Watch: ગ્રાઉન્ડ્સમેન પિચને ઢાંકવાનું છોડીને વિરાટ કોહલીને પગે લાગવા દોડ્યો, વિડીયોમાં જોવો પછી શું થયું?

IND vs BAN: વિરાટ કોહલી સ્ટેડિયમમાં હતો, તે મેદાન પર જઈ રહ્યો હતો,આ દરમિયાન ગ્રાઉન્ડ સ્ટાફ મેદાનને કવર કરી રહ્યો હતો,તેમાંથી એકે તક ઝડપી લીધી અને ત્યાંથી પસાર થઈ રહેલા વિરાટ કોહલીના પગને સ્પર્શ કર્યો.

ગ્રાઉન્ડ્સમેન પિચને ઢાંકવાનું છોડીને વિરાટ કોહલીને પગે લાગવા દોડ્યો

Source : Social Media

Ground Staff Member Touched Virat Kohli Feet: ભારત અને બાંગ્લાદેશ વચ્ચે બીજી ટેસ્ટ કાનપુરમાં રમાઈ રહી છે. પહેલા દિવસે ખરાબ હવામાનને કારણે માત્ર 35 ઓવર જ રમાઈ શકી હતી. દિવસની રમતના અંતે બાંગ્લાદેશનો સ્કોર 3 વિકેટે 107 રન છે. બાંગ્લાદેશ તરફથી મોમિનુલ હક અને મુશફિકુર રહીમ ક્રિઝ પર છે. આ પહેલા ભારતીય કેપ્ટન રોહિત શર્માએ ટોસ જીતીને બોલિંગ કરવાનો નિર્ણય કર્યો હતો. બાંગ્લાદેશને પહેલો ફટકો 26 રનના સ્કોર પર લાગ્યો હતો. આ પછી કેપ્ટન નઝમુલ હસન શાંતો 29 રનના સ્કોર પર પેવેલિયન પરત ફર્યો હતો. જ્યારે ત્રીજો બેટ્સમેન 80 રનના સ્કોર પર પેવેલિયન પરત ફર્યો હતો.       

કાનપુર ટેસ્ટનો વીડિયો સોશિયલ મીડિયા પર ઝડપથી વાયરલ થઈ રહ્યો છે. આ વાયરલ વીડિયોમાં વિરાટ કોહલી અને ગ્રીન પાર્કનો ગ્રાઉન્ડ્સમેન જોઈ શકાય છે. વિરાટ કોહલી સ્ટેડિયમમાં હતો, તે મેદાન પર દસ્તક આપવા જઈ રહ્યો હતો, આ દરમિયાન ગ્રાઉન્ડ સ્ટાફ મેદાનને કવર કરી રહ્યો હતો, એક કર્મચારીને તક મળતા જ તેણે ત્યાંથી પસાર થતા તેના હીરો વિરાટ કોહલીના પગને સ્પર્શ કર્યો. આના પર કોહલી તેને હાથ વડે ઉપાડતો જોવા મળ્યો હતો. હવે આ વીડિયો સોશિયલ મીડિયા પર વાયરલ થઈ રહ્યો છે. આ સિવાય સોશિયલ મીડિયા યુઝર્સ સતત કોમેન્ટ કરીને પોતાનો પ્રતિભાવ આપી રહ્યા છે.   

VIRAT KOHLI, AN EMOTION ❤️

- A ground staff touched the feet of King Kohli at Kanpur. pic.twitter.com/MrkdGnmg04

— Johns. (@CricCrazyJohns) September 27, 2024

તમને જણાવી દઈએ કે, પ્રથમ ટેસ્ટમાં ભારતીય ટીમે બાંગ્લાદેશને મોટા અંતરથી હરાવ્યું હતું. રોહિત શર્માની આગેવાનીમાં ટીમ ઈન્ડિયાએ 280 રનથી મોટી જીત મેળવી હતી. આ રીતે ભારતીય ટીમ 2 ટેસ્ટ મેચની શ્રેણીમાં 1-0થી આગળ છે. ભારતીય ટીમ કાનપુર ટેસ્ટ જીતીને બાંગ્લાદેશનો 2-0થી વ્હાઇટવોશ કરવા માંગશે. વર્લ્ડ ટેસ્ટ ચેમ્પિયનશિપને ધ્યાનમાં રાખીને ભારત-બાંગ્લાદેશ શ્રેણી ખૂબજ મહત્વપૂર્ણ છે. જો કે હાલમાં ભારતીય ટીમ વર્લ્ડ ટેસ્ટ ચેમ્પિયનશિપ પોઈન્ટ ટેબલમાં ટોપ પર છે. જ્યારે ઓસ્ટ્રેલિયા બીજા સ્થાને અને શ્રીલંકા ત્રીજા સ્થાને છે.  

આ પણ વાંચો : બીજી ટેસ્ટમાં અશ્વિને બનાવ્યો નવો રેકોર્ડ, ઓસ્ટ્રેલિયાના ગ્લેન મેકગ્રા અને અનિલ કુંબલેને પાછળ છોડ્યા