18 વિકેટ અને 437 રન, ચોથા દિવસે કાનપુરમાં જોવા મળી જબરદસ્ત એક્શન, ભારત-બાંગ્લાદેશ ટેસ્ટ રોમાંચક મૉડમાં
IND vs BAN 2nd Test Day 4 Report: ભારત અને બાંગ્લાદેશ વચ્ચેની આજે બીજી ટેસ્ટ મેચમાં ચોથા દિવસની રમતના અંત સુધીમાં બાંગ્લાદેશે 2 વિકેટ ગુમાવીને 26 રન બનાવી લીધા છે
IND vs BAN 2nd Test Day 4 Report: ભારત અને બાંગ્લાદેશ વચ્ચેની આજે બીજી ટેસ્ટ મેચમાં ચોથા દિવસની રમતના અંત સુધીમાં બાંગ્લાદેશે 2 વિકેટ ગુમાવીને 26 રન બનાવી લીધા છે. બીજા અને ત્રીજા દિવસ વરસાદથી સંપૂર્ણપણે ધોવાઈ ગઇ હતી અને તે પછી બાંગ્લાદેશે તેની ઇનિંગ્સ 107 રન સુધી લંબાવી હતી. ચોથા દિવસની રમતમાં કુલ 18 વિકેટ પડી હતી અને દિવસ દરમિયાન કુલ 437 રન થયા હતા. બાંગ્લાદેશ તરફથી બીજી ઈનિંગમાં શાદમાન ઈસ્લામે 7 રન બનાવ્યા હતા અને પ્રથમ દાવનો સદી કરનારો મોમિનુલ હક હજુ સુધી બીજી ઈનિંગમાં પોતાનું ખાતું ખોલી શક્યો નથી.
ભારતે 285 રનના સ્કૉર પર પ્રથમ દાવ ડિકલેર કર્યો હતો. બાંગ્લાદેશ ફરી બેટિંગ કરવા આવ્યો ત્યારે શાદમાન ઈસ્લામ અને ઝાકિર હસન વિકેટ બચાવવાના ઈરાદાથી રમતા જોવા મળ્યા હતા. પરંતુ રવિચંદ્રન અશ્વિને આ સંરક્ષણાત્મક વ્યૂહરચનાનો પૂરેપૂરો ફાયદો ઉઠાવ્યો હતો. તેના ફરતા બોલે બીજી ઇનિંગમાં બાંગ્લાદેશની 2 વિકેટ ઝડપી હતી. ચોથા દિવસે બાંગ્લાદેશનો સ્કૉર 2 વિકેટના નુકસાને 26 રન પર પહોંચી ગયો છે અને તે હજુ પણ બીજા દાવમાં ભારત કરતાં 26 રનથી પાછળ છે.
ભારતે બાંગ્લાદેશને સસ્તામાં નિપટાવ્યું
પ્રથમ દિવસે 35 ઓવરની રમત રમાઈ હતી જેમાં બાંગ્લાદેશે 3 વિકેટના નુકસાન પર 107 રન બનાવ્યા હતા. ચોથા દિવસે મેદાન પર આવ્યા બાદ મુશ્ફિકુર રહીમ 11 રન બનાવીને આઉટ થયો હતો, પરંતુ મોમિનુલ હક બીજા છેડેથી અંત સુધી ક્રિઝ પર રહ્યો હતો. તેણે 107 રનની અણનમ ઇનિંગ રમી અને પોતાની ટીમને 233ના સ્કોર સુધી પહોંચાડવામાં મહત્વનું યોગદાન આપ્યું. ભારત તરફથી પ્રથમ દાવમાં જસપ્રીત બુમરાહે સૌથી વધુ 3 વિકેટ ઝડપી હતી.
ભારતે બેટિંગમાં મચાવી ધમાલ
ભારતીય ઓપનિંગ બેટ્સમેન, યશસ્વી જાયસ્વાલ અને રોહિત શર્માએ આવતાની સાથે જ તોફાની બેટિંગ શરૂ કરી હતી. જાયસ્વાલ અને રોહિતે મળીને માત્ર 3 ઓવરમાં 51 રન બનાવ્યા હતા. રોહિત શર્મા 23 રન બનાવીને આઉટ થયો હતો, જ્યારે બીજી તરફ જાયસ્વાલે માત્ર 31 બોલમાં પોતાની અડધી સદી પૂરી કરી હતી અને તેની ઈનિંગ્સ 72 રન પર સમાપ્ત થઈ ગઈ હતી. મેચમાં માત્ર એક જ દિવસ બાકી હોવાથી તમામ ભારતીય બેટ્સમેનો બોલને ફટકારવાના ઈરાદા સાથે મેદાનમાં ઉતર્યા હતા. વિરાટ કોહલીએ ઝડપી અને 47 રનની ઈનિંગ રમીને ભારતને 285ના સ્કોર સુધી લઈ જવામાં મહત્વની ભૂમિકા ભજવી હતી જ્યારે કેએલ રાહુલે 68 રનની ઝડપી અને કમ્પોઝ ઈનિંગ રમી હતી. ભારતે 285 રન પર પોતાનો દાવ ડિકલેર કર્યો હતો.
આ પણ વાંચો
WHAT A CATCH... 37 વર્ષના રોહિતની ગજબની સ્ફૂર્તિ, હવામાં ઉછળી અદભૂત કેચ પકડ્યો, વીડિયો વાયરલ
ટ્રેન્ડિંગ સમાચાર
ટોપ સ્ટોરી
