હાર્દિક પંડ્યાએ ખરીદી ધોની કરતાં પણ મોંઘી કાર, કિંમત છે 5 કરોડ રૂપિયા, જાણો વિગત

મુંબઇઃ હાલમાં ટીમ ઇન્ડિયા વેસ્ટ ઇન્ડિઝના પ્રવાસ પર વ્યસ્ત છે. ત્યારે ટીમ ઇન્ડિયાના સ્ટાર ઓલરાઉન્ડર હાર્દિક પંડ્યા અને તેના ભાઇ કૃણાલ પંડ્યાએ શાનદાર લેમ્બોર્ગિની કાર ખરીદી હતી. બંન્ને આ નવી કારમાં ફરવા નીકળ્યા હોવાનો એક વીડિયો વાયરલ થયો છે. હાર્દિક અને કૃણાલ પંડ્યા ઓરેન્જ કલરની પોતાની લેમ્બોર્ગિની લઇને બાન્દ્રામાં એક જિમની બહાર જોવા મળ્યા હતા.

નોંધનીય છે કે વર્લ્ડકપ બાદ વેસ્ટ ઇન્ડિઝના પ્રવાસમાં સમાવેશ નહી કરીને હાર્દિક પંડ્યાને આરામ આપવામાં આવ્યો હતો જ્યારે કૃણાલ પંડ્યાને વેસ્ટ ઇન્ડિઝની ટી-20 ટીમમાં સમાવેશ કરાયો હતો.