Champions Trophy 2025: દક્ષિણ આફ્રિકાને લાગ્યો મોટો ઝટકો, ચેમ્પિયન્સ ટ્રોફીમાંથી બહાર થયો આ મેચ વિનર ખેલાડી

Champions Trophy 2025: ગેરાલ્ડ કોટઝી પીઠમાં ખેંચાણને કારણે ટ્રાઇ સિરીઝ અને ICC ચેમ્પિયન્સ ટ્રોફી 2025માંથી બહાર થઈ ગયો છે.

દક્ષિણ આફ્રિકા ક્રિકેટ ટીમ

Source : PTI

Champions Trophy 2025:  પાકિસ્તાન, દક્ષિણ આફ્રિકા અને ન્યુઝીલેન્ડ વચ્ચે ત્રિકોણીય શ્રેણી 8 ફેબ્રુઆરીથી શરૂ થઈ રહી છે. આગામી શ્રેણી માટે આજે (૫ ફેબ્રુઆરી, ૨૦૨૫) દક્ષિણ આફ્રિકાની ટીમની જાહેરાત કરવામાં આવી હતી. જેમાં ગેરાલ્ડ કોટઝીનું નામ પણ સામેલ હતું. પરંતુ થોડા કલાકો પછી, તેમના નામ અંગે ખરાબ સમાચાર આવી રહ્યા છે. એવું કહેવામાં આવી રહ્યું છે કે તે ત્રિકોણીય શ્રેણી તેમજ ICC ચેમ્પિયન્સ ટ્રોફી 2025માંથી બહાર થઈ ગયો છે.

ગેરાલ્ડ કોટ્ઝી કેમ બહાર થયો?
ક્રિકેટ સાઉથ આફ્રિકાએ એક નિવેદન જારી કરીને ગેરાલ્ડ કોટ્ઝીને ત્રિકોણીય શ્રેણીમાંથી બાકાત રાખવાની પુષ્ટિ કરી છે. નિવેદનમાં કહેવામાં આવ્યું છે કે કોટ્ઝી આજે સવારે પ્રિટોરિયામાં સેન્ટર ઓફ એક્સેલન્સ ખાતે તાલીમ લઈ રહ્યો હતો. તે દરમિયાન તેને પીઠમાં દૂખાવાનો અનુભવ થયો. જે બાદ સાવચેતીના પગલા તરીકે તેને ત્રિકોણીય શ્રેણીમાંથી બહાર કરવામાં આવ્યો છે. એટલું જ નહીં, આગામી ચેમ્પિયન્સ ટ્રોફી 2025 માટે પણ તેની પસંદગી કરવામાં આવશે નહીં.

ગેરાલ્ડ કોટ્ઝીની આંતરરાષ્ટ્રીય ક્રિકેટ કારકિર્દી
ગેરાલ્ડ કોટઝીના આંતરરાષ્ટ્રીય ક્રિકેટ કારકિર્દી વિશે વાત કરીએ તો, તેમણે અત્યાર સુધીમાં દક્ષિણ આફ્રિકા માટે કુલ ચાર ટેસ્ટ, 14 વનડે અને 10 ટી20 આંતરરાષ્ટ્રીય મેચ રમી છે. દરમિયાન, તેણે છ ટેસ્ટ ઇનિંગ્સમાં ૨૩.૫૭ ની સરેરાશથી ૧૪ વિકેટ, ૧૪ વનડે ઇનિંગ્સમાં ૨૩.૨૩ ની સરેરાશથી ૩૧ વિકેટ અને ૧૦ ટી૨૦ ઇનિંગ્સમાં ૩૦.૨૫ ની સરેરાશથી ૧૨ સફળતાઓ મેળવી છે.

તેના બેટિંગ પ્રદર્શનની વાત કરીએ તો, તેણે ટેસ્ટની છ ઇનિંગમાં ૧૩.૪ ની સરેરાશથી ૬૭ રન, વનડેની સાત ઇનિંગમાં ૮.૧૪ ની સરેરાશથી ૫૭ રન અને ટી૨૦ ની નવ ઇનિંગમાં ૧૧.૫૭ ની સરેરાશથી ૮૧ રન બનાવ્યા છે.

ત્રિકોણીય શ્રેણી માટે દક્ષિણ આફ્રિકાની ટીમ 
ટેમ્બા બાવુમા (કેપ્ટન), એથન બોશ, મેથ્યુ બ્રીટ્ઝકે, જુનિયર ડાલા, વિઆન મુલ્ડર, મિહલાલી મ્પોંગવાના, સેનુરન મુથુસામી, ગિડીઓન પીટર્સ, માઇકા-ઇલ પ્રિન્સ, જેસન સ્મિથ અને કાયલ વેરેન.

પાકિસ્તાન 1996 પછી ICC ટૂર્નામેન્ટનું આયોજન કરશે

ICC ચીફ કોમર્શિયલ ઓફિસર અનુરાગ દહિયાએ કહ્યું: “અમે ICC મેન્સ ચેમ્પિયન્સ ટ્રોફી 2025 માટે સત્તાવાર ટિકિટના વેચાણની જાહેરાત કરતાં રોમાંચિત છીએ. પાકિસ્તાનમાં ક્રિકેટ માટે આ એક મહત્વપૂર્ણ ક્ષણ છે, જે 1996 પછી તેની પ્રથમ ICC ટુર્નામેન્ટનું આયોજન કરી રહ્યું છે.

તમે ઓનલાઈન પ્લેટફોર્મ પરથી ટિકિટ ખરીદી શકો છો

ચેમ્પિયન્સ ટ્રોફીના ડિરેક્ટર સુમૈર અહેમદ સૈયદે જણાવ્યું હતું કે સસ્તી ટિકિટના ભાવ એ બતાવે છે કે તમામ ક્ષેત્રના ચાહકો આ ઐતિહાસિક ટૂર્નામેન્ટનો ભાગ બની શકે, જે ક્રિકેટ ચાહકોની તમામ પેઢીઓ માટે એક ઉત્સવ બની જશે. અમે ટિકિટોને ન માત્ર સસ્તી પરંતુ અધિકૃત ઓનલાઈન પ્લેટફોર્મ અને સમગ્ર પાકિસ્તાનમાં 100 થી વધુ આઉટલેટ્સ દ્વારા સુલભ પણ બનાવી છે. ભારતની મેચોની ટિકિટની માહિતી પછીથી ઉપલબ્ધ કરાવવામાં આવશે.

ચેમ્પિયન્સ ટ્રોફી 2025 માટે ગ્રુપ સ્ટેજ:

ગ્રુપ A: પાકિસ્તાન, ભારત, ન્યુઝીલેન્ડ, બાંગ્લાદેશ

ગ્રુપ બી: ઓસ્ટ્રેલિયા, ઈંગ્લેન્ડ, દક્ષિણ આફ્રિકા, અફઘાનિસ્તાન  

ચેમ્પિયન્સ ટ્રોફી 2025ની શરૂઆત 19 ફેબ્રુઆરીથી થશે. ભારતીય ટીમ તેની બધી મેચ પાકિસ્તાનની બહાર રમશે. કારણ કે BCCI એ પહેલાથી જ કહ્યું હતું કે તે આ ટ્રોફી માટે ભારતીય ટીમને પાકિસ્તાન મોકલશે નહીં. 

આ પણ વાંચો...