Asia Cup 2025: કોને મળશે મોકો અને કોનું પત્તુ કપાશે ? અહીં જુઓ સંભવિત ભારતીય ટીમ

India squad Asia Cup 2025: એશિયા કપ 9 થી 28 સપ્ટેમ્બર 2025 દરમિયાન યોજાશે. ભારત 10 સપ્ટેમ્બરે UAE સામે પોતાની પહેલી મેચ રમશે અને 14 સપ્ટેમ્બરે પાકિસ્તાન સામે ટકરાશે

(તસવીર- એબીપી લાઇવ)

Source : એબીપી અસ્મિતા

India squad Asia Cup 2025: એશિયા કપ 2025 માટે ભારતીય ટીમની જાહેરાત ટૂંક સમયમાં થવા જઈ રહી છે, જ્યાં ભારતીય ટીમ નવા અંદાજમાં જોવા મળશે. ચાહકો ભારત અને પાકિસ્તાન વચ્ચેની શાનદાર મેચ પણ જોઈ શકશે.

બધી મેચો 9 થી 28 સપ્ટેમ્બર દરમિયાન યુએઈના દુબઈ અને અબુ ધાબીમાં રમાશે. ભારત સત્તાવાર યજમાન છે, પરંતુ બધી મેચો તટસ્થ સ્થળોએ યોજાશે. ભારત અને પાકિસ્તાન એક જ ગ્રુપમાં છે. તે જ સમયે, ટીમ ઈન્ડિયાની પસંદગી અંગે ઘણા મહત્વપૂર્ણ નિર્ણયો બાકી છે.

એશિયા કપ 2025 ટુર્નામેન્ટનું સમયપત્રક અને સ્થળ 
એશિયા કપ 9 થી 28 સપ્ટેમ્બર 2025 દરમિયાન યોજાશે. ભારત 10 સપ્ટેમ્બરે UAE સામે પોતાની પહેલી મેચ રમશે અને 14 સપ્ટેમ્બરે પાકિસ્તાન સામે ટકરાશે. બધી મેચ દુબઈ અને અબુ ધાબીમાં યોજાશે.

IND vs PAK મેચ તટસ્થ સ્થળે 
BCCI અને PCB વચ્ચે સંમત થયેલા હાઇબ્રિડ મોડેલ હેઠળ, ભારત-પાકિસ્તાનની બધી મેચ તટસ્થ સ્થળોએ રમાશે. સુરક્ષા અને રાજકીય કારણોસર આ નિર્ણય લેવામાં આવ્યો છે.

ટોપ ઓર્ડરમાં કોને તક મળશે ? 
ટીમ મેનેજમેન્ટ હવે એક નવું કોમ્બિનેશન લાવવાની તૈયારી કરી રહ્યું છે, તેથી ચાહકો ટોપ ઓર્ડરમાં કોને તક મળશે તેના પર નજર રાખી રહ્યા છે. તાજેતરના પ્રદર્શન અને પીચની સ્થિતિને ધ્યાનમાં લેતા, પસંદગીકારો પાસે મહત્વપૂર્ણ નિર્ણય લેવાનો પડકાર છે. પસંદગીકારો પાસે ટોપ ઓર્ડરમાં ગિલ, સંજુ અને અભિષેકને લઈને પસંદગી પડકારનો સામનો કરવો પડી શકે છે.

જસપ્રીત બુમરાહ અને સૂર્યકુમારની ફિટનેસ પર અપડેટ 
પીટીઆઈના અહેવાલ મુજબ, જસપ્રીત બુમરાહ એશિયા કપ માટે ઉપલબ્ધ રહેશે. વર્કલોડ મેનેજમેન્ટ હેઠળ તેને ઈંગ્લેન્ડ પ્રવાસની છેલ્લી ટેસ્ટમાંથી આરામ આપવામાં આવ્યો હતો. તેની વાપસીથી ટીમની બોલિંગ મજબૂત બનશે. બીસીસીઆઈ સૂર્યકુમાર યાદવ (સ્કાય) અને કેટલાક અન્ય ખેલાડીઓના ફિટનેસ રિપોર્ટની રાહ જોઈ રહ્યું છે. આ પછી, ટીમની જાહેરાત 19 કે 20 ઓગસ્ટે થઈ શકે છે.

આવી હોઇ શકે છે ભારતીય ટીમ  
ભારતીય ટીમ એશિયા કપ 2025ની સંભવિત ટીમમાં સૂર્યકુમાર યાદવ (કેપ્ટન), શુભમન ગીલ, અભિષેક શર્મા, સંજુ સેમસન (વિકેટકીપર), તિલક વર્મા, હાર્દિક પંડ્યા, શિવમ દુબે, અક્ષર પટેલ, વોશિંગ્ટન સુંદર, કુલદીપ યાદવ/વરૂણ ચક્રવર્તી, જસપ્રીત બુમરાહ, અર્શદીપ સિંહ, હર્ષિત રાણા/પ્રસિદ્ધ ક્રિષ્ણા, જિતેશ શર્મા/ધ્રુવ જુરેલ સામેલ થઇ શકે છે.      

 

આ પણ વાંચો

સેમસન-અશ્વિનથી વેંકટેશ અય્યર સુધી, આ દિગ્ગજોની IPL 2026 માં બદલાઇ જશે ટીમ, ટ્રેડની આવી ખબર

પૂર્વ ક્રિકેટર સુરેશ રૈનાની મુશ્કેલી વધી, બેટિંગ એપ કેસમાં EDએ મોકલ્યું સમન્સ