Asia Cup: વિરેન્દ્ર સહેવાગની ભવિષ્યવાણી, - 'ભારત નહીં આ વખતે આ ટીમ જીતશે એશિયા કપ 2022', જાણો કેમ........

ક્રિકબઝ પર વાત કરતાં વિરેન્દ્ર સહેવાગે કહ્યું કે,- જો ભારત સંયોગથી વધુ એક મેચ હારી જાય છે, તો તે આ ટૂર્નામેન્ટમાંથી બહાર ફેંકાઇ જશે. પાકિસ્તાનને ફાયદો છે,

ફાઇલ તસવીર

Asia Cup 2022: એશિયા કપ 2022નો જંગ હવે ખાસ તબક્કામાં પહોંચી ચૂક્યો છે. આ વખતે રોહિત શર્માની આગેવાની વાળી ટીમ ઇન્ડિયાને એશિયા કપની શરૂઆત પહેલા સૌથી મોટી દાવેદાર ટીમ ગણવામાં આવતી હતી, પરંતુ હવે મોટા મોટા દિગ્ગજો અને ક્રિકેટ એક્સપર્ટ આ વાતને નવી રીતે પ્રિડિક્ટ કરવા લાગ્યા છે. આમાં સ્ટાર વિસ્ફોટક બેટ્સમેન વિરેન્દ્ર સહેવાગનુ નામ પણ જોડાઇ ગયુ છે. વિરેન્દ્ર સહેવાગે એક મોટી ભવિષ્યવાણી કરી છે, અને કહ્યુ છે કે, આ વખતે ભારત નહીં પરંતુ પાકિસ્તાન એશિયા કપ જીતશે એવુ કહ્યું છે, જાણો શું છે કારણ... 
   
ઉલ્લેખનીય છે કે, સુપર 4ની મેચમાં ભારતીય ટીમે પાકિસ્તાન સામે મેચ હારી જતાની સાથે જ તમામ પ્રિડિક્શનો બદલાઇ ગયા છે. હવે ભારત માટે આજે શ્રીલંકા સામે કરો યા મરોની મેચ બની ગઇ છે. આ પછી અફઘાનિસ્તાન સામે પણ ભારતને મોટા અંતરથી જીતવુ જરૂરી બની ગયુ છે. 

ક્રિકબઝ પર વાત કરતાં વિરેન્દ્ર સહેવાગે કહ્યું કે,- જો ભારત સંયોગથી વધુ એક મેચ હારી જાય છે, તો તે આ ટૂર્નામેન્ટમાંથી બહાર ફેંકાઇ જશે. પાકિસ્તાનને ફાયદો છે, કેમ કે જો તે એક મેચ હારે છે, તો બીજી મેચ જીતી જાય છે, તો તેનો નેટ રનરેટ તેને ફાઇનલમાં લઇ જશે. કેમ કે તેને એક મેચ ગુમાવી છે અને બે મેચ જીતી છે. ભારત એક મેચ હારી ગયુ છે અને તે બીજી મેચ હારી જાય છે, તો તે બહાર થઇ જશે, એટલા માટે ભારત પર દબાણ છે.
    
સહેવાગે ભવિષ્યવાણી કરતાં કહ્યું- પાકિસ્તાન લાંબા સમય બાદ ફાઇનલમાં રમશે અને તેને એશિયા કપમાં લાંબા સમય બાદ ભારતને માત આપી છે. આ વર્ષ પાકિસ્તાનનુ પણ હોઇ શકે છે. પાકિસ્તાને છેલ્લીવાર 2014માં એશિયા કપની ફાઇનલ રમી હતી, ત્યારે તે શ્રીલંકા સામે 5 વિકેટથી હારી ગયુ હતુ, કુલ મળીને પાકિસ્તાને ભારતને સાત અને શ્રીલંકાને પાંચની સરખામણીમાં બે વાર એશિયા કપ જીત્યો છે. સહેવાગના મતે આ વખતે પાકિસ્તાન એશિયા કપ પર કબજો કરી શકે છે.

 

આ પણ વાંચો...........