IND vs ENG: દિગ્ગજોને આરામ, બદલાઇ ગઇ રોહિતની આખી ટીમ, જાણો પ્રથમ ટી20માં કેવી હશે પ્લેઇંગ ઇલેવન.....

ભારત-ઇંગ્લેન્ડ વચ્ચે પ્રથમ ટી20 મેચ રાત્રે 10.30 વાગે શરૂ થશે, આ ટાઇમિંગને લઇને કહેવાઇ રહ્યું છે કે, બ્રૉડકાસ્ટર, બીસીસીઆઇ અને ભારતીય ક્રિકેટ ફેન્સ ઉપરાંત જાહેરખબર આપનારા ખુશ નથી. 

ફાઇલ તસવીર

Southampton T20 Indian Playing XI: એજબેસ્ટૉન ટેસ્ટમાં (Edgbaston Test) ભારતીય ટીમ (Indian Team)ને હારનો સામનો કરવો પડ્યો છે. ભારતે ઇંગ્લેન્ડ (England) ની સામે જીત માટે 378 રનોનુ વિશાળ લક્ષ્ય મુખ્યુ હતુ, જૉ રૂટ (Joe Root) અને જૉન બેયરર્સ્ટૉ (Jonny Bairstow)ની શતકીય ઇનિંગના કારણે યજમાન ટીમે 3 વિકેટ ગુમાવીને આસાનીથી ટેસ્ટ મેચ જીતી લીધી. હવે યજમાન ઇંગ્લેન્ડ અને ભારત વચ્ચે આવતી કાલથી એટલે કે 7મી જુલાઇથી ત્રણ મેચોની ટી20 સીરીઝ શરૂ થઇ રહી છે. આની પ્રથમ ટી20 મેચ ગુરુવારે સાઉથેમ્પ્ટનમાં (Southampton) રમાશે. આ પહેલા જાણી લો કેવી હશે ભારતીય ટીમની પ્લેઇંગ ઇલેવન - 

બદલાઇ ગઇ રોહિત શર્માની આખી ટીમ -
ભારત માટે એક સારા સમાચાર એ છે કે કેપ્ટન રોહિત શર્મા ફરી એકવાર મેદાન પર વાપસી કરી રહ્યો છે. કોરોના વાયરસના સંક્રમણથી ઠીક થયા બાદ હવે ટી20 રમવા માટે ફિટ છે. પરંતુ આ બધાની વચ્ચે ખરાબ સમાચાર એ પણ છે કે રોહિતની આખી ટીમ બદલાઇ ગઇ છે, કેમ કે ટેસ્ટ મેચ રમનારા વિરાટ, પંત, બુમરાહ જેવા દિગ્ગજોને આરામ આપવામાં આવ્યો છે, આ દિગ્ગજો ઇંગ્લેન્ડ સામેની પ્રથમ ટી20માં નહીં રમે. આવામાં રોહિતને આખે આખી નવી પ્લેઇંગ ઇલેવન લઇને ઇંગ્લેન્ડ સામે મેદાનમાં ઉતરવુ પડશે.

ભારત અને ઇંગ્લેન્ડ વચ્ચે પ્રથમ ટી20 મેચ રાત્રે 10.30 વાગે શરૂ થશે, આ ટાઇમિંગને લઇને કહેવાઇ રહ્યું છે કે, બ્રૉડકાસ્ટર, બીસીસીઆઇ અને ભારતીય ક્રિકેટ ફેન્સ ઉપરાંત જાહેરખબર આપનારા ખુશ નથી. 

જાણો કેવી હશે પ્રથમ ટી20ની પ્લેઇંગ ઇલેવન  -  
રોહિત શર્મા (કેપ્ટન), ઇશાન કિશન, સંજૂ સેમસન, સૂર્યકુમાર યાદવ, હાર્દિક પંડ્યા, દીપક હુડ્ડા, દિનેશ કાર્તિક, ભુવનેશ્વર કુમાર, હર્ષલ પટેલ, યુજવેન્દ્ર ચહલ, રવિ બિશ્નોઇ/આવેશ ખાન. 

આ પણ વાંચો........