ટીમ ઈન્ડિયાના કયા ખેલાડીએ T-20 રેન્કિંગમાં લગાવી મોટી છલાંગ, જાણો વિગત

પાકિસ્તાન ત્રિકોણીય શ્રેણી જીતીને ટોચના સ્થાને યથાવત છે. તેના 132 અને ભારતના 124 પોઈન્ટ છે. ઓસ્ટ્રેલિયા (122) ત્રીજા, ઈંગ્લેન્ડ (121) ચોથા અને ન્યૂઝિલેન્ડ (117) પાંચમાં નંબર પર છે.

નવી દિલ્હી: આઈસીસી ટી-20 રેન્કિંગમાં ટીમ ઈન્ડિયા બીજા સ્થાને પહોંચી ચૂકી છે. ઈંગ્લેન્ડ સામે 2-1થી શ્રેણી વિજયનો ફાયદો મળ્યો છે. ટીમ ઈન્ડિયા સીરિઝ જીતતા પહેલાં ત્રીજા સ્થાને હતી.

કે.એલ. રાહુલ બેટ્સમેનના રેન્કિંગમાં 9 સ્થાનનો કૂદકો મારીને ત્રીજા સ્થાને પહોંચી ગયો છે. જ્યારે રોહિત શર્મા 11માં સ્થાને (બે સ્થાનનો ફાયદો) અને વિરાટ કોહલી ચાર સ્થાનના નુકસાન સાથે 12માં ક્રમે પહોંચ્યો છે.

અત્યારે તે 891 પોઈન્ટ સાથે ટોપ પર છે. ફિન્ચ ટી-20 રેન્કિંગમાં 900 રેટિંગ પોઈન્ટ પ્રાપ્ત કરનારો પ્રથમ બેટ્સમેન છે. પાકિસ્તાનનો ફખર ઝમાન બીજા સ્થાને છે.

ઓસ્ટ્રેલિયાનો એરોન ફિન્ચ ત્રણ સ્થાનનો કૂદકો મારીને 1 નંબરનો બેટ્સમેન બની ગયો છે. તેણે ઝિમ્બાબ્વે વિરુદ્ધ 172 રનની ઈનિંગ્સ રમી હતી, જેના કારણે તેના રેટિંગ પોઈન્ટ 900 થઈ ગયા હતા.