RCB vs KKR, IPL 2023: કોલકાતાએ બેંગ્લોરને તેના ઘરઆંગણે જ હરાવ્યું, વરુણ ચક્રવર્તીની 3 વિકેટ
IPL 2023, મેચ 36, RCB vs KKR: અહીં તમને રોયલ ચેલેન્જર્સ બેંગ્લોર અને કોલકાતા નાઈટ રાઈડર્સ વચ્ચેની મેચનો લાઈવ સ્કોર અને મેચ સંબંધિત તમામ અપડેટ્સ વાંચવા મળશે.
LIVE
Background
IPL 2023, Match 36, RCB vs KKR: IPL 2023 ની 36મી લીગ મેચ આજે (26 એપ્રિલ, બુધવાર) રોયલ ચેલેન્જર્સ બેંગ્લોર અને કોલકાતા નાઈટ રાઈડર્સ વચ્ચે રમાશે. આ મેચ બેંગ્લોરના એમ ચિન્નાસ્વામી સ્ટેડિયમમાં સાંજે 7.30 વાગ્યાથી રમાશે. આ સિઝનમાં બીજી વખત KKR અને RCB વચ્ચે ટક્કર થશે.
IPL 2023માં જ્યારે પહેલીવાર બેંગ્લોર અને કોલકાતા વચ્ચે મેચ રમાઈ હતી, ત્યારે નીતિશ રાણાની આગેવાની હેઠળની ટીમનો વિજય થયો હતો. તે મેચમાં શાર્દુલ ઠાકુરે તોફાની અડધી સદી ફટકારી હતી અને બેટથી કહેર વર્તાવ્યો હતો. જો કે આ વખતે મેચ આરસીબીના હોમ ગ્રાઉન્ડ પર છે. આવી સ્થિતિમાં ફાફ ડુ પ્લેસિસની ટીમનો હાથ ઉપર રહેશે.
કોલકાતાની શાનદાર જીત
IPL 2023ની 36મી મેચમાં કોલકાતા નાઈટ રાઈડર્સે રોયલ ચેલેન્જર્સ બેંગ્લોરને તેના ઘરમાં જ 21 રનથી હરાવ્યું છે. સતત ચાર હાર બાદ KKR જીત્યું છે. આ સિઝનમાં નીતિશ રાણાની ટીમની આ ત્રીજી જીત છે. રસપ્રદ વાત એ છે કે કેકેઆરની બે જીત બેંગલોર સામે આવી છે. કોલકાતાએ પ્રથમ બેટિંગ કરીને 20 ઓવરમાં 5 વિકેટે 200 રન બનાવ્યા હતા. 201ના ટાર્ગેટના જવાબમાં બેંગ્લોરની ટીમ 179 રન જ બનાવી શકી હતી.
17મી ઓવરમાં સાતમી વિકેટ પડી
17મી ઓવરના પાંચમા બોલ પર બેંગ્લોરે 152ના સ્કોર પર સાતમી વિકેટ ગુમાવી હતી. હસરંગા આન્દ્રે રસેલના બોલ પર પાંચ રન બનાવીને કેચ આઉટ થયો હતો. 17 ઓવર પછી બેંગ્લોરનો સ્કોર 7 વિકેટે 153 રન છે.
વિરાટ કોહલી આઉટ
રોયલ ચેલેન્જર્સ બેંગ્લોરે 13મી ઓવરમાં 115 રનના સ્કોર પર તેની પાંચમી વિકેટ ગુમાવી હતી. વિરાટ કોહલી 37 બોલમાં 6 ચોગ્ગાની મદદથી 54 રન બનાવીને આઉટ થયો હતો. હવે દિનેશ કાર્તિક અને સુયશ પ્રભુદેસાઈ ક્રિઝ પર છે.
આરસીબીને ચોથો ઝટકો લાગ્યો
વરુણ ચક્રવર્તીએ RCBને મોટો ઝટકો આપ્યો છે. વાસ્તવમાં વરુણ ચક્રવર્તીએ મહિપાલ લોમરરને આન્દ્રે રસેલના હાથે કેચ આઉટ કરાવ્યો હતો. મહિપાલ લોમરોરે 18 બોલમાં 34 રનની તોફાની ઇનિંગ રમી હતી.
આરસીબીને 60 બોલમાં 105 રનની જરૂર
છેલ્લી 10 ઓવરમાં RCBને જીતવા માટે 105 રન બનાવવા પડશે. આ સમયે, વિરાટ કોહલી અને મહિપાલ લોમરોર RCB માટે ક્રિઝ પર છે. વિરાટ કોહલી 30 બોલમાં 44 રન બનાવીને રમી રહ્યો છે. જ્યારે લોમરોર 14 બોલમાં 27 રન બનાવીને અણનમ છે.
ટ્રેન્ડિંગ સમાચાર
ટોપ સ્ટોરી
