IND vs SA: દ. આફ્રીકાના નામે નોંધાયો શરમજનક રેકોર્ડ, ટી20માં સૌથી ઓછા સ્કોર પર અડધી ટીમ આઉટ
India vs South Africa: ભારત અને દક્ષિણ આફ્રિકા વચ્ચે ત્રણ મેચોની T20 શ્રેણીની પ્રથમ મેચ રમાઈ રહી છે.
India vs South Africa: ભારત અને દક્ષિણ આફ્રિકા વચ્ચે ત્રણ મેચોની T20 શ્રેણીની પ્રથમ મેચ રમાઈ રહી છે. આ મેચ તિરુવનંતપુરમના ગ્રીનફિલ્ડ સ્ટેડિયમમાં રમાઈ રહી છે. આ મેચમાં ટોસ હારીને બેટિંગ કરવા આવેલી સાઉથ આફ્રિકાએ ભારત સામે ટી-20માં શરમજનક રેકોર્ડ બનાવ્યો છે. ખરેખર, આજે ભારત સામે દક્ષિણ આફ્રિકાની અડધી ટીમ માત્ર 9 રનમાં પેવેલિયન પરત ફરી ગઈ હતી. આ દક્ષિણ આફ્રિકાનો T20માં 5 વિકેટનો સૌથી ઓછો સ્કોર છે.
અડધી ટીમ 9 રનમાં પવેલિયન પરત ફરી હતી
વાસ્તવમાં, ભારત વિરૂદ્ધ ત્રણ T20 મેચોની શ્રેણીની પ્રથમ મેચમાં ટોસ હારીને બેટિંગ કરવા ઉતરેલી દક્ષિણ આફ્રિકાની ટીમની શરૂઆત ખૂબ જ ખરાબ રહી હતી. ટીમે તેની પ્રથમ 2 વિકેટ માત્ર એક રનમાં ગુમાવી દીધી હતી. આ સાથે જ 9ના સ્કોર સુધી પહોંચતા ટીમે તેની પાંચ વિકેટ ગુમાવી દીધી હતી. ભારત તરફથી દીપક ચહરે આ પાંચ વિકેટમાં બે વિકેટ ઝડપી હતી. બીજી તરફ અર્શદીપ સિંહે શાનદાર બોલિંગ કરતા 3 વિકેટ ઝડપી હતી.
તમને જણાવી દઈએ કે, પ્રથમ ટી-20માં દક્ષિણ આફ્રિકાની અડધી ટીમ પેવેલિયન પરત ફરવાની સાથે જ તેમના નામે એક શરમજનક રેકોર્ડ નોંધાયો છે. વાસ્તવમાં, આ દક્ષિણ આફ્રિકાનો T20માં 5 વિકેટના નુકસાન પરનો સૌથી ઓછો સ્કોર છે.
સાઉથ આફ્રિકાએ સૌથી ઓછા સ્કોર પર 5 વિકેટ ગુમાવી
5/9 V/s ભારત – 2022
5/10 V/s વેસ્ટ ઈન્ડિઝ - 2007
5/31 V/s ભારત - 2007
5/44 V/s ઓસ્ટ્રેલિયા – 2020
5/46 V/s પાકિસ્તાન - 2021
બંને ટીમોની પ્લેઈંગ ઈલેવન
ભારતીય ટીમ
રોહિત શર્મા (કેપ્ટન), કેએલ રાહુલ (વાઈસ કેપ્ટન), વિરાટ કોહલી, સૂર્યકુમાર યાદવ, ઋષભ પંત (વિકેટમાં), દિનેશ કાર્તિક, અક્ષર પટેલ, દીપક ચહર, હર્ષલ પટેલ, અર્શદીપ સિંહ અને આર અશ્વિન.
દક્ષિણ આફ્રિકા
ક્વિન્ટન ડી કોક (wk), ટેમ્બા બાવુમા (c), રિલે રોસોઉ, એડન માર્કરામ, ડેવિડ મિલર, ટ્રિસ્ટન સ્ટબ્સ, વેઈન પાર્નેલ, કાગીસો રબાડા, કેશવ મહારાજ, એનરિક નોર્ટજે, તબરેઝ શમ્સી.
આ પણ વાંચો...
IND vs SA: Team India માટે આવ્યા સારા સમાચાર, આ ખેલાડી થયો કોરોના નેગેટિવ
ટ્રેન્ડિંગ સમાચાર
ટોપ સ્ટોરી
