નોવાક જોકોવિચે સાતમી વખત ઓસ્ટ્રેલિયન ઓપન જીતી સર્જ્યો રેકોર્ડ, જાણો વિગત

મેલબોર્નઃ નોવાક જોકોવિચે રાફેલ નડાલને હાર આપીને ઓસ્ટ્રેલિયન ઓપન પર કબજો જમાવ્યો હતો. રવિવારે જાકોવિચે વર્ષના પ્રથમ ગ્રાન્ડ સ્લેમ ઓસ્ટ્રેલિયન ઓપનની સિંગલ્સ ફાઇનલમાં સ્પેનના રાફેલ નડાલને 2 કલાક 4 મિનિટ સુધી ચાલેલા મુકાબલામાં 6-3, 6-2,6-3થી હાર આપી હતી.

જોકોવિચનો આ 15મો ગ્રાન્ડ સ્લેમ સિંગલ્સ ખિતાબ છે. તેની સાથે જે તે પીટ સેમ્પ્રાસને પાછળ રાખીને સર્વાધિક ગ્રાન્ડ સ્લેમ જીતનારા લોકોની યાદીમાં ત્રીજા સ્થાને પહોંચી ગયો છે. રોજર ફેડરર 20 ગ્રાન્ડ સ્લેમ સિંગલ્સ જીતીને પ્રથમ નંબરે છે. બીજા નંબરે રહેલા સ્પેનના રાફેલ નડાલે 17 ગ્રાન્ડ સ્લેમ જીત્યા છે.