CSK vs DC: દિલ્હીએ ચેન્નાઈનો વિજય રથ, CSKની 20 રનથી હાર

IPL 2024, CSK vs DC LIVE Score: અહીં તમને દિલ્હી કેપિટલ્સ અને ચેન્નાઈ સુપર કિંગ્સ વચ્ચેની મેચનો લાઈવ સ્કોર અને મેચ સંબંધિત તમામ અપડેટ્સ મળશે.

Background

IPL 2024, CSK vs DC LIVE Score: નમસ્તે! એબીપી ન્યૂઝના લાઈવ બ્લોગમાં આપ સૌનું સ્વાગત છે. અહીં તમને દિલ્હી કેપિટલ્સ અને ચેન્નાઈ સુપર કિંગ્સ વચ્ચેની મેચનો લાઈવ સ્કોર અને મેચ સંબંધિત તમામ અપડેટ્સ મળશે. ઈન્ડિયન પ્રીમિયર લીગની 17મી સિઝનમાં આજે ડબલ હેડર રમાશે. દિવસની બીજી મેચમાં દિલ્હી કેપિટલ્સ (DC) ચેન્નઈ સુપર કિંગ્સ (CSK) સામે ટકરાશે. આ મેચ વિશાખાપટ્ટનમના ડો. વાયએસ રાજશેખર રેડ્ડી ક્રિકેટ સ્ટેડિયમમાં સાંજે 7:30 વાગ્યાથી રમાશે. ટૉસ સાંજે 7:00 કલાકે થશે.

23:31 PM (IST)  •  31 Mar 2024

દિલ્હીએ સીએસકેને 20 રને હરાવ્યું

IPL 2024, CSK Vs DC: ઋષભ પંતની કપ્તાની હેઠળ, દિલ્હી કેપિટલ્સ (DC) એ મજબૂત પ્રદર્શન બતાવ્યું અને ઈન્ડિયન પ્રીમિયર લીગ (IPL) 2024 માં જીતનું ખાતું ખોલ્યું. વિશાખાપટ્ટનમમાં રવિવારે (31 માર્ચ) રમાયેલી મેચમાં દિલ્હીએ ચેન્નાઈ સુપર કિંગ્સ (CSK)ને 20 રનથી હરાવ્યું હતું. આ સિઝનમાં દિલ્હીની આ પ્રથમ જીત છે. જ્યારે ચેન્નાઈની આ પહેલી હાર છે.

 

Match 13. Delhi Capitals Won by 20 Run(s) https://t.co/8ZttBSkfE8 #TATAIPL #IPL2024 #DCvCSK

— IndianPremierLeague (@IPL) March 31, 2024

22:56 PM (IST)  •  31 Mar 2024

રહાણે બાદ રિઝવી પણ આઉટ

મુકેશ કુમારે બે બોલમાં સતત બે વિકેટ લઈને મેચ દિલ્હીની ઝોળીમાં નાખી દીધી છે. મુકેશે પહેલા રહાણેને આઉટ કર્યો અને પછી સમીર રિઝવીને પણ આઉટ કર્યો. 14મી ઓવરમાં માત્ર બે રન જ બન્યા હતા. હવે ચેન્નાઈને 36 બોલમાં 89 રન બનાવવાના છે.

22:35 PM (IST)  •  31 Mar 2024

ચેન્નાઈની ત્રીજી વિકેટ પડી

ચેન્નાઈ સુપર કિંગ્સે 11મી ઓવરમાં 75ના સ્કોર પર ત્રીજી વિકેટ ગુમાવી હતી. ડેરીલ મિશેલ 26 બોલમાં 34 રન બનાવીને આઉટ થયો હતો. તેના બેટમાંથી બે સિક્સ અને એક ફોર આવી હતી. હવે રહાણે સાથે શિવમ દુબે ક્રિઝ પર છે.

22:11 PM (IST)  •  31 Mar 2024

ચેન્નાઈનો સ્કોર 38/2

7 ઓવર પછી ચેન્નાઈનો સ્કોર બે વિકેટે 38 રન છે. રહાણે 20 અને મિશેલ 11 રને રમતમાં છે. બંને વચ્ચે 31 રનની ભાગીદારી છે. ચેન્નાઈને હવે જીતવા માટે 78 બોલમાં 154 રન બનાવવાના છે.

21:47 PM (IST)  •  31 Mar 2024

ચેન્નાઈનો સ્કોર 6-1

2 ઓવર પછી ચેન્નાઈનો સ્કોર એક વિકેટે 6 રન છે. અજિંક્ય રહાણે બે બોલમાં એક રન પર છે. જ્યારે રચિન રવિન્દ્ર આઠ બોલમાં બે રન પર છે. દિલ્હીના બોલરો યોગ્ય લાઇન લેન્થ પર બોલિંગ કરી રહ્યા છે.