IND vs NZ WTC : ક્રિકેટપ્રેમીઓ માટે ખરાબ સમાચાર, વરસાદના કારણે ચોથા દિવસની રમત રદ
ભારત અને ન્યૂઝીલેન્ડ વચ્ચે વર્લ્ડ ટેસ્ટ ચેમ્પિયનશીપની ફાઇનલ ટેસ્ટ મેચ રમાઇ રહી છે. ઇંગ્લેન્ડના સાઉથેમ્પ્ટનમાં રમાઇ રહેલી ટેસ્ટનો આજે ચોથો દિવસ છે. ન્યૂઝીલેન્ડે ટૉસ જીતીને ભારતીય ટીમને પહેલા બેટિંગ માટે આમંત્રિત કરી હતી,
LIVE
Background
ભારત અને ન્યૂઝીલેન્ડ વચ્ચે વર્લ્ડ ટેસ્ટ ચેમ્પિયનશીપની ફાઇનલ ટેસ્ટ મેચ રમાઇ રહી છે. ઇંગ્લેન્ડના સાઉથેમ્પ્ટનમાં રમાઇ રહેલી ટેસ્ટનો આજે ચોથો દિવસ છે. ન્યૂઝીલેન્ડે ટૉસ જીતીને ભારતીય ટીમને પહેલા બેટિંગ માટે આમંત્રિત કરી હતી, ભારતીય ટીમે પ્રથમ બેટિંગ કરતા 217 રન પર ઓલઆઉટ થઇ ચૂકી હતી અને કિવી ટીમે પ્રથમ ઇનિંગમાં 1 વિકેટના નુકશાન 102 રન બનાવી લીધા હતા.
ભારતીય ક્રિકેટ બોર્ડે આ જાણકારી આપી
વરસાદના કારણે ચોથા દિવસની રમત રદ
સાઉથેમ્પટનથી ક્રિકેટ રસીકો માટે ખરાબ સમાચાર સામે આવ્યા છે. વરસાદના કારણે ચોથા દિવસની રમત રદ કરવામા આવી છે. ભારતીય ક્રિકેટ બોર્ડે આ જાણકારી આપી છે.
પહેલુ સેશન રદ્દ થવાનુ નક્કી
સાઉથેમ્પ્ટનમાં હજુ પણ થોડો થોડો વરસાદ વરસી રહ્યો છે. જો વરસાદ બંધ નહીં થાય તો પહેલુ સેશનનુ રદ્દ થવાનુ નક્કી છે, કેમકે સવારથી જ આખી પીચ કવરથી ઢાંકી રાખવામાં આવી છે. સાઉથેમ્પ્ટનમાં હાલ 11 ડિગ્રી કરતા પણ ઓછુ તાપમાન છે અને વરસાદ પડી રહ્યો છે, આવામાં મેદાન સુકાય તેવી કોઇ સંભાવના નથી. બીસીસીઆઇએ પણ મેદાનની તાજા તસવીરો શેર કરી છે, જેમાં સ્પષ્ટ રીતે દેખાઇ રહ્યુ છે મેદાનનો અડધોઅડધ ભાગ કવરથી ઢંકાયેલો છે. આવામાં પહેલા સેશનની રમત લગભગ રદ્દ થઇ શકે છે.
Hello and good morning from Southampton. We are 90 minutes away from scheduled start of play on Day 4, but this is what it looks like currently. #TeamIndia #WTC21 pic.twitter.com/FoXiut9MYj
— BCCI (@BCCI) June 21, 2021
મેચ મોડી શરૂ થશે
તાજે અપડેટ પ્રમાણે, સાઉથેમ્પ્ટનમાં હજુ પણ વરસાદ પડી રહ્યો છે. પહેલુ સેશન વરસાદના કારણે ધોવાઇ પણ શકે છે. જો વરસાદ એકદમ બંધ થશે તો તેના અડધા કલાક બાદ મેચ શરૂ થઇ શકે છે, કેમકે અહીંની ડ્રેનેજ સિસ્ટમ ખુબ સરસ છે.
સાઉથેમ્પ્ટનમાં થોડો થોડો પડી રહ્યો છે વરસાદ
ક્રિકેટપ્રેમીઓ માટે ખરાબ સમાચર છે કે સાઉથેમ્પ્ટનમાં હજુ પણ વરસાદ બંધ નથી થયો, થોડો થોડો વરસાદ હજુ પણ પડી રહ્યો છે. તાજા અપડેટ પ્રમાણે પીચને હાલ પુરેપુરી કવર કરી લેવાઇ છે, મેચ થોડી મોડી શરૂ થઇ શકે છે.