Cricket: હવે ક્રિકેટ મેચ દરમિયાન 60 સેકન્ડમાં શરૂ કરવી પડશે નેક્સ્ટ ઓવર, નહીં તો લાગશે આટલી પેનલ્ટી, લાગુ થયો આ નવો નિયમ
ICCએ ક્રિકેટની રૂલ બુકમાં વધુ એક નિયમ ઉમેર્યો છે. સફેદ બૉલથી રમાતી ક્રિકેટના બે ફોર્મેટ (ODI અને T20)ને વધુ ઝડપી બનાવવાના હેતુથી આ નિયમ લાવવામાં આવ્યો છે.
New Rule In T20Is & ODIs: ICCએ ક્રિકેટની રૂલ બુકમાં વધુ એક નિયમ ઉમેર્યો છે. સફેદ બૉલથી રમાતી ક્રિકેટના બે ફોર્મેટ (ODI અને T20)ને વધુ ઝડપી બનાવવાના હેતુથી આ નિયમ લાવવામાં આવ્યો છે. આ નિયમ અંતર્ગત જો T20 અથવા ODIમાં એક ઇનિંગમાં ત્રીજી ઓવર નાંખવામાં એક મિનિટથી વધુનો વિલંબ થાય છે, તો બેટિંગ ટીમને 5 વધારાના રન આપવામાં આવશે. આ નિયમ લાગુ થયા બાદ કેપ્ટન અને બૉલરોએ દરેક સમયે રણનીતિની સાથે-સાથે ઘડિયાળ પર પણ નજર રાખવી પડશે.
નવો નિયમ હાલમાં માત્ર પુરૂષ ક્રિકેટમાં જ લાગુ થશે. ટ્રાયલ પૂર્ણ થયા બાદ તેના પરિણામોનું વિશ્લેષણ કરીને આ નિયમને કાયમી બનાવવામાં આવશે અને ત્યારબાદ તેને મહિલા ક્રિકેટમાં પણ લાગુ કરી શકાશે. આ ટ્રાયલ ડિસેમ્બર 2023 થી એપ્રિલ 2024 સુધી ચાલશે. એવું માનવામાં આવે છે કે આનાથી મેચોની ગતિ ધીમી નહીં થાય અને દર્શકોનો રસ જળવાઈ રહેશે. ઘણીવાર ODI મેચ 8 કલાકની મર્યાદાને પણ વટાવી દે છે. આવી સ્થિતિમાં રમત માત્ર ધીમી પડતી નથી, બ્રૉડકાસ્ટર માટે નુકસાનની પણ સંભાવના છે.
ICCની મીટિંગમાં થયો ફેંસલો
ઈન્ટરનેશનલ ક્રિકેટ કાઉન્સિલ (ICC) બૉર્ડની બેઠકમાં આ નિર્ણય લેવામાં આવ્યો છે. ICCએ કહ્યું છે કે જો બૉલિંગ ટીમ પાછલી ઓવર પૂરી થયાના 60 સેકન્ડની અંદર આગલી ઓવરને બૉલિંગ કરવાનું શરૂ ન કરે, તો તે ઇનિંગ દરમિયાન બે વખત આવું કરે તો કોઈ દંડ નથી, પરંતુ જો ત્રીજી વખત આવું થાય તો એ. તેના પર 5 રનની પેનલ્ટી લગાવવામાં આવશે, એટલે કે બેટિંગ કરનાર ટીમના સ્કોરમાં 5 રન ઉમેરાશે.
ઓસ્ટ્રેલિયા સામેની T20 શ્રેણી માટે ભારતીય ટીમ
લાઈવ ક્યાં જોઈ શકો છો ?
ભારત અને ઓસ્ટ્રેલિયા વચ્ચે રમાતી પાંચ મેચની T20 શ્રેણીનું ભારતમાં ટીવી પર સ્પોર્ટ્સ 18 નેટવર્ક દ્વારા જીવંત પ્રસારણ કરવામાં આવશે. મેચનું લાઈવ સ્ટ્રીમિંગ JioCinema એપ પર કરવામાં આવશે.
શેડ્યૂલ આ પ્રમાણે છે
પ્રથમ મેચ- 23 નવેમ્બર, ગુરુવાર, રાજશેખર રેડ્ડી ACA-VDCA ક્રિકેટ સ્ટેડિયમ, વિશાખાપટ્ટનમ
બીજી મેચ- 26 નવેમ્બર, રવિવાર, ગ્રીનફિલ્ડ ઇન્ટરનેશનલ સ્ટેડિયમ, તિરુવનંતપુરમ
ત્રીજી મેચ- 28 નવેમ્બર, મંગળવાર, બરસાપારા ક્રિકેટ સ્ટેડિયમ, ગુવાહાટી
ચોથી મેચ- 01 ડિસેમ્બર, શુક્રવાર વિદર્ભ ક્રિકેટ એસોસિએશન ગ્રાઉન્ડ, નાગપુર
પાંચમી મેચ- 03 ડિસેમ્બર, રવિવાર રાજીવ ગાંધી ઇન્ટરનેશનલ સ્ટેડિયમ, હૈદરાબાદ.
T20 શ્રેણી માટે ઓસ્ટ્રેલિયાની ટીમ
આ શ્રેણી માટે ઓસ્ટ્રેલિયાની ટીમની પણ જાહેરાત થઈ ગઈ છે.ઓસ્ટ્રેલિયાની કપ્તાની મેથ્યુ વેડ કરશે.
મેથ્યુ વેડ (કેપ્ટન), મેથ્યુ શોર્ટ, ટિમ ડેવિડ, સ્ટીવ સ્મિથ, ટ્રેવિસ હેડ, ડેવિડ વોર્નર, ગ્લેન મેક્સવેલ, માર્કસ સ્ટોઈનીસ, સીન એબોટ, જોશ ઈંગ્લિસ, તનવીર સંઘા, નાથન એલિસ, જેસન બેહરેનડોર્ફ, સ્પેન્સર જોન્સન, એડમ ઝમ્પા.
ટોપ સ્ટોરી
ટ્રેન્ડિંગ સમાચાર
