પ્રેક્ટિસ ન કરી શકી ટીમ ઇન્ડિયા તો ધોનીએ અજમાવ્યો શૂટિંગ પર હાથ

તમને જણાવી દઈએ કે ટીમ ઈન્ડિયાના બાહુબલીના નામથી જાણીતો એમએસ ધોની ચેન્નઈના ચેપોકમાં ઓસ્ટ્રેલિયા વિરુદ્ધ 79 રનની ઈનિંગ રમી હતી. લાંબા સમય બાદ ધોનીનો આ નવો અવતાર જોવા મળ્યો હતો. 36 વર્ષના ધોનીએ પોતાની આ ઈનિંગમાં સાબિત કર્યું કે તેની બાજુઓમાં હજું પણ તાકાત છે.

ધોનીએ બુધવારે કોલકાતા પોલીસ શૂટિંગ રેન્જની મુલાકાત લીધી. જ્યાં તે એક પિસ્તોલ સાથે કેટલાક રાઉન્ડ ફાયરિંગ કરતા જોવા મળ્યો. કલકત્તા પોલીસે પોતાના ફેસબુક પેજ પર ધોનીનો શૂટિંગ કરતો એક વીડિયો પોસ્ટ કર્યો. કલકત્તા પોલીસે પોસ્ટમાં લખ્યું કે, એમએસ ધોનીનો શૂટિંગ સ્કીલનો વીડિયો પોસ્ટ કરતા જ અમારા ઈનબોક્સમાં રિક્વેસ્ટની સુનામી આવી ગઈ.

કોલકાતાઃ ટીમ ઇન્ડિયાના પૂર્વ કેપ્ટન મહેન્દ્ર સિંહ દોની વિશ્વભરમાં પોતાની તાબડતોડ બેટિંગની સાથે વીજળીની ગતીથી સ્ટમ્પ કરવા માટે પણ જાણીતા છે. પરંતુ આ બધાથી કંઈક અલગ કરીને પોતાની શૂટિંગ સ્કિલ્સથી પોતાના ફેન્સને ખુશ કરી દીધા. ગુરુવારે બીજી વનડે પહેલા જ્યારે ટીમ ઇન્ડિયા કોલકાતમાં સતત વરસાદને કારણે પ્રેક્ટિસ ન કરી શકી તો તે સમયે ધોની શૂટિંગ પર પોતાના હાથ અજમાવી રહ્યા હતા.