IND vs WI: ઈશાન કિશને શુભમન-સિરાજ સાથે શેર કરી તસવીર, સૂર્યકુમારે કર્યો ટ્રોલ
ભારત અને વેસ્ટ ઈન્ડિઝ વચ્ચે 12 જુલાઈથી ટેસ્ટ સીરિઝ રમાશે. આ સીરિઝ માટે ટીમ ઈન્ડિયામાં ઈશાન કિશન, મોહમ્મદ સિરાજ અને શુભમન ગિલનો સમાવેશ કરવામાં આવ્યો છે.
Ishan Kishan Mohammed Siraj Shubman Gill IND vs WI: ભારત અને વેસ્ટ ઈન્ડિઝ વચ્ચે 12 જુલાઈથી ટેસ્ટ સીરિઝ રમાશે. આ સીરિઝ માટે ટીમ ઈન્ડિયામાં ઈશાન કિશન, મોહમ્મદ સિરાજ અને શુભમન ગિલનો સમાવેશ કરવામાં આવ્યો છે. ભારતીય ખેલાડીઓ સીરિઝ પહેલા ખૂબ જ મસ્તી કરી રહ્યા છે. ઈશાન કિશને તાજેતરમાં જ શુભમન અને સિરાજ સાથેની રસપ્રદ તસવીરો સોશિયલ મીડિયા પર શેર કરી છે. ઈશાનના ફોટો પર કમેન્ટ કરતાં સૂર્યકુમાર યાદવે સિરાજને ટ્રોલ કર્યો હતો. ઘણા ચાહકોએ ફોટા પર ટિપ્પણી પણ કરી.
ઈશાને ઈન્સ્ટાગ્રામ પર બે તસવીરો શેર કરી છે. આ તસવીરો એક હોટલની છે. આમાં તેની સાથે શુભમન ગિલ અને સિરાજ પણ જોવા મળી રહ્યા છે. તેની તસવીરોને લાખો લોકોએ લાઈક કરી છે. ઘણા લોકોએ કોમેન્ટ કરી છે. સૂર્યાએ પણ કોમેન્ટ કરી છે. તેણે સિરાજને ટ્રોલ કર્યો છે. સિરાજે પોતાના ચહેરા પર સનસ્ક્રીન લગાવ્યું છે. સૂર્યાએ કોમેન્ટમાં લખ્યું કે, સિરાજ આટલો બધો કેમ ચમકી રહ્યો છે ? સૂર્યાની કોમેન્ટ પર 200 થી વધુ લોકોએ જવાબ આપ્યો છે.
View this post on Instagram
ઉલ્લેખનીય છે કે, ઈશાને ઈન્સ્ટાગ્રામ સ્ટોરીમાં એક ફોટો પણ શેર કર્યો છે. આમાં તે શુભમન અને યશસ્વી જયસ્વાલ સાથે જોવા મળે છે. આ ફોટોમાં ત્રણેય ખેલાડીઓ ટીમ ઈન્ડિયાની ટ્રેનિંગ કીટમાં જોવા મળે છે. ભારતીય ખેલાડીઓ ટૂંક સમયમાં વેસ્ટ ઈન્ડિઝ સામેની ટેસ્ટ શ્રેણી માટે પ્રેક્ટિસ શરૂ કરશે. યશસ્વીને પ્રથમ ભારતીય ટીમમાં સ્થાન મળ્યું હતું. તે અગાઉ ટીમ ઈન્ડિયા સાથે સ્ટેન્ડ બાય પ્લેયર તરીકે જોડાયેલો હતો. યશસ્વીને વર્લ્ડ ટેસ્ટ ચેમ્પિયનશિપ ફાઈનલ માટે બોલાવવામાં આવ્યો હતો.
2 વખતનું વર્લ્ડ ચેમ્પિયન વિન્ડીઝ વર્લ્ડકપમાંથી Out
2 વખતની ચેમ્પિયન વેસ્ટ ઈન્ડિઝ ક્રિકેટ ટીમ ભારતમાં યોજાનારા ODI વર્લ્ડકપમાં જગ્યા બનાવવાનું ચૂકી ગઈ છે. આ પ્રથમ વખત બનશે જ્યારે વર્લ્ડકપ વિન્ડીઝ વિના રમાશે. વેસ્ટ ઈન્ડિઝ એકદમ મામુલી ગણાતી સ્કોટલેન્ડની ટીમ સામે હારીને વર્લ્ડકપની રેસમાંથી જ બહાર ફેંકાઈ જતા ક્રિકેટ જગતમાં સનસનાટી મચી જવા પામી છે.
ટ્રેન્ડિંગ સમાચાર
ટોપ સ્ટોરી
