IND v AUS: શાર્દૂલ-સુંદર ખેંચી જતાં અકળાયેલા ઓસ્ટ્રેલિયન બોલરોએ શું હલકટાઈ શરૂ કરી ? જાણો વિગત

શાર્દુલ અને સુંદરે સાતમી વિકેટ માટે 100થી વધારે રન ઉમેર્યા છે. જાન્યુઆરી 2019 બાદ ભારતીય બેટ્સમેનોએ સાતમી વિકેટ માટે પ્રથમ વખત આટલી મોટી ભાગીદારી કરી છે.

(તસવીર સૌજન્યઃ આઈસીસી ટ્વિટર)

બ્રિસ્બેનઃ ભારત-ઓસ્ટ્રેલિયા વચ્ચે રમાઇ રહેલી ચોથી ટેસ્ટના ત્રીજા દિવસે ભારતે 6 વિકેટના નુકસાન પર 278 રન બનાવી લીધા છે. બંને ડેબ્યૂમેન શાર્દુલ ઠાકુર 47 અને વોશિંગ્ટન સુંદર 45 રને રમતમાં છે. શાર્દુલ ઠાકુરે બેટિંગમાં ઉતરતાં બીજા જ બોલે છગ્ગો ફટકારીને ખાતું ખોલાવ્યું હતું. તેની આ સ્ટાઇલથી ઓસ્ટ્રેલિયન ટીમના ખેલાડીઓ પણ ચોંકી ગયા હતા. એક સમયે ભારતનો સ્કોર 6 વિકેટના નુકસાન પર 186 રન થઈ ગયો હતો અને અહીંયાથી ભારત વધારે લાંબુ નહીં ખેંચે તેમ લાગતું હતુ. પરંતુ શાર્દુલ-સુંદરની જોડીએઅહીંથી ઓસ્ટ્રેલિયન બોલર્સને હંફાવ્યા હતા અને ફટકાબાજી શરૂ કરી કરી હતી. જેના કારણે કાંગારુ બોલર્સ અકળાઈ ગયા હતા અને બોડી લાઇન બોલિંગ શરૂ કરી હતી. જેમાં એક વખત શાર્દુલ ઠાકુરને આંગળી પર બોલ વાગ્યો હતો અને તેણે સારવાર લેવી પડી હતી. શાર્દુલ અને સુંદરે સાતમી વિકેટ માટે 100થી વધારે રન ઉમેર્યા છે. જાન્યુઆરી 2019 બાદ ભારતીય બેટ્સમેનોએ સાતમી વિકેટ માટે પ્રથમ વખત આટલી મોટી ભાગીદારી કરી છે.

લંચ બાદ મયંક અગ્રવાલ 38 અને પંત 23 રન બનાવી આઉટ થયા હતા. ત્રીજા દિવસે પ્રથમ સેશનમાં ભારતે ચેતેશ્વર પુજારા (25 રન) અને અજિંક્ય રહાણે (37 રન)ની વિકેટ ગુમાવીને 99 રન બનાવ્યા હતા. ઓસ્ટ્રેલિયાના પ્રથમ ઈનિંગમાં 369 રનનો પીછો કરતાં ભારતે બીજા દિવસના અંતે 2 વિકેટ ગુમાવીને 62 રન બનાવ્યા હતા. રોહિત શર્મા 44 અને ગિલ 7 રન બનાવી આઉટ થયા હતા. બીજા દિવસે યજમાન ટીમ પ્રથમ ઈનિંગમાં 369 રન બનાવી ઓલઆઉટ થઈ હતી. માર્નસ લાબુશાનેએ 108 રન, કેપ્ટન પેનીએ 50 રન, કેમરૂન ગ્રીને 47 રન, મેથ્યુ વેડે 45 રનનું યોગદાન આપ્યું હતું. ભારત તરફથી ત્રણેય ડેબ્યૂમેન ટી નટરાજન, શાર્દુલ ઠાકુર અને વોશિંગ્ટન સુંદરને 3-3 સફળતા મળી હતી. મોહમ્મદ સિરાજને 1 વિકેટ મળી હતીય ભારતીય ટીમઃ રોહિત શર્મા, શુભમન ગિલ, ચેતેશ્વર પૂજારા, અજિંક્ય રહાણે, મયંક અગ્રવાલ, રિષભ પંત, વોશિંગ્ટન સુંદર, શાર્દૂલ ઠાકુર, નવદીપ સૈની, મોહમ્મદ સિરાજ અને ટી. નટરાજન ઓસ્ટ્રેલિયાની ટીમ: ડેવિડ વોર્નર, માર્કસ હેરિસ, માર્નસ લબુશેન, સ્ટીવ સ્મિથ, મેથ્યુ વેડ, કેમરુન ગ્રીન, ટિમ પેની, પેટ કમિન્સ, મિચેલ સ્ટાર્ક, નેથન લાયન અને જોશ હેઝલવુડ