અફઘાનિસ્તાન સામે ટેસ્ટ અગાઉ ભારતીય ખેલાડીએ લીધી નિવૃતિ, અચાનક નિર્ણય લઈ ફેન્સને ચોંકાવ્યા

KS Bharat International Retirement: ભારત માટે સાત ટેસ્ટ રમી ચૂકેલો ભરત અફઘાનિસ્તાન સામેની એકમાત્ર ટેસ્ટ માટે ટીમ ઈન્ડિયાનો ભાગ નથી

ભારત માટે સાત ટેસ્ટ રમી ચૂકેલો ભરત અફઘાનિસ્તાન સામેની એકમાત્ર ટેસ્ટ માટે ટીમ ઈન્ડિયાનો ભાગ નથી

Source : PTI

Show Quick Read

Key points generated by AI, verified by newsroom

• વિકેટકીપર-બેટ્સમેન કેએસ ભરતે આંતરરાષ્ટ્રીય ક્રિકેટમાંથી નિવૃત્તિ જાહેર કરી.
• તેમણે અફઘાનિસ્તાન ટેસ્ટ પહેલા સોશિયલ મીડિયા પર આ જાહેરાત કરી.
• ભરતે BCCI, પરિવાર, કોહલી, રોહિત, દ્રવિડનો વિશેષ આભાર માન્યો.
• ભારત માટે સાત ટેસ્ટમાં 221 રન બનાવ્યા, છેલ્લી ટેસ્ટ ફેબ્રુઆરીમાં હતી.

KS Bharat International Retirement:  ભારતીય ક્રિકેટ ટીમના વિકેટકીપર-બેટ્સમેન કેએસ ભરતે અફઘાનિસ્તાન સામેની ટેસ્ટ મેચ પહેલા આંતરરાષ્ટ્રીય ક્રિકેટમાંથી નિવૃત્તિની જાહેરાત કરી છે. તેમણે સોશિયલ મીડિયા પર એક પોસ્ટમાં ચાહકો સાથે આ સમાચાર શેર કર્યા હતા. ભારત માટે સાત ટેસ્ટ રમી ચૂકેલો ભરત અફઘાનિસ્તાન સામેની એકમાત્ર ટેસ્ટ માટે ટીમ ઈન્ડિયાનો ભાગ નથી. એક સમયે ટેસ્ટ ક્રિકેટર ઋષભ પંતના બેકઅપ તરીકે રમનાર ભરત લાંબા સમયથી રમતથી દૂર હતો. 32 વર્ષીય ખેલાડીએ ફેબ્રુઆરી 2024માં ભારત માટે છેલ્લી ટેસ્ટ રમી હતી.

બધાનો આભાર માન્યો

તેમણે પોતાની નિવૃત્તિની પોસ્ટમાં સૌપ્રથમ "આભાર બીસીસીઆઈ" લખ્યું. વધુમાં ભરતે લખ્યું હતું કે, "ગર્વ અને કૃતજ્ઞતાની ભાવના સાથે હું આંતરરાષ્ટ્રીય ક્રિકેટમાંથી મારી નિવૃત્તિની જાહેરાત કરું છું."

 

 

 

 

 

View this post on Instagram

 

 

 

 

 

 

 

 

 

 

 

A post shared by K S Bharat (@konasbharat)

તેમણે આગળ લખ્યું હતું કે, "મારા દેશ માટે રમવું એ મારા માટે સૌથી ગર્વની ક્ષણ રહી છે. આ સફરમાં ઘણી ધીરજ અને ખંતની જરૂર પડી છે પરંતુ ટેસ્ટ મેચોમાં ભારતનું પ્રતિનિધિત્વ કરવું એ એક અમૂલ્ય ક્ષણ છે. ચાર લોકોના પરિવારમાં અમે બધા બે દાયકાથી એક જ સ્વપ્ન સાથે જીવી રહ્યા છીએ. મને આટલું વાતાવરણ અને ટેકો આપવા બદલ મારી બહેન, માતા અને પિતાનો ખૂબ ખૂબ આભાર. હું તેમના પ્રેમ, શિસ્ત અને સખત મહેનતનું પરિણામ છું."

ભરતે ટીમ ઈન્ડિયાના પૂર્વ કેપ્ટન રોહિત શર્મા, સ્ટાર બેટ્સમેન વિરાટ કોહલી અને ભૂતપૂર્વ મુખ્ય કોચ રાહુલ દ્રવિડનો કારકિર્દીના વિવિધ તબક્કામાં મહત્વપૂર્ણ ભૂમિકાઓ ભજવવા બદલ ખાસ આભાર માન્યો હતો. તેણે વિરાટ કોહલીનો IPLમાં ડેબ્યૂ કરાવવા અને તેમની પ્રતિભા દર્શાવવાની તક આપવા બદલ આભાર માન્યો. તેણે કેપ્ટન રોહિત શર્માનો પણ આભાર માન્યો અને કહ્યું કે તેની કેપ્ટનશીપ હેઠળ ટેસ્ટમાં ડેબ્યૂ કરવું તેના માટે અમૂલ્ય છે.

કેએસ ભરતની કારકિર્દી

કેએસ ભરતે પોતાની કારકિર્દીમાં ભારત માટે ટેસ્ટ ક્રિકેટ રમ્યો છે. તેણે 7 ટેસ્ટ રમી હતી. 12 ઇનિંગ્સમાં તેણે 20.09 ની સરેરાશથી 221 રન બનાવ્યા હતા. તેનો હાઈ સ્કોર 44 હતો. તેની ફર્સ્ટ ક્લાસ કરિયરની વાત કરીએ તો, તેણે 113 મેચોની 180 ઇનિંગ્સમાં 61.32 ની સરેરાશથી 6102 રન બનાવ્યા, જેમાં 11 સદી અને 34 અડધી સદીનો સમાવેશ થાય છે. 

આ પણ વાંચો

ટીમ ઈન્ડિયાને મોટો ફટકો, વિરાટ કોહલી અફઘાનિસ્તાન સામેની ODI શ્રેણીમાંથી બહાર, જાણો કારણ

Virat Kohli Replacement: કોહલીના સ્થાન પર વન-ડે ટીમમાં કોણ થશે સામેલ ? આ ખેલાડી છે મજબૂત દાવેદાર