આ ક્રિકેટરે ફટકારી 28 બોલમાં સદી, ન લીધો એક પણ સિંગલ રન, જાણો વિગત

અહમદ નબીએ 28 બોલમાં સદી ફટકારી હતી. અને સૌથી રસપ્રદ વાત એ છે કે તેણે ઇનિંગ્સમાં એકપણ રન સિંગલ લીધો ન હતો.

લંડનઃ ECL 2019માં ક્લજ ક્રિકેટ ક્લબ અને ડરેક્સ ક્રિકેટ ક્લબ વચ્ચે મુકાબલો રમાયો હતો. જેમાં બેટ્સમેન અહમદ નબીએ 28 બોલમાં સદી ફટકારી હતી. ડરેક્સ ક્રિકેટ ક્લબના ઓપનર અહમદ નબીએ આ મેચમાં 30 બોલમાં 105 રન બનાવ્યા હતા. તેણે આ દરમિયાન 28 બોલમાં સદી ફટકારી હતી. સૌથી રસપ્રદ વાત એ છે કે તેણે ઇનિંગ્સમાં એકપણ રન સિંગલ લીધો ન હતો. અહમદ નબીએ 14 સિક્સર અને 5 ફોર ફટકારી હતી. એટલે કે 104 રન બાઉન્ડ્રીથી બનાવ્યા હતા. નબી યૂરોપિયન ક્રિકેટ લીગમાં સદી ફટકારનાર પ્રથમ બેટ્સમેન છે. યૂરોપિયન ક્રિકેટ લીગ 10-10 ઓવરની ટૂર્નામેન્ટ છે. જેમાં સદી ફટકારવી મોટી વાત છે. અહમદ નબીની આક્રમક સદીની મદદથી ડરેક્સ ક્રિકેટ ક્લબને મોટી જીત મળી હતી. ટીમે પ્રથમ બેટિંગ કરતા 10 ઓવરમાં 6 વિકેટે 164 રન બનાવ્યા હતા. જવાબમાં ક્લજ ક્રિકેટ ક્લબ ફક્ત 69 રન બનાવી શક્યું હતું. ડરેક્સ ક્રિકેટ ટીમનો 95 રને વિજય થયો હતો. યૂરોપિયન ક્રિકેટ લીગમાં કુલ 8 ટીમો રમી રહી છે. ટીમને બે ગ્રૂપમાં વહેંચવામાં આવી છે.