World Cup પહેલા ટીમ ઇન્ડિયાના આ ખેલાડીએ કર્યા લગ્ન, પત્નીને આપ્યું આ વચન

હનુમા-પ્રીતિરાજના લગ્નમાં 1500 જેટલા મહેમાન સામેલ થયા. પ્રીતિના શહેરમાં આ લગ્ન તેલુગુ રીતિ-રિવાજ મુજબ થયા. હનુમા વિહારે પોતાના ઇન્સ્ટાગ્રામ પેજ પર લગ્નની તસવીર શેર કરી.

નવી દિલ્હીઃ ટીમ ઇન્ડિયાના ખેલાડી હનુમાન વિહારીએ પોતાની ગર્લફ્રેન્ડ પ્રીતિ રાજ સાથે લગ્ન કરી લીધા છે. હનુમાએ સોમવારે સોશિયલ મીડિયા પર લગ્નની એક તસવીર શેર કરી તેની જાણકારી આપી છે. પ્રીતિ વ્યવસાયે ફેશન ડિઝાઈનર છે. હનુમાએ ઓક્ટોબર 2018માં સગાઈ કરી હતી અને હવે 7 મહિના બાદ લગ્ન કર્યા છે. હનુમા ટીમ ઇન્ડિયા માટે રમી ચૂક્યા છે અને આઈપીએલ 2019માં દિલ્હી કેપિટલ્સ માટે રમ્યા હતા. તેને ઓક્શનમાં દિલ્હીએ 2 કરોડ રૂપિયામાં ખરીદ્યા હતા. હનુમા-પ્રીતિરાજના લગ્નમાં 1500 જેટલા મહેમાન સામેલ થયા. પ્રીતિના શહેરમાં આ લગ્ન તેલુગુ રીતિ-રિવાજ મુજબ થયા. હનુમા વિહારે પોતાના ઇન્સ્ટાગ્રામ પેજ પર લગ્નની તસવીર શેર કરી. વિહારીએ ફોટો પોસ્ટ કરતાં લખ્યું કે, તારા ચહેરા પર હંમેશા આ સ્માઈલ રહે તેનું વચન આપું છું. આઈ લવ યૂ. આપ સૌને પ્રેમ અને શુભેચ્છાઓ માટે આભાર. ભારતીય ક્રિકેટ ટીમના ફિલ્ડિંગ કોચ આર શ્રીધર પણ આ લગ્નમાં સામેલ થયા. તેઓએ પોતાના સોશિયલ મીડિયા એકાઉન્ટથી બંનેના લગ્નની તસવીરો પણ પોસ્ટ કરી. હનુમા વિહારીએ ગયા વર્ષે ટેસ્ટમાં ડેબ્યૂ કર્યું હતું. તેઓએ સપ્ટેમ્બર 2018માં ઈંગ્લેન્ડની વિરુદ્ધ ધ ઓવલમાં પહેલી ટેસ્ટ રમી હતી. પહેલી જ મેચમાં તેણે અડધી સદી કરી હતી અને 56 રન કર્યા હતા. 25 વર્ષીય હનુમા અત્યાર સુધી 4 ટેસ્ટ રમી ચૂક્યો છે અને તેણે 23.85ની સરેરાશથી 167 રન બનાવ્યા છે. તેણે પાંચ વિકેટ પણ ઝડપી છે.