WPL 2023: દિલ્હી કેપિટલ્સે ઇગ્લેન્ડના પૂર્વ ક્રિકેટરને સોંપી મોટી જવાબદારી, જાણો કોચિંગ સ્ટાફમાં કોનો કર્યો સમાવેશ?
વુમન્સ પ્રીમિયર લીગ 4 માર્ચથી શરૂ થશે અને 26 માર્ચ સુધી રમાશે.
Women's Premier League 2023: વુમન્સ પ્રીમિયર લીગની પ્રથમ સિઝન માટે ટૂંક સમયમાં હરાજી થશે અને તે પછી આ ટુર્નામેન્ટ રમાશે. આ માટે તમામ ટીમોએ તૈયારીઓ શરૂ કરી દીધી છે. ખેલાડીઓની હરાજી અગાઉ દિલ્હી કેપિટલ્સે તેના કોચિંગ સ્ટાફની જાહેરાત કરી છે. દિલ્હીએ ઈંગ્લેન્ડના ભૂતપૂર્વ ક્રિકેટર જોનાથન બટ્ટીને મુખ્ય કોચ તરીકે નિયુક્ત કર્યા છે. બટ્ટી પાસે કોચિંગનો ઘણો અનુભવ છે અને તેમણે તેની કારકિર્દી દરમિયાન પણ સારું પ્રદર્શન કર્યું છે. જોનાથનની સાથે ટીમે બિજુ જ્યોર્જને પણ મહત્વની જવાબદારી સોંપી છે.
🚨 ANNOUNCEMENT 🚨
Ahead of the #WPLAuction, here's welcoming our newly set up coaching staff for our WPL Team 😍#YehHaiNayiDilli pic.twitter.com/IT6N8IezZv— Delhi Capitals (@DelhiCapitals) February 11, 2023
વુમન્સ પ્રીમિયર લીગ 4 માર્ચથી શરૂ થશે અને 26 માર્ચ સુધી રમાશે. આ પહેલા દિલ્હીએ તેના કોચિંગ સ્ટાફની જાહેરાત કરી છે. જોનાથનને મુખ્ય કોચ બનાવવાની સાથે બીજુ જ્યોર્જને ફિલ્ડિંગ કોચ બનાવવામાં આવ્યા છે. હેમલતા કલાને સહાયક કોચ બનાવવામાં આવી છે. ભારતીય ખેલાડી હેમલતાએ પોતાની કારકિર્દી દરમિયાન 78 વનડે રમી છે. આ દરમિયાન તેણે 1023 રન બનાવ્યા છે. તેણે 3 અડધી સદી ફટકારી છે. હેમલતાએ 7 ટેસ્ટ અને 1 T20 આંતરરાષ્ટ્રીય મેચ પણ રમી છે. તેણે બોલિંગમાં પણ શાનદાર પ્રદર્શન કર્યું છે. હેમલતાએ 17 વનડે ફોર્મેટમાં 8 વિકેટ લીધી છે.
જોનાથનની વાત કરીએ તો તેમની કારકિર્દી શાનદાર રહી છે. તેમણે આ સમયગાળા દરમિયાન 221 ફર્સ્ટ ક્લાસ મેચ રમી છે અને 9685 રન બનાવ્યા છે. તેણે 20 સદી અને 41 અડધી સદી ફટકારી છે. તેમણે લિસ્ટ Aની 209 મેચ રમી છે. આમાં તેણે 2992 રન બનાવ્યા છે. આ ફોર્મેટમાં તેમણે એક સદી અને 14 અડધી સદી ફટકારી છે. અને બીજુ જ્યોર્જ પાસે કોચિંગનો સારો અનુભવ છે. તેમણે દિલ્હી કેપિટલ્સ પહેલા સનરાઈઝર્સ હૈદરાબાદ અને ભારતની અંડર 19 મહિલા ટીમને પણ કોચિંગ આપ્યું છે.
The Countdown Begins ⌛️
— Women's Premier League (WPL) (@wplt20) February 10, 2023
We are excited for the inaugural #WPLAuction 👏 👏 pic.twitter.com/ZBKViGotVY
આ રીતે હરાજી દરમિયાન બિડિંગ પ્રક્રિયા ચાલશે
13 ફેબ્રુઆરીએ યોજાનારી હરાજી પ્રક્રિયા દરમિયાન બીસીસીઆઈએ ખેલાડીઓની બોલી અંગે જરૂરી માર્ગદર્શિકા પણ જાહેર કરી છે. આમાં જ્યાં સુધી કોઈ ખેલાડીની બોલી 1 કરોડ રૂપિયાથી ઓછી હોય ત્યાં સુધી તેમાં 5-5 લાખ રૂપિયાનો વધારો કરવામાં આવશે. આ પછી 1 કરોડથી 2 કરોડ રૂપિયા સુધી 10 લાખ અને 2 થી 3 કરોડ સુધી 20 લાખ રૂપિયા વધારી દેવામાં આવશે. બીજી તરફ, જો તે 3 કરોડ રૂપિયાથી વધુ છે, તો તે હરાજી કરનાર પર નિર્ભર કરશે કે તે કેટલું વધારે છે પરંતુ તે 20 લાખ રૂપિયાથી ઓછું નહીં હોય.
મહિલા ખેલાડીઓની હરાજી પ્રક્રિયા 13 ફેબ્રુઆરીએ મુંબઈમાં બપોરે 2.30 કલાકે યોજાશે. જેમાં દરેક સેટ પછી ફ્રેન્ચાઇઝીઓને 10-10 મિનિટનો બ્રેક પણ મળશે.
ટોપ સ્ટોરી
ટ્રેન્ડિંગ સમાચાર
