IND vs BAN T20 Score: બાંગ્લાદેશ સામે ભારતની 5 રનથી શાનદાર જીત, પૉઇન્ટ ટેબલમાં ટૉપ પર પહોંચ્યુ
Ind vs Ban: આઇસીસી ટી20 વર્લ્ડકપ 2022માં આજે ભારતીય ટીમની ટક્કર બાંગ્લાદેશ સામે થઇ રહી છે, આજની મેચ બન્ને ટીમો માટે ખુબ મહત્વની છે, આજની જીત બન્ને માટે સેમિ ફાઇનલની દાવેદારી નક્કી કરશે.
LIVE
Background
Ind vs Ban: આઇસીસી ટી20 વર્લ્ડકપ 2022માં આજે ભારતીય ટીમની ટક્કર બાંગ્લાદેશ સામે થઇ રહી છે, આજની મેચ બન્ને ટીમો માટે ખુબ મહત્વની છે, આજની જીત બન્ને માટે સેમિ ફાઇનલની દાવેદારી નક્કી કરશે.
5 રનથી જીત્યું ભારત
ટીમ ઇન્ડિયાએ કરો યા મરો જંગમાં છેલ્લી ઓવરમાં જીત હાંસલ કરી છે, ભારતીય ટીમે બાંગ્લાદેશને 16 ઓવરમાં મળેલા 151 રનના ટાર્ગેટને માત્ર 145 રન સુધી સિમિત રાખ્યુ હતુ. બાંગ્લાદેશની ટીમ 16 ઓવરમાં 6 વિકેટો ગુમાવીને 145 રન જ કરી શકી હતી. આ સાથે જ ભારતીય ટીમની છેલ્લી ઓવરમાં 5 રનથી જીત થઇ હતી.
ભારતને મળી પ્રથમ સફળતા
ભારતને વરસાદ રોકાય બાદ પ્રથમ સફળતા મળી છે, તોફાની બેટિંગ કરી રહેલા લિટન દાસને કેએલ રાહુલે રનઆઉટ કરાવી દીધો છે. લિટન દાસે 27 બૉલમાં 7 ચોગ્ગા અને 3 છગ્ગા સાથે તાબડતોડ બેટિંગ કરતાં 60 રનની ઇનિંગ રમી હતી. 8 ઓવરના અંતે બાંગ્લાદેશનો સ્કૉર 1 વિકેટના નુકશાને 74 રન પર પહોંચ્યો છે. નજમૂલ 13 રન અને શાકિબ અલ હસન 2 રન બનાવીને ક્રિઝ પર છે.
બાંગ્લાદેશને મળ્યો DLSથી 151 રનોનો ટાર્ગેટ
ટીમ ઇન્ડિયાના ફેન્સ માટે સારા સમાચાર છે, વરસાદ રોકાઇ ગયો છે, અને મેચ શરૂ થઇ ગઇ છે. જોકે વરસાદના કારણે મેચમાં ચાર ઓવરનો કાપ મુકવામાં આવ્યો છે, અને હવે બાંગ્લાદેશને DLS મેથડ પ્રમાણે 16 ઓવરમાં 151 રનોના લક્ષ્યનો પીછો કરવાનો છે.
મેચમાં વરસાદી વિઘ્ન
બાંગ્લાદેશની બેટિંગ દરમિયાન એડિલેડમાં વરસાદી વિઘ્ન આવ્યુ છે. 7 ઓવર બાદ વરસાદના કારણે મેચ અટકાવાઇ છે, બાંગ્લાદેશની ટીમે 7 ઓવરના અંતે વિના વિકેટે 66 રન બનાવી લીધા છે. નજમૂલ હોસૈન શાન્તો 7 રન અને લિટન દાસ 59 રન બનાવીને ક્રિઝ પર છે.
લિટન દાસની તોફાની ફિફ્ટી
લિટન દાસે ભારતીય ટીમને બેકફૂટ પર લાવી દીધી છે. લિટન દાસે માત્ર 21 બૉલમાં તાબડતોડ તોફાની બેટિંગ કરતા 51 રનની ઇનિંગ રમી છે. લિટન દાસે 6 ચોગ્ગા અને 3 છગ્ગા સાથે ફિફ્ટી પુરી કરી છે. લિટન દાસે શમીનના બૉલ પર સિક્સર ફટકારીને પોતાની ફિફ્ટી પુરી કરી છે.
ટ્રેન્ડિંગ સમાચાર
ટોપ સ્ટોરી
