હૈદરાબાદે વોર્નર-રાશિદ સહિતના સુપરસ્ટાર્સને કાઢીને આ બે નવા નિશાળિયાને રીટેન કરતાં થઈ રહી છે ટીકા, જાણો વિગત
ભારતના ભૂતપૂર્વ ઓલરાઉન્ડરે IPL 2018 સીઝનનો ઉલ્લેખ કર્યો, જ્યાં ઓસ્ટ્રેલિયા અને દક્ષિણ આફ્રિકા વચ્ચેની ટેસ્ટ દરમિયાન બોલ ટેમ્પરિંગ માટે વોર્નરને 12 મહિનાનો પ્રતિબંધ મૂકવામાં આવ્યો હતો.
ભારતના ભૂતપૂર્વ ઓલરાઉન્ડર ઈરફાન (Irfan Pathak) પઠાણે ઈન્ડિયન પ્રીમિયર લીગ (આઈપીએલ) 2022 મેગા હરાજી પહેલા ઓસ્ટ્રેલિયન ઓપનર ડેવિડ વોર્નરને છોડવા પર સનરાઈઝર્સ હૈદરાબાદ (SRH) ફ્રેન્ચાઈઝીનો બચાવ કર્યો છે. હૈદરાબાદે કેન વિલિયમસનને હરાજી પહેલા એક માત્ર વિદેશી ખેલાડી તરીકે જાળવી રાખ્યો હતો જ્યારે અબ્દુલ સમદ અને ઉમરાન મલિક અનકેપ્ડ ભારતીય હતા. ફ્રેન્ચાઇઝીએ લેગ સ્પિનર રાશિદ ખાનને જાળવી રાખ્યો નથી.
સનરાઈઝર્સ હૈદરાબાદ (sunrisers hyderabad) અને વોર્નર (david warner) વચ્ચેના પરસ્પર મુદ્દાઓને કારણે, ફ્રેન્ચાઈઝીએ પહેલા તેને આઈપીએલ 2021 દરમિયાન સુકાની પદ પરથી હટાવ્યો અને પછી તેને પ્લેઈંગ ઈલેવનમાંથી પણ બહાર કરી દીધો. આ સિવાય SRH એ પણ તેને IPL 2022 ની હરાજી પહેલા રિલીઝ કરી દીધો હતો. ફ્રેન્ચાઇઝીના આ પ્રકારના વર્તનથી ચાહકો ખૂબ જ દુઃખી થયા છે અને તેઓ સતત પ્રશ્નો પૂછી રહ્યા છે. જોકે, પૂર્વ ભારતીય ઓલરાઉન્ડર પઠાણે આ મામલે ફ્રેન્ચાઈઝીનો બચાવ કર્યો છે. પઠાણે ટ્વિટર પર લખ્યું, 'જે લોકો કોઈપણ વિદેશી ખેલાડીને લઈને ફ્રેન્ચાઈઝીના નિર્ણય પર સવાલ ઉઠાવી રહ્યા છે તેમણે એ પણ યાદ રાખવું જોઈએ કે જ્યારે તેના પોતાના દેશે તેના પર રમવા પર પ્રતિબંધ મૂક્યો હતો ત્યારે આ જ ફ્રેન્ચાઈઝીએ તેને સમર્થન આપ્યું હતું.'
Ppl who is questioning a franchise decision about a foreign player should also remember that the same franchise supported him when his own country banned him to play!
— Irfan Pathan (@IrfanPathan) December 2, 2021
ભારતના ભૂતપૂર્વ ઓલરાઉન્ડરે IPL 2018 સીઝનનો ઉલ્લેખ કર્યો, જ્યાં ઓસ્ટ્રેલિયા અને દક્ષિણ આફ્રિકા વચ્ચેની ટેસ્ટ દરમિયાન બોલ ટેમ્પરિંગ માટે વોર્નરને 12 મહિનાનો પ્રતિબંધ મૂકવામાં આવ્યો હતો. પરંતુ સનરાઈઝર્સ હૈદરાબાદે વોર્નરને ટીમમાંથી સસ્પેન્ડ ન કરવાનો નિર્ણય કર્યો અને ટુર્નામેન્ટની 2019ની શ્રેણી પહેલા તેને ટીમમાં પાછો આવકાર્યો. વોર્નર 2014માં સનરાઈઝર્સ હૈદરાબાદ ફ્રેન્ચાઈઝી સાથે સંકળાયેલો હતો અને તેની કેપ્ટનશિપની હેઠળ 2016માં ટીમને ટાઈટલ અપાવ્યું હતું. વોર્નર હાલમાં SRH માટે સૌથી વધુ રન બનાવનાર (95 મેચમાં 4014 રન) છે.
ટોપ સ્ટોરી
ટ્રેન્ડિંગ સમાચાર
