CWC 2023 : એડમ જમ્પાએ ફિરકીથી કર્યો કમાલ, મુરલીધરનના મોટા રેકોર્ડની બરાબરી કરી
વર્લ્ડ કપ 2023 (ICC world 2023)ની ફાઈનલ મેચ ભારત અને ઓસ્ટ્રેલિયા (India vs Australia) વચ્ચે રમાઈ રહી છે. બંને ટીમો વચ્ચેનો આ જંગ અમદાવાદના નરેન્દ્ર મોદી સ્ટેડિયમમાં રમાઈ રહ્યો છે.
વર્લ્ડ કપ 2023 (ICC world 2023)ની ફાઈનલ મેચ ભારત અને ઓસ્ટ્રેલિયા (India vs Australia) વચ્ચે રમાઈ રહી છે. બંને ટીમો વચ્ચેનો આ જંગ અમદાવાદના નરેન્દ્ર મોદી સ્ટેડિયમમાં રમાઈ રહ્યો છે. આ મેચમાં પ્રથમ બેટિંગ કરતા યજમાન ભારતીય ટીમે 240 રન બનાવ્યા છે. આ મેચમાં ઓસ્ટ્રેલિયાના સ્પિન બોલર એડમ ઝમ્પાએ એક મોટો રેકોર્ડ પોતાના નામે કર્યો હતો. વાસ્તવમાં, તે વિશ્વ કપની એક જ સિઝનમાં સૌથી વધુ વિકેટ લેવાના મામલે શ્રીલંકાના ભૂતપૂર્વ સ્પિનર મુથૈયા મુરલીધરન સાથે સંયુક્ત રીતે પ્રથમ સ્થાને આવી ગયો છે.
એડમ ઝમ્પા માટે વર્લ્ડ કપ 2023 શાનદાર રહ્યો છે. તેણે આ વર્લ્ડ કપમાં 23 વિકેટ લીધી છે. તેમના પહેલા શ્રીલંકાના દિગ્ગજ ખેલાડી મુથૈયા મુરલીધરને 2007ના વર્લ્ડ કપમાં 23 વિકેટ ઝડપી હતી. જો વર્લ્ડ કપમાં સૌથી વધુ વિકેટ લેનારા સ્પિનરોની યાદીમાં ત્રીજા સ્થાનની વાત કરીએ તો અહીં ઓસ્ટ્રેલિયાના બ્રેડ હોગનું નામ આવે છે. તેણે 2007ના વર્લ્ડ કપમાં 21 વિકેટ પોતાના નામે કરી હતી.
ચોથા સ્થાન પર પાકિસ્તાનના પૂર્વ કેપ્ટન શાહિદ આફ્રિદી છે, જેણે 2011 વર્લ્ડ કપમાં 21 વિકેટ લીધી હતી. આ યાદીમાં ઓસ્ટ્રેલિયાના પૂર્વ સ્પિનર શેન વોર્નનું નામ પાંચમા નંબર પર છે. જેણે 1999ના વર્લ્ડ કપમાં 20 વિકેટ લીધી હતી.
આ રીતે એડમ ઝમ્પા વર્લ્ડ કપની એક જ સિઝનમાં સૌથી વધુ વિકેટ લેનાર સ્પિનર પણ બની ગયો છે. કોઈ પણ ઓસ્ટ્રેલિયન સ્પિનર એક સિઝનમાં તેમનાથી વધુ વિકેટ લઈ શક્યો નથી. ફાઈનલ મેચમાં એડમ ઝમ્પાની બોલિંગની વાત કરીએ તો તેણે આ મેચમાં 10 ઓવરમાં 44 રન આપીને 1 વિકેટ ઝડપી હતી. ઝમ્પાએ આ મેચમાં જસપ્રિત બુમરાહને પોતાનો શિકાર બનાવ્યો હતો. હવે ઓસ્ટ્રેલિયન ચાહકો ઈચ્છશે કે કાંગારૂ ટીમ છઠ્ઠી વખત વર્લ્ડ કપનો ખિતાબ જીતે.
કોહલીએ વર્લ્ડ કપમાં શ્રેણીબદ્ધ રેકોર્ડ બનાવ્યા
આ વર્લ્ડ કપમાં સૌથી વધુ રન બનાવવાના મામલે વિરાટ કોહલી નંબર વન પર છે. તેણે 11 મેચમાં 765 રન બનાવ્યા છે. આ દરમિયાન તેણે 6 અડધી સદી અને 3 સદી ફટકારી છે. જેમાં ન્યૂઝીલેન્ડ સામેની સેમીફાઈનલમાં રમાયેલી તેની સદીની ઈનિંગ્સનો પણ સમાવેશ થાય છે. આ સદી સાથે, તે ODI ક્રિકેટના ઈતિહાસમાં પચાસ સદી ફટકારનાર પ્રથમ બેટ્સમેન છે. અત્યાર સુધી વર્લ્ડ કપના ઈતિહાસમાં સૌથી વધુ રન બનાવવાના મામલે કોહલી પ્રથમ ક્રમે છે. તેણે માસ્ટર બ્લાસ્ટર સચિન તેંડુલકરનો રેકોર્ડ તોડ્યો હતો.
ટોપ સ્ટોરી
ટ્રેન્ડિંગ સમાચાર
