KKR vs RCB: આજથી IPLનો પ્રારંભ, આવી હોઈ શકે છે કોલકાતા-બેંગ્લોરની પ્લેઇંગ ઇલેવન, જાણો પિચ રિપોર્ટ અને મેચની પ્રિડિક્શન

KKR vs RCB: આઈપીએલ 2025 ની પહેલી મેચ કોલકાતા નાઈટ રાઈડર્સ અને રોયલ ચેલેન્જર્સ બેંગ્લોર વચ્ચે ઈડન ગાર્ડન્સ ખાતે રમાશે. અહીં જાણો ગ્રાઉન્ડનો પિચ રિપોર્ટ અને બંને ટીમોના પ્લેઇંગ ઇલેવન.

આઈપીએલ 2025

Source : social media

KKR vs RCB IPL 2025: આઈપીએલ 2025 ની શરૂઆત કોલકાતા વિરુદ્ધ બેંગ્લોર મેચથી થવા જઈ રહી છે. આ મેચ 22 માર્ચે ભારતીય સમય મુજબ સાંજે 7:30 વાગ્યે શરૂ થશે. શ્રેયસ ઐયરની કેપ્ટનશીપમાં KKR ગયા સિઝનમાં ચેમ્પિયન બન્યું હતું. આ વખતે ટીમની કમાન અજિંક્ય રહાણેના હાથમાં રહેશે, તો બીજી તરફ બેંગલુરુની કેપ્ટનશીપ રજત પાટીદારના ખભા પર છે. પહેલી મેચનો ઉત્સાહ શરૂ થાય તે પહેલાં, ચાલો જાણીએ બંને ટીમોના પ્લેઇંગ ઇલેવન, મેચની આગાહી અને પિચ રિપોર્ટ વિશે.

પિચ રિપોર્ટ
ઇડન ગાર્ડન્સની પીચ હાઇ-સ્કોરિંગ મેચો માટે પ્રખ્યાત છે. શરૂઆતમાં અહીં બેટિંગ કરવી સરળ છે અને બેટિંગ કરતી ટીમ ઇનિંગ્સની શરૂઆતની ઓવરોમાં પ્રભુત્વ મેળવી શકે છે. પરંતુ જેમ જેમ બોલ જૂનો થાય છે તેમ તેમ સ્પિનરોને મદદ મળવા લાગે છે. તમને જણાવી દઈએ કે અહીં સામાન્ય રીતે હાઈ-સ્કોરિંગ મેચ જોવા મળે છે. વર્ષ 2024 માં આ જ મેદાન પર, પંજાબ કિંગ્સે 262 રનના વિશાળ લક્ષ્યને પ્રાપ્ત કરીને KKR ને હરાવ્યું હતું.

 

Game plan set, storm inbound♟️🌪️ pic.twitter.com/gS68ihTOSQ

— KolkataKnightRiders (@KKRiders) March 21, 2025

મેચ પ્રિડિક્શન
આઈપીએલના ઇતિહાસમાં ઈડન ગાર્ડન્સ પર કુલ 93 મેચ રમાઈ છે, જેમાંથી પહેલા બેટિંગ કરનારી ટીમ ફક્ત 38 વાર જ જીતી શકી છે. અહીં પીછો કરતી ટીમ 55 વખત જીતી છે. છેલ્લી 6 મેચોમાં, પીછો કરતી ટીમ ચાર વખત જીતી છે. ઇડન ગાર્ડન્સમાં KKRને ઘરઆંગણે ફાયદો મળી રહ્યો હશે, પરંતુ આ મુકાબલામાં ટોસ પણ મોટી ભૂમિકા ભજવી શકે છે.

આરસીબી સંભવીત પ્લેઇંગ ઇલેવન: વિરાટ કોહલી, ફિલ સોલ્ટ, રજત પાટીદાર (કેપ્ટન), લિયામ લિવિંગસ્ટોન, જીતેશ શર્મા, ટિમ ડેવિડ, કૃણાલ પંડ્યા, ભુવનેશ્વર કુમાર, જોશ હેઝલવુડ, યશ દયાલ, સુયશ શર્મા

KKR સંભવીત પ્લેઇંગ ઇલેવન: ક્વિન્ટન ડી કોક, સુનીલ નારાયણ, અજિંક્ય રહાણે (કેપ્ટન), વેંકટેશ ઐયર, રિંકુ સિંહ, આન્દ્રે રસેલ, રમણદીપ સિંહ, હર્ષિત રાણા, સ્પેન્સર જોહ્ન્સન, વૈભવ અરોરા, વરુણ ચક્રવર્તી.

𝗛𝗼𝘄 𝘁𝗼 𝗖𝗮𝘁𝗰𝗵 𝗶𝘁 𝗥𝗶𝗴𝗵𝘁 𝗳𝘁. 𝗟𝗶𝗮𝗺 𝗟𝗶𝘃𝗶𝗻𝗴𝘀𝘁𝗼𝗻𝗲 😎

Eyes, ears and hands in sync - Liam trains under the lights to improve his ball spotting and catching skills! 💯🤯

This is Royal Challengers presents RCB Shorts.#PlayBold #ನಮ್ಮRCB #IPL2025 pic.twitter.com/Oznsqhbx9k

— Royal Challengers Bengaluru (@RCBTweets) March 21, 2025

આ પણ વાંચો

IPL 2025માં આવ્યો નવો નિયમ, હવે વાઈડ અને નો બોલ પર નહીં થાય વિવાદ! BCCI લાવ્યું નવી ટેક્નોલોજી

Rohit Sharma : રોહિત શર્મા પાસે ઈતિહાસ રચવાની તક, માત્ર એક મેચ અને પોતાના નામે કરશે આ મોટો રેકોર્ડ