Ind V Eng: ભારતના 6 વિકેટે 160 રન, વિરાટ કોહલી 49 રન પર આઉટ

ઓવલઃ ઈંગ્લેન્ડ સામે રમાઈ રહેલી પાંચમી અને અંતિમ ટેસ્ટના બીજા દિવસે ભારતીય ટીમે 48 ઓવરમાં 6 વિકેટના નુકસાન પર 160 રન બનાવી લીધા છે. હાલ ભારત ઈંગ્લેન્ડથી 172 રન પાછળ છે. ભારત તરફથી શિખર ધવને 6, પૂજારા અને કેએલ રાહુલે 37-37 રનનું યોગદાન આપ્યું હતું. રહાણે ખાતું પણ ખોલાવી શક્યો નહોતો. વિરાટ કોહલી 49 રન અને રિષભ પંત 5 રને આઉટ થયો હતો.

ઈંગ્લેન્ડે પ્રથમ ઈનિંગમાં 332 રન બનાવ્યા બાદ બેટિંગમાં ઉતરેલી ભારતીય ટીમની શરૂઆત નબળી રહી હતી. ભારતનો સ્કોર 6 રન પર પહોંચ્યો ત્યારે શિખર ધવન 3 રન બનાવી બ્રોડની ઓવરમાં પ્રથમ વિકેટના રૂપમાં એલબીડબલ્યુ આઉટ થયો હતો. જે બાદ પૂજારા અને કેએલ રાહુલે ઈનિંગને સ્થિરતા આપી હતી. ભારતનો સ્કોર 70 રન પર પહોંચ્યો ત્યારે રાહુલ 37 રનના અંગત સ્કોર પર સેમ કરનની ઓવરમાં બોલ્ડ થતાં ભારતને બીજો ફટકો લાગ્યો હતો. જે બાદ પૂજારા પણ 37 રન બનાવી એન્ડરસનની ઓવરમાં વિકેટકિપર બેરિસ્ટોના હાથે ત્રીજી વિકેટના રૂપમાં કેચ આઉટ થયો ત્યારે ભારતનો સ્કોર 101 રન હતો.