Glenn Maxwell Record: ગ્લેન મેક્સવેલે બેવડી સદી ફટકારી બનાવ્યા અનેક રેકોર્ડ, જાણો
ગ્લેન મેક્સવેલે અફઘાનિસ્તાન સામેની વર્લ્ડ કપ 2023ની મેચમાં ઓસ્ટ્રેલિયાને જીત અપાવવામાં હીરોની ભૂમિકા ભજવી હતી.
Glenn Maxwell Double Hundred Record: ગ્લેન મેક્સવેલે અફઘાનિસ્તાન સામેની વર્લ્ડ કપ 2023ની મેચમાં ઓસ્ટ્રેલિયાને જીત અપાવવામાં હીરોની ભૂમિકા ભજવી હતી. મુંબઈના વાનખેડે સ્ટેડિયમમાં રમાયેલી મેચમાં અફઘાનિસ્તાને પ્રથમ બેટિંગ કરીને 291/5 રન બનાવ્યા હતા. જવાબમાં ઓસ્ટ્રેલિયાએ માત્ર 91 રનમાં સાત વિકેટ ગુમાવી દીધી હતી. પરંતુ અહીંથી મેક્સવેલે 157.03ના સ્ટ્રાઈક રેટથી 201 રનની અણનમ ઈનિંગ રમીને ટીમને જીત તરફ દોરી હતી. આ બેવડી સદી સાથે, મેક્સવેલે અનેક રેકોર્ડ બનાવ્યા છે.
વનડે રન ચેઝમાં પ્રથમ વખત બેવડી સદી ફટકારી
ગ્લેન મેક્સવેલ ODI મેચમાં રનનો પીછો કરતી વખતે બેવડી સદી ફટકારનાર પ્રથમ બેટ્સમેન બન્યો હતો. અગાઉ, વનડે રન ચેઝમાં સૌથી વધુ રન બનાવવાનો રેકોર્ડ પાકિસ્તાનના ફખર જમાનના નામે હતો, જેણે 2021માં દક્ષિણ આફ્રિકા સામે લક્ષ્યનો પીછો કરતી વખતે 193 રન બનાવ્યા હતા. વર્લ્ડ કપમાં રનનો પીછો કરતી વખતે સૌથી વધુ સ્કોર બનાવવાનો અગાઉનો રેકોર્ડ ઈંગ્લેન્ડના એન્ડ્રુ સ્ટ્રોસના નામે હતો, જેણે 2011ની ટૂર્નામેન્ટમાં ભારત સામેની મેચમાં 158 રન બનાવ્યા હતા.
ODI રન ચેઝમાં સર્વોચ્ચ સ્કોર...
201* - ગ્લેન મેક્સવેલ (ઓસ્ટ્રેલિયા) વિરુદ્ધ અફઘાનિસ્તાન, મુંબઈ, 2023 વર્લ્ડ કપ
193 - ફખર ઝમાન (પાકિસ્તાન) વિરુદ્ધ દક્ષિણ આફ્રિકા, જોહાનિસબર્ગ, 2021
185* - શેન વોટસન (ઓસ્ટ્રેલિયા) વિ બાંગ્લાદેશ, મીરપુર, 2011
183* - એમએસ ધોની (ભારત) વિ શ્રીલંકા, જયપુર, 2005
183 - વિરાટ કોહલી (ભારત) વિ. પાકિસ્તાન, મીરપુર, 2012
દિગ્ગજ કપિલ દેવનો રેકોર્ડ તૂટી ગયો
અફઘાનિસ્તાન સામેની મેચમાં મેક્સવેલ છઠ્ઠા નંબર પર બેટિંગ કરવા આવ્યો હતો. આ નંબર પર બેવડી સદી ફટકારીને તેણે ભૂતપૂર્વ ભારતીય દિગ્ગજ કેપ્ટન કપિલ દેવનો રેકોર્ડ તોડી નાખ્યો. કપિલ દેવે 1983માં ઝિમ્બાબ્વે સામેની મેચમાં છઠ્ઠા નંબર પર બેટિંગ કરતાં 175* રનની અણનમ ઇનિંગ રમી હતી. પરંતુ હવે તેના અણનમ 201* રન સાથે, ODIમાં છઠ્ઠા અથવા તેનાથી નીચેના નંબર પર બેટિંગ કરતી વખતે સૌથી વધુ રન બનાવવાનો રેકોર્ડ ઓસ્ટ્રેલિયાના ગ્લેન મેક્સવેલના નામે નોંધાયેલો છે.
વર્લ્ડ કપમાં ત્રીજો સૌથી વધુ વ્યક્તિગત સ્કોર
237* - માર્ટિન ગુપ્ટિલ (ન્યુઝીલેન્ડ) વિ વેસ્ટ ઈન્ડિઝ, વેલિંગ્ટન, 2015
215 - ક્રિસ ગેલ (વેસ્ટ ઈન્ડિઝ) વિ ઝિમ્બાબ્વે, કેનબેરા, 2015
201* - ગ્લેન મેક્સવેલ (ઓસ્ટ્રેલિયા) વિ અફઘાનિસ્તાન, મુંબઈ, 2023*
188* - ગેરી કર્સ્ટન (દક્ષિણ આફ્રિકા) વિરુદ્ધ UAE, રાવલપિંડી, 1996
183 - સૌરવ ગાંગુલી (ભારત) વિ. શ્રીલંકા, ટોન્ટન, 1999.
વર્લ્ડ કપમાં સૌથી વધુ છગ્ગા
49 - ક્રિસ ગેલ
45 - રોહિત શર્મા
43 - ગ્લેન મેક્સવેલ
37 - એબી ડી વિલિયર્સ
37 - ડેવિડ વોર્નર.
ઓસ્ટ્રેલિયા માટે ODIમાં સર્વોચ્ચ વ્યક્તિગત સ્કોર
210* - ગ્લેન મેક્સવેલ વિ અફઘાનિસ્તાન, મુંબઈ WS, 2023 વર્લ્ડ કપ
185* - શેન વોટસન વિ બાંગ્લાદેશ, મીરપુર, 2011
181* - મેથ્યુ હેડન વિ ન્યુઝીલેન્ડ, હેમિલ્ટન, 2007
179 - ડેવિડ વોર્નર વિરુદ્ધ પાકિસ્તાન, એડિલેડ, 2017
178 - ડેવિડ વોર્નર વિરુદ્ધ અફઘાનિસ્તાન, પર્થ, 2015 વર્લ્ડ કપ.
ટોપ સ્ટોરી
ટ્રેન્ડિંગ સમાચાર
