IND vs ENG: ચોથી ટેસ્ટ પહેલા ટીમ ઈન્ડિયાનો મોટો ઝટકો, એક સાથે 2 ખેલાડી બહાર
ભારત અને ઇંગ્લેન્ડ વચ્ચે 23 જુલાઈથી માન્ચેસ્ટરના ઓલ્ડ ટ્રેફોર્ડ મેદાન પર રમાનારી 5 મેચની રોમાંચક ટેસ્ટ શ્રેણીની ચોથી મેચ રમાશે, પરંતુ તે પહેલા ટીમ ઇન્ડિયાને એક મોટી મુશ્કેલીનો સામનો કરવો પડ્યો છે.
ભારત અને ઇંગ્લેન્ડ વચ્ચે 23 જુલાઈથી માન્ચેસ્ટરના ઓલ્ડ ટ્રેફોર્ડ મેદાન પર રમાનારી 5 મેચની રોમાંચક ટેસ્ટ શ્રેણીની ચોથી મેચ રમાશે, પરંતુ તે પહેલા ટીમ ઇન્ડિયાને એક મોટી મુશ્કેલીનો સામનો કરવો પડ્યો છે. ભારતીય ટીમના બે મહત્વપૂર્ણ ખેલાડીઓ ઇજાને કારણે બહાર છે, જે પ્લેઇંગ ઇલેવનની રણનીતિને પણ અસર કરી શકે છે.
ભારતીય ઓલરાઉન્ડર નીતિશ કુમાર રેડ્ડી ઇજાને કારણે બાકીની બે ટેસ્ટ મેચમાંથી બહાર થઈ ગયા છે. તે ભારત માટે એક ઉભરતો ઓલરાઉન્ડ વિકલ્પ હતો, જે બોલ અને બેટ બંનેથી યોગદાન આપવાની ક્ષમતા ધરાવે છે. રેડ્ડીની ઇજાએ ટીમ ઇન્ડિયાની રણનીતિને અસર કરી છે, ખાસ કરીને નીચલા ક્રમમાં બેટિંગ અને મધ્ય ઓવરોમાં બોલિંગ અંગે.
ચોથી ટેસ્ટમાંથી અર્શદીપ સિંહ બહાર
ફાસ્ટ બોલર અર્શદીપ સિંહ પણ ઇજાને કારણે માન્ચેસ્ટર ટેસ્ટમાં રમી શકશે નહીં. અર્શદીપને અત્યાર સુધી આ શ્રેણીમાં કોઈ મેચ રમવાની તક મળી નથી, પરંતુ તેને ચોથી ટેસ્ટમાં તક મળવાની શક્યતા હતી. હવે તેની બાકાત રહેવાથી ટીમ ઇન્ડિયા માટે મોટું સંકટ ઊભું થયું છે. હવે ચોથી ટેસ્ટમાં ભારત પાસે ઇંગ્લેન્ડ સાથે શ્રેણી બરાબરી કરવાનો પડકાર જ નથી, પરંતુ એક મજબૂત અને સંતુલિત ટીમને મેદાનમાં ઉતારવાનો પણ મુશ્કેલ પડકાર છે.
BCCI એ એક નિવેદન બહાર પાડ્યું
BCCI એ નીતિશ કુમાર રેડ્ડી અને અર્શદીપ સિંહને બાકાત રાખવા અંગે એક નિવેદન બહાર પાડ્યું, જેમાં કહેવામાં આવ્યું - ઓલરાઉન્ડર નીતિશ કુમાર રેડ્ડીને ડાબા ઘૂંટણમાં ઈજા થઈ છે. આ જ કારણ છે કે તે બાકીની બે ટેસ્ટ મેચમાંથી બહાર છે. નીતિશ ટૂંક સમયમાં ભારત પરત ફરે તેવી અપેક્ષા છે.
અર્શદીપ સિંહને માન્ચેસ્ટરમાં ઇંગ્લેન્ડ સામેની ચોથી ટેસ્ટ મેચમાંથી બહાર કરવામાં આવ્યો છે. બેકનહામમાં પ્રેક્ટિસ દરમિયાન નેટ પર બોલિંગ કરતી વખતે તેને ડાબા અંગૂઠામાં ઈજા થઈ હતી. BCCI મેડિકલ ટીમ તેની ફિટનેસ પર નજર રાખી રહી છે. બે ખેલાડીઓની ઈજાને કારણે અંશુલ કંબોજને કવર તરીકે ટીમમાં સામેલ કરવામાં આવ્યો છે. કંબોઝ માન્ચેસ્ટરમાં ટીમમાં જોડાયા છે. ચોથી ટેસ્ટ મેચ 23 જુલાઈ 2025થી શરૂ થશે.
ચોથી ટેસ્ટ માટે ભારતની અપડેટેડ ટીમઃ શુભમન ગિલ (કેપ્ટન), ઋષભ પંત (વાઈસ-કેપ્ટન અને વિકેટકીપર), યશસ્વી જયસ્વાલ, કેએલ રાહુલ, સાઈ સુદર્શન, અભિમન્યુ ઈશ્વરન, કરુણ નાયર, રવિન્દ્ર જાડેજા, ધ્રુવ જુરેલ (વિકેટકીપર), વોશિંગટન સુંદર, શાર્દુલ ઠાકુર, જસપ્રીત બુમરાહ, મોહમ્મદ સિરાજ, પ્રસિદ્ધ કૃષ્ણા, આકાશદીપ, કુલદીપ યાદવ, અંશુલ કંબોજ.
ટોપ સ્ટોરી
ટ્રેન્ડિંગ સમાચાર
