T20 World Cup 2022: ભારત અને ન્યુઝિલેન્ડ વચ્ચે રમાશે ફાઈનલ, ટીમ ઈન્ડિયા બનશે ચેમ્પિયન, આ પૂર્વ ક્રિકેટરે કરી ભવિષ્યવાણી
T20 વર્લ્ડ કપ 2022ની ટૂર્નામેન્ટ અંતિમ પડાવમાં પહોંચી છે. 9 અને 10 નવેમ્બરના રોજ સેમિફાઈનલ મુકાબલા રમાશે.
T20 World Cup 2022: T20 વર્લ્ડ કપ 2022ની ટૂર્નામેન્ટ અંતિમ પડાવમાં પહોંચી છે. 9 અને 10 નવેમ્બરના રોજ સેમિફાઈનલ મુકાબલા રમાશે. ભારત, પાકિસ્તાન, ન્યુઝીલેન્ડ અને ઈંગ્લેન્ડે ટૂર્નામેન્ટની સેમીફાઈનલમાં જગ્યા બનાવી લીધી છે. ફાઈનલમાં કઈ ટીમ રમવા જઈ રહી છે તે અંગે તમામ ક્રિકેટ વિશ્લેષકો પોતપોતાના અભિપ્રાય આપી રહ્યા છે. દક્ષિણ આફ્રિકાના પૂર્વ દિગ્ગજ એબી ડી વિલિયર્સે પણ આ મુદ્દે પોતાનો અભિપ્રાય આપતાં ભવિષ્યવાણી કરી છે. ડી વિલિયર્સનું કહેવું છે કે ફાઈનલ મેચ ભારત અને ન્યુઝીલેન્ડ વચ્ચે રમાશે.
એબી ડી વિલિયર્સે કરી ભવિષ્યવાણીઃ
મિસ્ટર 360 ડિગ્રી તરીકે ઓળખાતા એબી ડી વિલિયર્સે કહ્યું છે કે, "મને લાગે છે કે ફાઈનલમાં ભારતનો સામનો ન્યુઝીલેન્ડ સામે થશે અને ભારત વર્લ્ડ કપ જીતશે. સૂર્યકુમાર યાદવ અને વિરાટ કોહલી શાનદાર ફોર્મમાં છે. ભારતની આખી ટીમ ઘણી પ્રતિભાશાળી છે."
#WATCH | I think India will play New Zealand in the finals and India will win the World Cup. Suryakumar Yadav and Virat Kohli are in great form. The whole team of India is very talented: Former South African cricketer AB de Villiers pic.twitter.com/83tRjI0Fl2
— ANI (@ANI) November 8, 2022
10 નવેમ્બરના રોજ સેમીફાઈનલમાં ભારતનો મુકાબલો ઈંગ્લેન્ડ સામે છે જ્યારે 9 નવેમ્બરના રોજ ન્યુઝીલેન્ડનો મુકાબલો પાકિસ્તાન સામે છે. ભારતીય ટીમનું પ્રદર્શન અત્યાર સુધી શાનદાર રહ્યું છે અને આસાનીથી સેમીફાઈનલમાં જગ્યા બનાવી લીધી છે. બીજી તરફ ન્યુઝિલેન્ડની ટીમને પણ સેમીફાઈનલમાં પહોંચવામાં કોઈ મુશ્કેલીનો સામનો કરવો પડ્યો નથી. પાકિસ્તાનને છોડીને ઈંગ્લેન્ડે પણ આસાનીથી સેમીફાઈનલમાં જગ્યા બનાવી લીધી છે.
ફેન્સ ભારત-પાકિસ્તાનની ફાઈનલ જોવા આતુર
એક સમયે એવું લાગતું હતું કે પાકિસ્તાનની ટીમ સેમિફાઇનલમાં પહોંચી શકશે નહીં, પરંતુ પાક. ટીમે જોરદાર વાપસી કરીને સેમિફાઈનલમાં પોતાનું સ્થાન નિશ્ચિત કરી લીધું છે. આ સાથે દર્શકોની ભારત-પાકિસ્તાનની ફાઈનલ જોવાની ઈચ્છા તેજ થઈ ગઈ છે. સુપર-12 મેચમાં ભારતે પાકિસ્તાનને હરાવ્યું હતું અને જો બંને ટીમો ફાઇનલમાં ટકરાશે તો આ મેચ ખૂબ જ રોમાંચક બની શકે છે.
ટ્રેન્ડિંગ સમાચાર
ટોપ સ્ટોરી
