IND vs ENG ટેસ્ટ શ્રેણીમાં ભારતને મોટો આંચકો: ઘાતક બોલર થયો ઘાયલ, ચોથી મેચ પહેલા ટીમની ચિંતા વધી
ફાસ્ટ બોલરના હાથમાં ઈજા, મેડિકલ ટીમ દ્વારા તપાસ બાદ સ્થિતિ સ્પષ્ટ થશે.
Arshdeep Singh injury update: ઈંગ્લેન્ડ (England) સામે રમાઈ રહેલી પાંચ ટેસ્ટ મેચની (Test Match) શ્રેણીની મધ્યમાં ભારતીય ક્રિકેટ ટીમને (Indian Cricket Team) એક મોટો ઝટકો લાગ્યો છે. શ્રેણીમાં 1-2 થી પાછળ ચાલી રહેલી ટીમ ઈન્ડિયા માટે ચોથી ટેસ્ટ મેચ પહેલા એક ખરાબ સમાચાર સામે આવ્યા છે, જ્યારે ટીમના સ્ટાર ફાસ્ટ બોલર (Fast Bowler) અર્શદીપ સિંહ (Arshdeep Singh) ઈજાગ્રસ્ત થયો છે.
અર્શદીપ સિંહની ઈજા અને મેડિકલ અપડેટ
ભારતીય ક્રિકેટ ટીમના સહાયક કોચ રાયન ટેન ડોઇશેટે (Ryan ten Doeschate) એક ન્યૂઝ એજન્સી સાથે વાત કરતા જણાવ્યું કે, અર્શદીપ સિંહને બોલ રોકતી વખતે તેના હાથમાં સામાન્ય ઈજા થઈ છે. તેમણે કહ્યું કે, "તે માત્ર એક કટ (Cut) છે. આપણે જોવું પડશે કે કટ કેટલો ઊંડો છે. મેડિકલ ટીમ (Medical Team) તેને ડોક્ટર (Doctor) પાસે લઈ જઈ રહી છે અને જો તેને ટાંકાની (Stitches) જરૂર પડશે, તો તે આગામી થોડા દિવસો માટે અમારી યોજનાઓ માટે મહત્વપૂર્ણ રહેશે." અર્શદીપનો એક વીડિયો (Video) પણ સામે આવ્યો છે, જેમાં તે હાથમાં પાટો (Bandage) બાંધીને ચાલતો જોવા મળી રહ્યો છે.
પ્રથમ વખત ટેસ્ટ ટીમમાં સમાવેશ અને પ્રદર્શન
અર્શદીપ સિંહને આ શ્રેણી માટે પહેલી વાર ભારતીય ટેસ્ટ ટીમમાં (Indian Test Team) સામેલ કરવામાં આવ્યો હતો, જોકે શ્રેણીની ત્રણ મેચ રમાઈ ગઈ હોવા છતાં તેને હજુ સુધી ડેબ્યૂ (Debut) કરવાની તક મળી નથી. ટેસ્ટ ક્રિકેટમાં ભલે તેને તક ન મળી હોય, પરંતુ તે T20 આંતરરાષ્ટ્રીય ક્રિકેટમાં (T20I Cricket) ટીમની એક મહત્વપૂર્ણ કડી છે. અર્શદીપ ભારતીય ટીમ માટે T20I માં 99 વિકેટ (Wickets) સાથે સૌથી વધુ વિકેટ લેનાર બોલરોમાંનો એક છે. આ ઉપરાંત, તેણે વનડે (ODI) માં પણ 14 વિકેટ ઝડપી છે. સ્થાનિક ક્રિકેટમાં પણ તેનો રેકોર્ડ (Record) પ્રભાવશાળી છે, જ્યાં તેણે 21 ફર્સ્ટ ક્લાસ મેચમાં (First Class Matches) 66 વિકેટ પોતાના નામે કરી છે.
#WATCH | Team India's Assistant Coach, Ryan ten Doeschate says, "He took a ball, while he was bowling there, the side of the ball; he tried to stop the ball. It's just a cut, so we have to see how bad the cut is. Obviously, the medical team is taking him to see a doctor and if he… https://t.co/6MPyC4sACu pic.twitter.com/F4Lki2L2Z2
— ANI (@ANI) July 17, 2025
શ્રેણીની વર્તમાન સ્થિતિ
ઇંગ્લેન્ડે ભારતીય ટીમ સામેની પ્રથમ ટેસ્ટ મેચ 5 વિકેટથી જીતી હતી. ભારતીય ટીમે જોરદાર વાપસી કરતા બીજી ટેસ્ટ 336 રનથી જીતીને શ્રેણીને 1-1 થી બરાબર કરી દીધી હતી. જોકે, ત્રીજી ટેસ્ટમાં બંને ટીમો વચ્ચે રોમાંચક મુકાબલો થયો, જેમાં ઇંગ્લેન્ડે આખરે 22 રનથી મેચ જીતી લઈને શ્રેણીમાં 1-2 ની સરસાઈ મેળવી લીધી છે. આ શ્રેણીમાં અત્યાર સુધી શુભમન ગિલ (Shubman Gill), રવિન્દ્ર જાડેજા (Ravindra Jadeja), કેએલ રાહુલ (KL Rahul), જસપ્રીત બુમરાહ (Jasprit Bumrah) અને આકાશ દીપે (Akash Deep) ભારતીય ટીમ માટે સારું પ્રદર્શન કર્યું છે. આગામી 23 જુલાઈથી રમાનારી ચોથી ટેસ્ટ મેચમાં ભારત શ્રેણી બરાબર કરવાના ઈરાદા સાથે મેદાનમાં ઉતરશે.
ટોપ સ્ટોરી
ટ્રેન્ડિંગ સમાચાર
