Tech Tips: ફોનની બેટરી ઓછી ચાલે છે ? કરો આ સેટિંગ્સ એકવાર ચાર્જ કરવાથી આખો દિવસ ચાલશે બેટરી

બેટરી લાંબા સમય સુધી ચાલે તે માટે, સ્પીકરના વોલ્યુમને નીચાથી મધ્યમ નીચા પર રાખો. જ્યાં સુધી જરૂર ન હોય ત્યાં સુધી માધ્યમથી ઉપર ન કરો

ફાઇલ તસવીર

Tech Tips: લોકોની ફરિયાદ હોય છે કે તેમના ફોનની બેટરી લાંબો સમય ચાલતી નથી. ત્યારે આજે અમે કેટલીક સરળ ટિપ્સ જણાવવા જઈ રહ્યા છીએ, જેના દ્વારા વપરાશકર્તાઓ કલાકો સુધી તેમના સ્માર્ટફોનની બેટરીનો ઉપયોગ કરી શકશે. જો તમે લાંબા સમય સુધી બેટરીનો ઉપયોગ કરવા માંગો છો, તો સ્માર્ટફોનની બ્રાઈટનેસને મધ્યમ કરો. આ કારણે, બેટરી કલાકો સુધી ચાલે છે અને વપરાશકર્તાઓની આંખો પર વધુ દબાણ નથી કરતું.

બેટરી લાંબા સમય સુધી ચાલે તે માટે, સ્પીકરના વોલ્યુમને નીચાથી મધ્યમ નીચા પર રાખો. જ્યાં સુધી જરૂર ન હોય ત્યાં સુધી માધ્યમથી ઉપર ન કરો. આની મદદથી તમે ઘણી બધી બેટરી બચાવી શકશો. જો તમારા સ્માર્ટફોનનું પ્રોસેસર વધુ લોડ લે છે, તો આ પણ બેટરી ખતમ થવાનું કારણ બની શકે છે. આવી સ્થિતિમાં સ્માર્ટફોનમાંથી હેવી ગેમ્સ દૂર કરો.

જો તમારા સ્માર્ટફોનમાં વધુ ફાઈલો ભેગી થઈ ગઈ હોય, તો તેને પ્રાથમિકતા અનુસાર દૂર કરો કારણ કે તે સ્માર્ટ ફોનના પ્રોસેસર પર વધુ દબાણ લાવે છે, જેના કારણે બેટરીનો વપરાશ વધે છે. જો તમે સ્માર્ટફોનને ડુપ્લિકેટ ચાર્જરની મદદથી અથવા કોઈ બીજાના ચાર્જરની મદદથી ચાર્જ કરો છો, તો તરત જ તે કરવાનું બંધ કરી દો કારણ કે ડુપ્લિકેટ ચાર્જર સ્માર્ટફોનની બેટરીની લાઈફ તો ઘટાડશે જ પરંતુ તેને બગાડી પણ શકે છે.

 

Alert: આવા 10 પ્રકારના Passwords રાખનારાઓને થશે નુકશાન, સામે આવ્યો સ્ટડી રિપોર્ટ, જાણો

સાયબર ક્રાઇમને લઇને કરવામાં આવેલા નૉર્ડપાસે 2022ના એક સ્ટડી રિપોર્ટમાં જણાવ્યુ છે કે, દેશમાં કેટલાય લોકો કૉમન પાસવર્ડ યૂઝ કરે છે, અને આ કારણે તેને ક્રેક કરવો હેકર્સ માટે આસાન બની જાય છે. નૉર્ડપાસે 2022માં ઉપયોગમાં લેવામા આવેલા સૌથી કૉમન પાસવર્ડનુ લિસ્ટ શેર કર્યુ છે, જેનાથી જાણી શકાય છે કે દેશમાં લગભગ 3.5 લાખ લોકો સાઇન અપ કરવા માટે પાસવર્ડ તરીકે "પાસવર્ડ"નો જ ઉપયોગ કરી રહ્યાં છે. રિપોર્ટ અનુસાર, 75,000 થાી વધુ ભારતીયો "બિગબાસ્કેટ"નો પાસવર્ડ તરીકે ઉપયોગ કરી રહ્યાં છે, રિપોર્ટ અનુસાર, આ વર્ષના ટૉપ 10 સૌથી કૉમન પાસવર્ડમાં 123456, bigbasket, password, 12345678, 123456789, pass@123, 1234567890, anmol123, abcd1234 અને googledummy સામેલ છે. 

કોઇપણ એકાઉન્ટને પાસવર્ડ સ્ટ્રૉન્ગ કઇ રીતે રાખી શકાશે, જાણો પેટર્ન -

- યૂઝર્સને સલાહ આપવામા આવી રહી છે કે અલગ અલગ અક્ષરો, સંકેતો, અને આંકડાઓની સાથે સ્ટ્રૉન્ગ અને લાંબા પાસવર્ડનો ઉપયોગ કરો.

- ઉદાહરણ તરીકે, કોઇ “@s1Q0#+Ga@os” નો ઉપયોગ કરી શકાય છે. આ રીતે સેટ કરેલો પાસવર્ડ તમને તમારા ડેટા ચોરીની ઘટનાથી બચાવી શકે છે.
- યૂઝર્સ પોતાના દરેક એકાઉન્ટ માટે અલગ અલગ પાસવર્ડ રાખી શકે છે.
- એક જ પ્રકારના પાસવર્ડનો ઉપયોગ કરવાથી હેકર્સ તમારો પાસવર્ડ ક્રેક કરી શકે છે.
- ડ્યૂલ વેરિફિકેશનનો ઉપયોગ કરો.
- પોતાના પાસવર્ડને મેક્સીમમ ત્રણ મહિના બાદ બદલો, આ ઉપરાંત યૂઝર્સ દર મહિને પાસવર્ડ બદલવા ઇચ્છે તો આ રીતની ઘટનાથી સુરક્ષિત રહી શકશે.