INDvsPAK: પાકિસ્તાન સામે ભારતની જીત બાદ ગૃહમંત્રી અમિત શાહે શું કહ્યું, જાણો વિગતે

ભારતની આ જીત પર સમગ્ર દેશમાં ઉજવણીનો માહોલ છે. ટીમ ઇન્ડિયાને બધા લોકો શુભેચ્છા પાઠવી રહ્યા છે.

નવી દિલ્હીઃ ભારતે પોતાના પાડોશી અને ક્રિકેટના મેદાન પર કટ્ટર હરીફ પાકિસ્તાન વિરૂદ્ધ વર્લ્ડકપ મેચમાં શાનદાર જીત મેળવી છે. ભારતે રવિવારે માનચેસ્ટરના ઓલ્ડ ટ્રેફર્ડ મેદાન પર રમાયેલ વર્લ્ડકપમાં પાકિસ્તાનને 89 રને હરાવીને સાતમી વખત જીત નોંધાવી છે.

Another strike on Pakistan by #TeamIndia and the result is same.

Congratulations to the entire team for this superb performance. Every Indian is feeling proud and celebrating this impressive win. #INDvPAK pic.twitter.com/XDGuG3OiyK — Amit Shah (@AmitShah) June 16, 2019

ભારતની આ જીત પર સમગ્ર દેશમાં ઉજવણીનો માહોલ છે. ટીમ ઇન્ડિયાને બધા લોકો શુભેચ્છા પાઠવી રહ્યા છે. દેશના ગૃહમંત્રી અમિત શાહે પણ ટીમ ઇન્ડિયાને અભિનંદન પાઠવ્યા છે. અમિત શાહે અભિનંદન આપતા કહ્યું, “પાકિસ્તાન પર ટીમ ઇન્ડિયા દ્વારા વધુ એક સર્જિકલ સ્ટ્રાઈક અને પરિણામ પહેલા જેવું જ રહ્યું. સમગ્ર ટીમને ખૂબ ખૂબ અભિનંદન, તમારું પ્રદર્શન શાનદાર રહ્યું. ભારતનો દરેક નાગરિક આ જીત પર ગૌરવ અનુભવી રહ્યો છે.”

Congratulations to Indian cricket team for winning the match against Pakistan in #CWC2019. The Indian team played an amazing game of cricket for this victory.

We are all proud of Team India. — Rajnath Singh (@rajnathsingh) June 16, 2019

રક્ષા મંત્રી રાજનાથ સિંહે પણ ભારતીય ટીમને શુભેચ્છા આપી હતી. તેમણે લખ્યું, “ક્રિકેટ વર્લ્ડ કપ 2019માં પાકિસ્તાન વિરૂદ્ધ મેચ જીતવા પર ટીમ ઇન્ડિયાને અભિનંદન. ભારતીય ટીમે આ જીત માટે ખૂબ જ શાનદાર રમત રમી. અમને બધાને ટીમ પર ગર્વ છે.”