એક ટેસ્ટ સીરીઝમાં સૌથી વધુ રન બનાવનારા 2 ભારતીય કેપ્ટન વિશે જાણો 

ક્રિકેટના કોઈપણ ફોર્મેટમાં કેપ્ટનની બહુ મોટી ભૂમિકા હોય છે. ટેસ્ટ સિરીઝ હોય કે વનડે હોય કે ટી-20 ટીમ કેપ્ટન પર ઘણો આધાર રાખે છે.

વિરાટ કોહલી

ક્રિકેટના કોઈપણ ફોર્મેટમાં કેપ્ટનની બહુ મોટી ભૂમિકા હોય છે. ટેસ્ટ સિરીઝ હોય કે વનડે હોય કે ટી-20 ટીમ કેપ્ટન પર ઘણો આધાર રાખે છે. એક જ કેપ્ટન હોય છે જે ટીમને સામેથી લીડ કરે છે અને સાથે જ તેણે ટીમને રસ્તો દેખાડવાનો હોય છે. ટેસ્ટ મેચોમાં પણ કેપ્ટનનું મહત્વ ઘણું વધારે હોય છે અને જો ટેસ્ટ સિરીઝ જીતવી હોય તો કેપ્ટન માટે સારું પ્રદર્શન કરવું જરૂરી છે.

ટેસ્ટ ક્રિકેટના ઈતિહાસમાં અત્યાર સુધી ઘણા મહાન કેપ્ટન રહ્યા છે અને ભારતીય ટીમ પાસે આ ફોર્મેટમાં ઘણા મહાન કેપ્ટન પણ છે. ટેસ્ટ ક્રિકેટમાં કેપ્ટને માત્ર શાનદાર વ્યૂહરચના બનાવવાની નથી, પરંતુ જો તે બેટ્સમેન હોય તો તેણે રન પણ બનાવવાના હોય છે. અત્યાર સુધી ઘણા ભારતીય કેપ્ટન ટેસ્ટ ક્રિકેટમાં ઘણા રન બનાવી ચુક્યા છે. આમાં સૌરવ ગાંગુલી, મોહમ્મદ અઝહરુદ્દીન અને વિરાટ કોહલી જેવા ખેલાડીઓના નામ મુખ્ય છે.

આજે અમે તમને 2 ભારતીય બેટ્સમેન વિશે જણાવીશું જેમણે કેપ્ટન તરીકે ટેસ્ટ શ્રેણીમાં સૌથી વધુ રન બનાવ્યા. આ યાદીમાં એક કેપ્ટનનું નામ ત્રણ વખત આવે છે. તેણે ટેસ્ટ શ્રેણીમાં 3 વખત સૌથી વધુ રન બનાવ્યા છે. તો ચાલો જાણીએ કોણ છે તે બે દિગ્ગજ કેપ્ટન વિશે.  આ યાદીમાં બીજા સ્થાન પર ભારતીય ક્રિકેટ ટીમના પૂર્વ કેપ્ટન વિરાટ કોહલી છે. બેટ્સમેન વિરાટ કોહલી કયા સ્તરનો છે તે બધા જાણે છે. વિરાટ કોહલીએ કેપ્ટન તરીકે ત્રણ વખત ટેસ્ટ શ્રેણીમાં સૌથી વધુ રન બનાવવાની સિદ્ધિ હાંસલ કરી છે.

તેણે 2016-17 ટેસ્ટ શ્રેણીમાં ઈંગ્લેન્ડ વિરુદ્ધ 5 મેચની 8 ઈનિંગમાં 655 રન બનાવ્યા હતા. આ સમયગાળા દરમિયાન તેની એવરેજ 109.06 હતી અને 235 રન સર્વોચ્ચ સ્કોર હતો. તેણે તે શ્રેણીમાં 2 સદી અને 2 અડધી સદી ફટકારી હતી.

આ પછી વિરાટ કોહલીએ 2017-18માં શ્રીલંકા સામેની 3 મેચની ટેસ્ટ શ્રેણીમાં 152.50ની શાનદાર એવરેજથી 610 રન બનાવ્યા હતા. આ શ્રેણીમાં 243 રન તેનો સર્વોચ્ચ સ્કોર હતો અને તેણે 3 સદી અને 1 અડધી સદી ફટકારી હતી. આ સિવાય 2018માં ઈંગ્લેન્ડ સામેની 5 ટેસ્ટ મેચની શ્રેણીમાં કોહલીએ 59.30ની એવરેજથી 593 રન બનાવ્યા હતા.

સુનીલ ગાવસ્કર ટેસ્ટ શ્રેણીમાં કેપ્ટન તરીકે સૌથી વધુ રન બનાવવાના મામલે એકંદરે ત્રીજા સ્થાને છે. આ સાથે જ તે ભારતીય કેપ્ટન દ્વારા ટેસ્ટ શ્રેણીમાં સૌથી વધુ રન બનાવવાના મામલે નંબર વન પર છે.

સુનીલ ગાવસ્કરે 1978/79માં વેસ્ટ ઈન્ડિઝ સામેની 6 મેચની ટેસ્ટ શ્રેણી દરમિયાન 732 રન બનાવ્યા હતા. આ સમયગાળા દરમિયાન તેણે માત્ર 9 ઇનિંગ્સમાં બેટિંગ કરી હતી અને તેની એવરેજ 91.50 હતી. તે શ્રેણીમાં ગાવસ્કરે 4 સદી અને 1 અડધી સદી ફટકારી હતી. આ સિવાય 1981/82માં ઈંગ્લેન્ડ સામેની ટેસ્ટ શ્રેણીમાં ગાવસ્કરે 6 મેચની 9 ઈનિંગમાં 500 રન બનાવ્યા હતા.