Team India Batsman: ભારતના આ 3 ધાકડ બેટ્સમેનને વન ડેમાં વિશ્વનો કોઈ બોલર આઉટ કરી શક્યો નથી

ક્રિકેટ ઈતિહાસમાં એકથી એક ધાકડ બેટ્સમેન છે, જેમણે રન અને સદીઓનો વરસાદ કરી દીધો છે, પરંતુ શું તમે જાણો છો કે કેટલાક એવા બેટ્સમેન છે જેમને વનડે ક્રિકેટમાં દુનિયાનો કોઈ બોલર આઉટ કરી શક્યો નથી.

પ્રતિકાત્મક તસવીર

Team India Batsman: ક્રિકેટ ઈતિહાસમાં એકથી એક ધાકડ બેટ્સમેન છે, જેમણે રન અને સદીઓનો વરસાદ કરી દીધો છે, પરંતુ શું તમે જાણો છો કે કેટલાક એવા બેટ્સમેન છે જેમને વનડે ક્રિકેટમાં દુનિયાનો કોઈ બોલર આઉટ કરી શક્યો નથી. જેમાં ભારતના પણ ત્રણ બેટ્સમેન સામેલ છે, જેમને વિશ્વનો કોઈ બોલર વન ડે ક્રિકેટમાં આઉટ કરી શક્યો નથી. ચાલો જાણીએ કોણ છે ભારતના આ 3 ખેલાડી.

1. સૌરભ તિવારી

સૌરભ તિવારીએ જ્યારે આંતરરાષ્ટ્રીય ક્રિકેટમાં પગ મૂક્યો ત્યારે તેને ધોનીનો ડુપ્લિકેટ કહેવામાં આવતો હતો. સૌરભ તિવારીના લાંબા વાળ જોઈને લોકો તેની સરખામણી ધોની સાથે કરતા હતા. સૌરભ તિવારીએ IPLમાં શાનદાર પ્રદર્શન કરીને ટીમ ઈન્ડિયામાં જગ્યા બનાવી હતી. સૌરભ તિવારીએ 2010માં ઓસ્ટ્રેલિયા સામે વનડેમાં ડેબ્યૂ કર્યું હતું. સૌરભ તિવારીએ ટીમ ઈન્ડિયા માટે માત્ર ત્રણ વન-ડે રમી હતી, જેમાં તે માત્ર બે ઈનિંગ્સમાં બેટિંગ કરી શક્યો હતો. આ બંને ઇનિંગ્સમાં સૌરભ તિવારી અણનમ રહ્યો હતો. આ પછી તેને ટીમમાંથી બહારનો રસ્તો દેખાડવામાં આવ્યો હતો.

2. ફૈઝ ફઝલ

ફૈઝ ફઝલે ઘરેલુ ક્રિકેટમાં પોતાના પ્રદર્શનથી બધાનું ધ્યાન ખેંચ્યું હતું અને આ જ કારણ હતું કે તેને ટીમ ઈન્ડિયામાં પણ તક આપવામાં આવી હતી, પરંતુ આ ખેલાડીએ ટીમ ઈન્ડિયા માટે માત્ર એક જ વન ડે મેચ રમી હતી. વર્ષ 2016માં રમાયેલી આ વન ડે મેચમાં ફૈઝ ફઝલે ઝિમ્બાબ્વે સામે અણનમ 55 રન બનાવ્યા હતા. આ શાનદાર અડધી સદી બાદ પણ તેને ટીમમાંથી બહાર કરી દેવામાં આવ્યો હતો અને તે હજુ પણ ટીમમાં વાપસીનો રસ્તો શોધી રહ્યો છે.

3. ભરત રેડ્ડી

ભરત રેડ્ડીનું નામ ભલે આજના યુવાનો જાણતા ન હોય, પરંતુ આ ખેલાડીને ભારત માટે માત્ર ત્રણ વન-ડે રમવા મળી હતી. ભરત રેડ્ડીએ 1978 થી 1981 દરમિયાન ભારત માટે ત્રણ વનડે રમી હતી, જેમાં તેને બે વખત બેટિંગ કરવાની તક મળી હતી અને તે બંને વખત અણનમ રહ્યો હતો. આ પછી ભરત રેડ્ડી પણ ટીમ ઈન્ડિયામાંથી બહાર થઈ ગયા અને તેમની કારકિર્દીનો પણ દુઃખદ અંત આવ્યો.