RR vs PBKS: પંજાબે રાજસ્થાનને 5 વિકેટે હરાવ્યું
IPL 2024 RR vs PBKS LIVE Score: અહીં તમને રાજસ્થાન રોયલ્સ અને પંજાબ કિંગ્સની મેચનો લાઇવ સ્કોર અને મેચ સંબંધિત તમામ અપડેટ્સ મળશે.
LIVE
Background
Rajasthan Royals vs Punjab Kings: IPL 2024માં રાજસ્થાન રોયલ્સ અને પંજાબ કિંગ્સ વચ્ચે ટક્કર થશે. બંને ટીમો વચ્ચેની આ મેચ ગુવાહાટીમાં રમાશે. રાજસ્થાનની ટીમ હવે તેના સ્ટાર બેટ્સમેન જોસ બટલર વિના મેદાનમાં ઉતરશે. રાજસ્થાનની ટીમ ભલે પ્લેઓફમાં પહોંચી ગઈ હોય, પરંતુ ટોપ-2માં રહેવા માટે તેને કોઈપણ ભોગે જીતવું પડશે. જ્યારે પંજાબ કિંગ્સની ટીમ પ્લેઓફની રેસમાંથી બહાર થઈ ગઈ છે. આવી સ્થિતિમાં, આ તેમના માટે વિશ્વસનીયતાની લડાઈ છે.
એક તરફ રાજસ્થાન પ્લેઓફ માટે ક્વોલિફાય થઈ ગયું છે તો બીજી તરફ પંજાબની ટીમ બહાર થઈ ગઈ છે. જો કે પંજાબ માટે આ પોતાની પ્રતિષ્ઠા બચાવવાની લડાઈ છે. આ મેચ પહેલા ઈંગ્લેન્ડના ખેલાડીઓ આઈપીએલ અધવચ્ચે છોડીને પોતાના દેશ પરત ફર્યા છે.
પંજાબે રાજસ્થાનને 5 વિકેટે હરાવ્યું હતું
ગુવાહાટીમાં રમાયેલી IPL 2024ની 65મી મેચમાં પંજાબ કિંગ્સે રાજસ્થાન રોયલ્સને 5 વિકેટથી હરાવ્યું હતું. રાજસ્થાને પ્રથમ બેટિંગ કરીને 144 રન બનાવ્યા હતા. જવાબમાં પંજાબે 8 ઓવરમાં માત્ર 48 રનમાં 4 વિકેટ ગુમાવી દીધી હતી. ત્યારપછી એવું લાગતું હતું કે રાજસ્થાન આ મેચ આસાનીથી જીતી જશે, પરંતુ સેમ કરેને 41 બોલમાં 63 રનની અણનમ ઈનિંગ રમીને મેચ પોતાના તરફ કરી દીધી. પંજાબે સાત બોલમાં 5 વિકેટ ગુમાવીને લક્ષ્યનો પીછો કર્યો હતો. રાજસ્થાનની આ સતત ચોથી હાર છે.
પંજાબ કિંગ્સનો સ્કોર 15 ઓવરમાં 4 વિકેટે 103 રન
જીતેશ શર્મા અને સેમ કરેને 42 બોલમાં 55 રનની ભાગીદારી કરીને મેચની દીશા બદલી દીધી છે. પંજાબ કિંગ્સનો સ્કોર 15 ઓવરમાં 4 વિકેટે 103 રન છે. પંજાબને હવે 30 બોલમાં જીતવા માટે માત્ર 42 રન બનાવવાના છે. સેમ કરન 30 બોલમાં એક છગ્ગા અને ચાર ચોગ્ગાની મદદથી 39 રન બનાવી રહ્યો છે. જ્યારે જીતેશ શર્મા 19 બોલમાં બે છગ્ગા સાથે 22 રન બનાવીને રમતમાં છે.
ચહલે બેયરસ્ટોને પેવેલિયન મોકલ્યો
યુઝવેન્દ્ર ચહલે આઠમી ઓવરના છેલ્લા બોલ પર પંજાબ કિંગ્સને ચોથો ઝટકો આપ્યો હતો. તેની છેલ્લી મેચમાં બેયરસ્ટો 22 બોલમાં માત્ર 14 રન જ બનાવી શક્યો હતો. રાજસ્થાને શાનદાર વાપસી કરી છે.
પંજાબનો સ્કોર 35/1
માત્ર 4 ઓવરમાં પંજાબ કિંગ્સનો સ્કોર એક વિકેટે 35 રન પર પહોંચી ગયો છે. સંદીપ શર્માની આ ઓવરમાં કુલ 9 રન આવ્યા હતા. રિલી રોસો 12 બોલમાં 22 રન અને જોની બેરસ્ટો આઠ બોલમાં સાત રન બનાવીને રમતમાં છે. પંજાબને હવે જીતવા માટે 96 બોલમાં માત્ર 110 રન બનાવવાના છે.
રાજસ્થાને પંજાબને 145 રનનો ટાર્ગેટ આપ્યો
IPL 2024ની 65મી મેચમાં ટોસ જીતીને પ્રથમ બેટિંગ કરવા આવેલી રાજસ્થાન રોયલ્સ 20 ઓવરમાં માત્ર 144 રન જ બનાવી શકી હતી. રાજસ્થાન તરફથી રિયાન પરાગે 34 બોલમાં 48 રનની ઇનિંગ રમી હતી. તેના સિવાય રવિચંદ્રન અશ્વિને 19એ 28 રન બનાવ્યા હતા. આ બે સિવાય રોયલ્સના એકપણ બેટ્સમેન મોટો સ્કોર કરી શક્યા નથી. પંજાબ કિંગ્સ તરફથી સેમ કરન, હર્ષલ પટેલ અને રાહુલ ચહરે બે-બે વિકેટ લીધી હતી. હર્ષલ પટેલ પાસે હવે પર્પલ કેપ છે.
ટ્રેન્ડિંગ સમાચાર
ટોપ સ્ટોરી
