County Championship 2023: ગુજરાતના આ ધૂંરધર બેટ્સમેનને સોંપાઇ ઇંગ્લિશ કાઉન્ટી ટીમની કેપ્ટનશીપ, ફટકાર્યા હતા સૌથી વધુ રન

ગયા વર્ષે ચેતેશ્વર પુજારા સસેક્સ તરફથી કાઉન્ટી ક્રિકેટ રમ્યો હતો. કાઉન્ટી ક્રિકેટમાં આ તેની બીજી સિઝન હશે.

ફાઇલ તસવીર

Cheteshwar Pujara Sussex Captain: ભારતીય ટેસ્ટ ટીમના બેટ્સમેન અને ગુજરાતી ક્રિકેટર ચેતેશ્વર પુજારાને ઇંગ્લિશ કાઉન્ટી ચેમ્પીયનશિપ 2023માં મોટી જવાબદારી મળી છે. કાઉન્ટી ચેમ્પીયનશિપની આ સિઝનમાં તે સસેક્સની કેપ્ટનશીપ કરતો દેખાશે. ખાસ વાત છે કે, ગયા વર્ષે તેણે ઇંગ્લિશ કાઉન્ટીમાં શાનદાર પ્રદર્શન કર્યું હતું. તેનું પ્રદર્શન જોઈને સસેક્સે પૂજારાને કેપ્ટન બનાવ્યો છે. આ માહિતી ખુદ ચેતેશ્વર પુજારાએ પોતાના ઓફિશિયલ ટ્વિટર એકાઉન્ટ દ્વારા ટ્વીટ કરીને આપી હતી.

પુજારાએ આપી જાણકારી - 
પુજારાને ઇંગ્લિશ કાઉન્ટી ટીમ સસેક્સનો કેપ્ટન બનાવ્યા બાદ તે ખુબ ખુશ છે, તેને આ મામલે ટ્વીટ કરીને લખ્યું - 'કાઉન્ટી ચેમ્પીયનશિપ 2023માં સસેક્સનો કેપ્ટન બનાવવા માટે આનંદીત છું'. ઇંગ્લિશ કાઉન્ટીમાં ચેતેશ્વર પૂજારાની આ બીજી સિઝન હશે. પ્રથમ સિઝનમાં તેણે શાનદાર પ્રદર્શન કર્યું હતું.

સૌથી વધુ રન બનાવવાનું મળ્યુ ઇનામ - 
ગયા વર્ષે ચેતેશ્વર પુજારા સસેક્સ તરફથી કાઉન્ટી ક્રિકેટ રમ્યો હતો. કાઉન્ટી ક્રિકેટમાં આ તેની બીજી સિઝન હશે. વર્ષ 2022માં તેણે સારી બેટિંગ કરતા 13 ઇનિંગ્સમાં 109.40ની એવરેજથી 1094 રન બનાવ્યા હતા. આ દરમિયાન તેણે 5 સદી ફટકારી હતી. ગયા વર્ષે કાઉન્ટી ચેમ્પીયનશિપમાં પુજારાનો હાઇએસ્ટ સ્કૉર 232 રન હતો. તે સસેક્સ માટે સૌથી વધુ રન બનાવનાર બેટ્સમેન હતો. તેના પ્રદર્શનને જોતા સસેક્સ ક્રિકેટે તેને કેપ્ટનશીપની જવાબદારી સોંપી છે. પુજારા ગયા વર્ષે રૉયલ લંડન કપમાં પણ રમ્યો હતો.

6 એપ્રિલથી રમાશે પ્રથમ મેચ  - 
કાઉન્ટી ચેમ્પિયનશિપ 2023માં સસેક્સ પોતાના અભિયાનની શરૂઆત 6 એપ્રિલે કરશે. ચેતેશ્વર પુજારાની કેપ્ટનશીપ વાળી ટીમ તેની પ્રથમ મેચ ડરહામ સામે રમશે. બંને ટીમો વચ્ચેની આ મેચ હોવ સ્ટેડિયમમાં રમાશે. બીજીબાજુ જો આપણે પુજારા વિશે વાત કરીએ, તો તે હાલના સમયમાં બહુ સફળ રહ્યો નથી. ઓસ્ટ્રેલિયા સામે બૉર્ડર-ગાવસ્કર ટ્રૉફી દરમિયાન તેણે 6 ઇનિંગ્સમાં માત્ર 140 રન બનાવ્યા હતા. આ દરમિયાન તેની એવરેજ 28 રહી હતી.

 

Test: ઓસ્ટ્રેલિયા વિરુદ્ધ 2000 ટેસ્ટ રન બનાવનારો ચોથો ભારતીય બન્યો પુજારા

IND vs AUS 4th Test: ભારત અને ઓસ્ટ્રેલિયા (IND vs AUS) ની વચ્ચે અમદાવાદમાં રમાઇ રહેલી ચોથી ટેસ્ટ મેચમાં ચેતેશ્વર પુજારાએ (Cheteshwar Pujara)એક મોટી ઉપલબ્ધિ હાંસલ કરી લીધી છે. આ ટેસ્ટમાં ટીમ ઇન્ડિયાની પહેલી ઇનિંગમાં 9 રન બનાવતાની સાથે જ પુજારાએ ઓસ્ટ્રેલિયા વિરુદ્ધ બે હજાર ટેસ્ટ રન પુરા કરી લીધા છે. આવુ કરનારો તે ચોથો ભારતીય બેટ્સમેન બની ગયો છે. 

ચેતેશ્વર પુજારાને ઓસ્ટ્રેલિયા વિરુ્દ્ધ આ મોટો આંકડો પાર કરવા માટે 24 મેચોની 43 ઇનિંગો લાગી હતી. આ દરમિયાન તેને કાંગારુઓ વિરુદ્ધ 5 સદી અને 11 ફિફ્ટી ફટકારી છે. ઓસ્ટ્રેલિયા વિરુ્દ્ધ તેની બેટિંગ એવરેજ 50+ ની રહી છે. 

ઓસ્ટ્રેલિયા વિરુદ્ધ સૌથી વધુ રન બનાવનારો ભારતીય બેટ્સમેન સચીન તેંદુલકર છે, સચીનના ઓસ્ટ્રેલિયા વિરુદ્ધ ટેસ્ટ મેચોમાં સૌથી વધુ રન ફટકાર્યા છે. સચીને કાંગારુઓ વિરુદ્ધ 39 મેચોની 74 ઇનિંગોમાં 55 ની બેટિંગ એવરેજથી 3630 રન બનાવ્યા છે. અહીં બીજા નંબરપર વીવીએસ લક્ષ્મણ છે, જેને 29 ટેસ્ટ મેચોની 54 ઇનિંગોમાં  49.67 ની એવરેજથી 2434 રન બનાવ્યા છે. ત્રીજા નંબર પર રાહુલ દ્રવિડનુ નામ આવે છે, રાહુલ દ્રવિડે ઓસ્ટ્રેલિયા વિરુદ્ધ 32 ટેસ્ટ મેચોની 60 ઇનિંગોમાં 2143 રન બનાવ્યા છે. 

અહીં ખાસ વાત એ છે કે, સચિને 42, લક્ષ્મણે 41 અને પુજારાએ 43 ઇનિંગોમાં ઓસ્ટ્રેલિયા વિરુદ્ધ 2000 રનનો આંકડો પાર કર્યો છે. રાહુલ દ્રવિડને આ આંકડો પાર કરવા માટે 53 ઇનિંગો લાગી હતી.