મોહમ્મદ શમીની હેટ્રિક પર પત્ની હસીન જહાંએ આપી ખાસ પ્રતિક્રિયા, શમી માટે શું કહ્યું, જાણો વિગતે

વર્લ્ડકપ 2019માં હેટ્રિક લેનારો શમી એકમાત્ર ખેલાડી બની ગયો છે

નવી દિલ્હીઃ ક્રિકેટર મોહમ્મદ શમીએ વર્લ્ડકપ 2019માં પોતાની પહેલી મેચ રમતાં શાનદાર પ્રદર્શન કર્યુ, હેટ્રિકની સાથે રોમાંચક મેચમાં ટીમ ઇન્ડિયાને જીત અપાવી, આ સાથે જ શમીની વાહવાહી આખા દેશ અને દુનિયામાં થવા લાગી હતી. જોક, શમીની હેટ્રિક પર હવે પત્ની હસીન જહાંએ પણ પ્રતિક્રિયા આપી છે. વર્લ્ડકપ 2019માં હેટ્રિક લેનારો શમી એકમાત્ર ખેલાડી બની ગયો છે. એક મીડિયા ગૃપ સાથે વાત કરતાં હસની જહાંએ કહ્યું કે, શમી દેશ માટે રમી રહ્યો છે. શમી જ નહીં બીજા ખેલાડીઓ પણ દેશ માટે રમી રહ્યાં છે, પછી ભલે તે ગમે તે રમત સાથે જોડાયેલા હોય, આ તેમના માટે ગર્વની વાત છે. હસની જહાંએ ઇનડાયરેક્ટલી કહ્યું કે જો કોઇ ખેલાડી દેશ માટે સારુ પ્રદર્શન કરે છે તો તેના માટે ગર્વની વાત છે અને હું ખુશ છુ. ટીમ ઇન્ડિયાએ પોતાનુ પ્રદર્શન આગળ યથાવત રાખવુ જોઇએ ત્યારે વર્લ્ડકપ આપણે જીતીશુ.

What a way to end it @MdShami11! ????????????

Nabi c Pandya b Shami Alam b Shami Ur Rahman b Shami India take an absolute thriller by 11 runs. Watch the winning (and hat-trick) moment here!#INDvAFG | #TeamIndia | #CWC19 pic.twitter.com/q9fYvcR56z — ICC (@ICC) June 22, 2019

નોંધનીય છે કે, ભારત અને આફઘાનિસ્તાન વચ્ચેની મેચ સૌથી રોમાંચક મેચમાંની એક હતી, વર્લ્ડકપ 2019માં ટીમ ઇન્ડિયાની પાંચમી મેચ અને શમીની પહેલી મેચ હતી. છેલ્લી ઓવરમાં આફઘાન ટીમને 16 રનોની જરૂર હતી. ત્યારે શમી બૉલિંગમાં આવ્યો, પહેલા બૉલ પર ચોગ્ગો, બીજો બૉલ ડૉટ અને પછીની ત્રણ બૉલમાં ત્રણ વિકેટ લઇને હેટ્રિક લીધી હતી. શમીની હેટ્રિક સાથે ટીમ ઇન્ડિયાએ દિલધડક મેચમાં 11 રને જીત મેળવી હતી.