લગ્ન રદ્દ, આ મામલાને અહીં જ ખતમ કરવા માંગુ છુંઃ સ્મૃતિ મંધાનાએ તોડ્યું મૌન
Women Cricketer Smriti Mandhana: મંધાના અને પલાશ મુચ્છલના લગ્ન 23 નવેમ્બરના રોજ યોજાવાના હતા, પરંતુ તે દિવસે તે મુલતવી રાખવામાં આવ્યા હતા
Women Cricketer Smriti Mandhana: ભારતીય મહિલા ટીમની ઉપ-કપ્તાન સ્મૃતિ મંધાનાએ પલાશ મુચ્છલ સાથેના લગ્ન રદ્દ થવા મામલે પોતાનું મૌન તોડ્યું છે. મંધાનાએ તેની ઇન્સ્ટાગ્રામ સ્ટોરી પર એક લાંબુ નિવેદન જાહેર કરીને જાહેરાત કરી હતી કે પલાશ મુચ્છલ સાથેના તેના લગ્ન રદ્દ કરવામાં આવ્યા છે. મંધાના અને પલાશ મુચ્છલના લગ્ન 23 નવેમ્બરના રોજ યોજાવાના હતા, પરંતુ તે દિવસે તે મુલતવી રાખવામાં આવ્યા હતા. મંધાનાએ હવે એક નિવેદન જાહેર કરીને સ્પષ્ટતા કરી છે કે લગ્ન રદ્દ કરવામાં આવ્યા છે.
સ્મૃતિ મંધાના પ્રાઇવસીનું સન્માન કરવાની વિનંતી કરી
સ્મૃતિ મંધાનાએ રવિવારે તેની ઇન્સ્ટાગ્રામ સ્ટોરી પર લખ્યું, "છેલ્લા કેટલાક અઠવાડિયાથી મારા જીવન વિશે ઘણી અટકળો ચાલી રહી છે, અને મને લાગે છે કે આ સમયે મારા માટે બોલવું મહત્વપૂર્ણ છે. હું ખૂબ જ પર્સનલ વ્યક્તિ છું, અને હું તેને તે રીતે રાખવા માંગુ છું, પરંતુ મારે સ્પષ્ટતા કરવાની જરૂર છે કે લગ્ન રદ્દ કરવામાં આવ્યા છે. હું આ મામલાને અહીં જ ખતમ કરવા માંગુ છું, અને હું તમને બધાને પણ એવું જ કરવા વિનંતી કરું છું. હું તમને વિનંતી કરું છું કે આ સમયે બંને પરિવારોની પ્રાઇવસીનો આદર કરો અને અમને અમારી રીતે આગળ વધવા માટે સમય આપો."
મંધાનાએ કહ્યું, "હું ભારત માટે મારું શ્રેષ્ઠ પ્રદર્શન કરવા પર ધ્યાન કેન્દ્રિત કરી રહી છું." મંધાનાએ લખ્યું, "હું માનું છું કે આપણા બધા પાછળ એક મોટો હેતુ છે, અને મારા માટે, તે હેતુ હંમેશા ઉચ્ચ સ્તરે મારા દેશનું પ્રતિનિધિત્વ કરવાનો રહ્યો છે. હું આશા રાખું છું કે શક્ય તેટલા લાંબા સમય સુધી ભારત માટે રમવાનું ચાલુ રાખીશ અને ટ્રોફી જીતીશ, અને તે હંમેશા મારું ધ્યાન રહેશે. તમારા બધાના સમર્થન બદલ આભાર. હવે આગળ વધવાનો સમય છે."
લગ્ન અચાનક રદ્દ કરવામાં આવ્યા હતા
સ્મૃતિ મંધાના અને સંગીતકાર પલાશના લગ્નના દિવસે, મંધાનાના પિતા શ્રીનિવાસ મંધાના ગંભીર રીતે બીમાર પડ્યા હતા અને તેમને હોસ્પિટલમાં દાખલ થવું પડ્યું હતું. લગ્નના થોડા સમય પહેલા, મંધાનાના મેનેજરે જાહેરાત કરી હતી કે મંધાનાના પિતાની તબિયત લથડતી હોવાથી લગ્ન અનિશ્ચિત સમય માટે મુલતવી રાખવામાં આવ્યા છે. બીજા દિવસે, પલાશ પણ બીમાર પડી ગયો. ત્યારથી, પલાશ અને મંધાનાના સંબંધો વિશે ઘણી અટકળો ચાલી રહી છે. હવે, મંધાનાએ સ્પષ્ટતા કરી છે કે લગ્ન રદ કરવામાં આવ્યા છે.
ટોપ સ્ટોરી
ટ્રેન્ડિંગ સમાચાર
