India vs West Indies 2nd test: આજે ભારત અને વેસ્ટ ઇન્ડિઝ વચ્ચે બીજી ટેસ્ટ, જાણો કેવી હશે ટીમ ઇન્ડિયાની પ્લેઇંગ ઇલેવન? રોહિત શર્માએ કર્યો ખુલાસો
ભારતે વેસ્ટ ઈન્ડિઝ સામેની પ્રથમ ટેસ્ટમાં એક ઈનિંગ અને 141 રનથી જીત મેળવી હતી
India vs West Indies 2nd 2023 test Playing 11: ભારતે વેસ્ટ ઈન્ડિઝ સામેની પ્રથમ ટેસ્ટમાં એક ઈનિંગ અને 141 રનથી જીત મેળવી હતી. આજથી (20 જુલાઈ) બંન્ને ટીમો વચ્ચે ત્રિનિદાદના પોર્ટ ઓફ સ્પેનમાં બીજી ટેસ્ટ રમાશે. ટીમ ઈન્ડિયા બે ટેસ્ટ મેચની શ્રેણીમાં 1-0થી આગળ છે.
A special century 💯
Hear what #TeamIndia Captain @ImRo45 had to say on the occasion of 1️⃣0️⃣0️⃣th Test between India & @windiescricket 👌🏻👌🏻
Watch the Full Press Conference Here 🔽 #WIvIND https://t.co/zl5hIBNczw pic.twitter.com/3k5lgR84PL— BCCI (@BCCI) July 19, 2023
ઈશાન કિશને પ્રથમ ટેસ્ટ મેચમાં ખૂબ જ ધીમી બેટિંગ કરી હતી, જેના પર રોહિત શર્મા ગુસ્સે થઈ ગયો હતો. ઈશાને પ્રથમ ટેસ્ટ મેચમાં 20 બોલમાં 1 રન બનાવ્યો ત્યારબાદ રોહિત શર્માએ ઈનિંગ ડિકલેર કરી હતી.પરંતુ હવે રોહિત શર્માએ બીજી ટેસ્ટની શરૂઆત પહેલા સંકેત આપ્યો હતો કે વિકેટકીપિંગ વિભાગમાં કોઈ ફેરફાર કરવામાં આવશે નહીં. ઈશાન કિશન ટીમનો વિકેટકીપર રહેશે. આવી સ્થિતિમાં કેએસ ભરતને બહાર બેસવું પડશે. ભારતીય કેપ્ટન રોહિત શર્માને ઈશાન કિશન પાસેથી ઘણી આશાઓ છે.
ઈશાને યશસ્વી જયસ્વાલ સાથે મળીને વેસ્ટ ઈન્ડિઝ સામેની પ્રથમ ટેસ્ટમાં ડેબ્યૂ કર્યું હતું. હવે જ્યારે ઈશાનને પ્રથમ ટેસ્ટમાં પ્રદર્શન વિશે પૂછવામાં આવ્યું તો રોહિતે કહ્યું, 'ઈશાન ખૂબ જ પ્રતિભાશાળી છે. તેની ટૂંકી કારકિર્દીમાં આપણે આ જોયું છે. તેણે હાલમાં જ વન-ડે ક્રિકેટમાં 200 રન બનાવ્યા છે. તેની પાસે પ્રતિભા છે અને આપણે તેને નિખારવાની છે. તેણે કહ્યું, 'આપણે તેને તક આપવી પડશે. તે ડાબોડી બેટ્સમેન છે અને આક્રમક ક્રિકેટ રમે છે. મેં તેને સંપૂર્ણ સ્વતંત્રતા આપી છે.
રોહિતે કહ્યું હતું કે તે રવિચંદ્રન અશ્વિન અને રવિન્દ્ર જાડેજા જેવા સ્પિનરો સામે ઈશાનની વિકેટકીપિંગથી ખૂબ જ પ્રભાવિત છે. રોહિતે કહ્યું હતું કે તે ઈશાનની વિકેટકીપિંગથી ખૂબ જ પ્રભાવિત થયો હતો, ખાસ કરીને જ્યારે બોલ ટર્ન લઈ રહ્યો હતો.
ભારતીય કેપ્ટને કહ્યું હતું, 'તે માત્ર એક રન બનાવી શક્યો કારણ કે અમારે ઇનિંગ્સ ડિકલેર કરવાની હતી. અમે ઈચ્છીએ છીએ કે ટોપ ઓર્ડરના બેટ્સમેન લાંબા સમય સુધી બેટિંગ કરે. જો તક આપવામાં આવે તો ઇશાન પણ લાંબી ઇનિંગ્સ રમવા માટે તૈયાર છે.
રોહિતે કહ્યું, ટીમમાં કોઈ મોટો ફેરફાર થશે નહીં
રોહિતે ટીમમાં મોટા ફેરફારોનો ઇનકાર કર્યો હતો. અમને ડોમિનિકામાં પીચ વિશે ખબર હતી. અહીં (પોર્ટ ઓફ સ્પેનમાં) વરસાદની વાત કરીએ તો કંઈ ખબર નથી. ટીમમાં મોટા ફેરફારો નહીં થાય પરંતુ અમે પરિસ્થિતિ અનુસાર નિર્ણય લઈશું.
પ્રથમ મેચમાં 171 રન બનાવનાર જયસ્વાલના વખાણ કરતા તેણે કહ્યું હતું કે, "ભારતીય ક્રિકેટમાં વહેલા કે મોડા ફેરફાર જોવા મળશે." હું ખુશ છું કે નવા ખેલાડીઓ સારું પ્રદર્શન કરી રહ્યા છે. અમારું કામ તેમને તેમની ભૂમિકા વિશે સમજાવવાનું છે. હવે તૈયારી કરવી અને સારું પ્રદર્શન કરવાની જવાબદારી તેમની છે.
ટોપ સ્ટોરી
ટ્રેન્ડિંગ સમાચાર
