IND Vs SA Live: ટીમ ઈન્ડિયાએ દક્ષિણ આફ્રિકાને 297 રનનો ટાર્ગેટ આપ્યો, સંજુની શાનદાર સદી
IND vs SA Live Streaming: ભારત અને દક્ષિણ આફ્રિકા વચ્ચે આજે ત્રીજી ODI રમાશે, જે શ્રેણીની અંતિમ મેચ હશે. તમને જણાવીએ આ મેચ તમે કેવી રીતે ફ્રીમા લાઈવ જોઈ શકશો.
Background
India vs South Africa 3rd ODI Live Streaming: ભારત અને દક્ષિણ આફ્રિકા વચ્ચે ODI શ્રેણીની ત્રીજી અને છેલ્લી મેચ આજે એટલે કે 21મી ડિસેમ્બરને ગુરુવારે રમાશે. બંને વચ્ચેનો મુકાબલો પાર્લના બોલેન્ડ પાર્કમાં થશે. બે મેચ બાદ સિરીઝ 1-1થી બરાબર છે. આવી સ્થિતિમાં જે ટીમ ત્રીજી મેચ જીતશે તે સિરીઝ જીતશે. શ્રેણીની પ્રથમ મેચમાં ભારતીય ટીમે જીત મેળવી હતી. પરંતુ બીજી મેચમાં યજમાન દક્ષિણ આફ્રિકાએ વળતો પ્રહાર કરીને જીત મેળવી હતી. હવે ત્રીજી મેચમાં બંને વચ્ચે જોરદાર ટક્કર થવાની ખાતરી છે, જે તમે પણ લાઈવ જોવાનું પસંદ કરશો, તો ચાલો જાણીએ કે તમે આ મેચ કેવી રીતે મફતમાં લાઈવ જોઈ શકશો.
મેચ ક્યાં રમાશે?
ભારત અને સાઉથ આફ્રિકા વચ્ચે ત્રીજી ODI પાર્લના બોલેન્ડ પાર્ક ખાતે રમાશે.
ક્યારે યોજાશે?
ભારત અને દક્ષિણ આફ્રિકા વચ્ચે વનડે શ્રેણીની ત્રીજી અને છેલ્લી મેચ 21 ડિસેમ્બર, ગુરુવારે (આજે) રમાશે. ભારતીય સમય અનુસાર મેચ સાંજે 4:30 વાગ્યે શરૂ થશે. ટોસ 4 વાગ્યે થશે.
ટીવી પર લાઈવ ક્યાં જોવા મળશે?
ભારત અને દક્ષિણ આફ્રિકા વચ્ચેની ODI શ્રેણીની ત્રીજી મેચનું ભારતમાં સ્ટાર સ્પોર્ટ્સ નેટવર્ક દ્વારા જીવંત પ્રસારણ કરવામાં આવશે.
ફ્રીમાં લાઈવ કેવી રીતે જોવું?
ભારત અને દક્ષિણ આફ્રિકા વચ્ચે રમાઈ રહેલી ત્રીજી ODIનું ફ્રી લાઈવ સ્ટ્રીમિંગ Disney Plus Hotstar દ્વારા કરવામાં આવશે. જોકે, માત્ર મોબાઈલ યુઝર્સ જ ફ્રીમાં મેચ જોઈ શકશે.
દક્ષિણ આફ્રિકાને છઠ્ઠો ઝટકો લાગ્યો
વોશિંગ્ટન સુંદરે વિયાન મુલ્ડરને આઉટ કર્યો. આ રીતે દક્ષિણ આફ્રિકાનો છઠ્ઠો ખેલાડી પેવેલિયન પરત ફર્યો હતો. વિયાન મુલ્ડરે 3 બોલમાં 1 રન બનાવ્યો હતો. હવે દક્ષિણ આફ્રિકાનો સ્કોર 6 વિકેટે 179 રન છે. હાલમાં ડેવિડ મિલર અને કેશવ મહારાજ ક્રિઝ પર છે.
આવેશ ખાને હેનરી ક્લાસેનને આઉટ કર્યો
દક્ષિણ આફ્રિકાનો પાંચમો બેટ્સમેન પેવેલિયન પરત ફર્યો છે. આવેશ ખાને હેનરી ક્લાસેનને આઉટ કર્યો હતો. હેનરી ક્લાસને 22 બોલમાં 21 રન બનાવ્યા હતા. હવે દક્ષિણ આફ્રિકાનો સ્કોર 32.2 ઓવરમાં 5 વિકેટે 174 રન છે. દક્ષિણ આફ્રિકા તરફથી ડેવિડ મિલર અને વિયાન મુલ્ડર ક્રિઝ પર છે.
ટોપ સ્ટોરી
ટ્રેન્ડિંગ સમાચાર
