ક્રિકેટના મેદાન પર વધુ એક ભારતીય ક્રિકેટરનું મોત, છગ્ગો ફટકાર્યા બાદ તરત જ ઢળી પડ્યો, સેકન્ડોમાં ડેથ
Cricketer Heart Attack Dies: મેદાન પર બેટ્સમેને છગ્ગો ફટકાર્યો ત્યારથી તેની તબિયત લથડી ગઇ હતી. બાદમાં રમતાં રમતાં વિજય પટેલને અચાનક હૃદયરોગનો હુમલો આવ્યો
Cricketer Heart Attack Dies: મહારાષ્ટ્રના જાલનામાં ક્રિકેટ રમતી વખતે એક ખેલાડીનું હાર્ટ એટેકથી મોત થયું હતું. આ ઘટનાનો વીડિયો પણ સામે આવ્યો છે જે જોઈને તમે ચોંકી જશો. વાસ્તવમાં, જાલનાના ડૉક્ટર ફ્રેઝર બૉયઝ મેદાનમાં આયોજિત એક ક્રિકેટ મેચ દરમિયાન ખેલાડી અચાનક પીચ પર બેસી ગયો અને ધીમે-ધીમે તેની તબિયત બગડવા લાગી. લોકો કંઈક સમજી શકે ત્યાં સુધીમાં તે મૃત્યુ પામ્યો. મૃતક ખેલાડીની ઓળખ વિજય પટેલ તરીકે થઈ છે, જે મુંબઈના નાલાસોપારાનો રહેવાસી છે.
ક્રિકેટ રમતી વખતે બેટ્સમેનનું મોત -
આ ચોંકાવનારી ઘટના ક્રિસમસ નિમિત્તે આયોજિત 'ક્રિસમસ ટ્રૉફી ક્રિકેટ મેચ' દરમિયાન બની હતી. મેદાન પર બેટ્સમેને છગ્ગો ફટકાર્યો ત્યારથી તેની તબિયત લથડી ગઇ હતી. બાદમાં રમતાં રમતાં વિજય પટેલને અચાનક હૃદયરોગનો હુમલો આવ્યો. મેદાન પર હાજર સાથી ખેલાડીઓ અને આયોજકોએ પરિસ્થિતિને સંભાળવાનો પ્રયાસ કર્યો, પરંતુ ત્યાં સુધીમાં ઘણું મોડું થઈ ચૂક્યું હતું. વિજયનું ઘટનાસ્થળે જ મોત થયું હતું.
જોકે, વિજય પટેલના મૃત્યુ પાછળનું સત્તાવાર કારણ હજુ સુધી સમર્થન મળ્યું નથી, પરંતુ પ્રાથમિક તપાસ અને અનુમાન મુજબ તેમનું મૃત્યુ હાર્ટ એટેકના કારણે થયું હતું. પોલીસ અને મેડિકલ ટીમ ઘટનાસ્થળે પહોંચી અને મૃતદેહને પૉસ્ટમૉર્ટમ માટે મોકલી આપ્યો હતો.
A man died due to a suspected #HeartAttack while he was playing cricket at a ground in Maharashtra's #Jalna. The incident occurred on December 25. The victim, #VijayPatel, was chatting with another man, who was at the non-striker end. As Patel, a resident of Nala Sopara near… pic.twitter.com/Ag4geYJuFh
— Upendrra Rai (@UpendrraRai) December 30, 2024
પ્રત્યક્ષદર્શીઓના જણાવ્યા અનુસાર, વિજય પટેલ રમત દરમિયાન સંપૂર્ણ રીતે ફિટ અને ઉત્સાહિત દેખાતા હતા પરંતુ અચાનક તેમને છાતીમાં તીવ્ર દુઃખાવાની ફરિયાદ થઈ અને તરત જ મેદાન પર પડી ગયો. સાથી ખેલાડીઓએ તરત જ મેડિકલ હેલ્પ બોલાવવાનો પ્રયાસ કર્યો, પરંતુ વિજયને બચાવી શકાયો નહીં.
પરિવારમાં શોકનું મોજુ ફરી વળ્યું -
આ ઘટનાએ જાલના અને ક્રિકેટ પ્રેમીઓને ચોંકાવી દીધા છે. સ્થાનિક લોકો અને ખેલાડીઓએ વિજય પટેલના અકાળે અવસાન પર શોક વ્યક્ત કર્યો હતો, ત્યારબાદ આયોજક સમિતિએ તરત જ મેચ રદ કરી દીધી હતી. વિજય પટેલના પરિવારને શક્ય તમામ મદદની ખાતરી આપવામાં આવી છે.
આકસ્મિક મૃત્યુ અંગે નિષ્ણાતો કહે છે કે, શારીરિક પ્રવૃત્તિ દરમિયાન હાર્ટ એટેકના કેસો વધી રહ્યા છે, જે નિયમિત આરોગ્ય તપાસ ન કરાવવાને કારણે થઈ રહ્યા છે. જાલના પોલીસે આ મામલે તપાસ શરૂ કરી છે. અધિકારીએ કહ્યું કે પૉસ્ટમૉર્ટમ રિપોર્ટ આવ્યા બાદ મૃત્યુનું સાચું કારણ જાણી શકાશે.
આ પણ વાંચો
ટ્રેન્ડિંગ સમાચાર
ટોપ સ્ટોરી
