W T20 World Cup Winner: ઓસ્ટ્રેલિયાએ છઠ્ઠી વખત જીત્યો મહિલા T20 વર્લ્ડ કપનો ખિતાબ, ફાઈનલમાં દક્ષિણ આફ્રીકાને હરાવ્યું 

આઈસીસી મહિલા T20 વર્લ્ડ કપ 2023ની ફાઇનલ મેચમાં ઓસ્ટ્રેલિયાની મહિલા ટીમે યજમાન દક્ષિણ આફ્રિકાની મહિલા ટીમને 19 રને હરાવીને 6ઠ્ઠી વખત T20 ખિતાબ જીત્યો છે.

તસવીર સોશિયલ મીડિયા

ICC T20 World Cup 2023 Final SA vs AUS: આઈસીસી મહિલા T20 વર્લ્ડ કપ 2023ની ફાઇનલ મેચમાં ઓસ્ટ્રેલિયાની મહિલા ટીમે યજમાન દક્ષિણ આફ્રિકાની મહિલા ટીમને 19 રને હરાવીને 6ઠ્ઠી વખત T20 ખિતાબ જીત્યો છે.  આ મેચમાં ઓસ્ટ્રેલિયાની મહિલા ટીમે પ્રથમ બેટિંગ કરતા 20 ઓવરમાં 6 વિકેટ ગુમાવીને 156 રન બનાવ્યા હતા, જેમાં બેથ મૂનીએ અણનમ 74 રનની મહત્વપૂર્ણ ઇનિંગ રમી હતી.

157 રનના લક્ષ્યનો પીછો કરવા ઉતરેલી દક્ષિણ આફ્રિકાની મહિલા ક્રિકેટ ટીમની શરૂઆત ધીમી રહી હતી. પ્રથમ 6 ઓવરમાં ટીમ માત્ર 22 રન જ ઉમેરી શકી હતી અને ટીમે તાજમીન બ્રિટ્સના રૂપમાં મહત્વની વિકેટ પણ ગુમાવી હતી. આ પછી, લૌરા વોલ્વાર્ડે એક છેડેથી આક્રમક વલણ અપનાવીને ઝડપી ગતિએ રન બનાવ્યા. જો કે તે 61 રન બનાવીને પેવેલિયન પરત ફરતાની સાથે જ દક્ષિણ આફ્રિકાની જીતની આશા પણ તેના પર સમાપ્ત થઈ ગઈ અને તે 20 ઓવરમાં માત્ર 137 રન સુધી જ પહોંચી શકી.

બેથ મૂનીએ એક છેડો સંભાળ્યો અને ટીમને લડાયક સ્કોર સુધી પહોંચાડી

ઓસ્ટ્રેલિયાની મહિલા ટીમે આ મેચમાં ટોસ જીતીને પ્રથમ બેટિંગ કરવાનો નિર્ણય કર્યો હતો. ટીમ માટે ઇનિંગ્સની શરૂઆત કરનાર એલિસા હિલી અને બેથ મૂની વચ્ચે પ્રથમ વિકેટ માટે 36 રનની ભાગીદારી જોવા મળી હતી.   એશ્લે ગાર્ડનરે આક્રમક ઈનિંગ રમતા  21 બોલમાં 29 રનની ઇનિંગ રમી હતી.

બેથ મૂનીએ શાનદાર ઈનિંગ રમી હતી

બીજા છેડેથી બેથ મૂની ટીમને સંભાળવાની સાથે સ્કોર વધારવા માટે સતત કામ કરી રહી હતી. આ મેચમાં બેથે 53 બોલમાં 9 ચોગ્ગા અને 1 છગ્ગાની મદદથી 74 રન બનાવ્યા હતા, જેના કારણે ઓસ્ટ્રેલિયાની ટીમ 20 ઓવરમાં 6 વિકેટ ગુમાવીને 156 રન સુધી પહોંચાડવામાં સફળ રહી હતી. સાઉથ આફ્રિકા તરફથી બોલિંગમાં શબનિમ ઈસ્માઈલ અને મરિજાન કેપે 2-2 વિકેટ લીધી હતી.

લૌરા વોલ્વાર્ડ પેવેલિયન પરત ફરતાં દક્ષિણ આફ્રિકાની આશાઓ ખતમ થઈ ગઈ

દક્ષિણ આફ્રિકાની મહિલા ટીમની ઓપનિંગ જોડી પર ફાઈનલ મેચનું દબાણ સ્પષ્ટ દેખાઈ રહ્યું હતું. ટીમની શરૂઆતની 6 ઓવરમાં રન સ્પીડ ઘણી ધીમી જોવા મળી હતી. પ્રથમ 10 ઓવરમાં દક્ષિણ આફ્રિકાની મહિલા ટીમ માત્ર 2 વિકેટ ગુમાવીને 52 રન સુધી જ પહોંચી શકી હતી.  ઓસ્ટ્રેલિયાની મહિલા ટીમે યજમાન દક્ષિણ આફ્રિકાની મહિલા ટીમને 19 રને હરાવીને 6ઠ્ઠી વખત T20 ખિતાબ જીત્યો.