્શન મળશે. આની મદદથી તમે અલગ-અલગ ચેટ્સને ઓળખી શકશો. કંપનીએ વ્યક્તિગત ફિલ્ટરને કૉન્ટેક્ટ્સ સાથે રિપ્લેસ કર્યું છે. અગાઉ આ નામથી જોવામાં આવતું હતું.

આનો ફાયદો એ થશે કે, તમે ગૃપ ચેટ આસાનીથી શોધી શકશો. હવેની જેમ એપ્લિકેશનમાં શું થાય છે કે બધી ચેટ્સ એક જ ડિપાર્ટમેન્ટમાં આવે છે. તે રીડ કરેલી હોય કે ના કરેલી હોય. એ જ રીતે ગૃપ ચેટ્સ પણ મિશ્રિત રહે છે. નવી સુવિધા સાથે કંપની આ બધાને અલગ કરીને તમારા કામને આસાન બનાવશે.

આ ઉપરાંત WhatsApp ટૂંક સમયમાં યૂરોપિયન યૂનિયનમાં ઇન્ટરઓપરેબિલિટી ફિચર આપશે. આની મદદથી વૉટ્સએપ ઉપરાંતના યૂઝર્સ પણ વૉટ્સએપનો ઉપયોગ કરતા લોકોને મેસેજ મોકલી શકશે. ઉદાહરણ તરીકે, ટેલિગ્રામ અથવા સિગ્નલનો ઉપયોગ કરતા લોકો પણ WhatsApp પર મેસેજ મોકલી શકશે.

કંપની મલ્ટીપલ એકાઉન્ટ ફિચર, ઈમેલ લિંક, તાજેતરની ચેટ હિસ્ટ્રી અને અન્ય ઘણી નવી સુવિધાઓ પર કામ કરી રહી છે. આવનારા સમયમાં તમે એપમાં એક કરતા વધુ વૉટ્સએપ એકાઉન્ટ ઓપન કરી શકશો, જેમ કે હાલમાં ઇન્સ્ટાગ્રામમાં છે.