INDvAUS: રિષભ પંતે ટિમ પેનની કમેન્ટનો આપ્યો સણસણતો જવાબ, જાણો વિગત

ત્રીજા દિવસે સાંજે રિષભ પંત બેટિંગ કરી રહ્યો હતો ત્યારે વન ડે ટીમમાં ધોનીને સામેલ કરવા અંગેનો ઉલ્લેખ કરીને પેને કહ્યું હતું કે, એમએસ વન ડે ટીમમાં પરત ફર્યો છે. આ બાળકને હરિકેંસ મોકલી દેવો જોઈએ. તેને હોબાર્ટ જેવા સુંદર શહેરમાં રજા ગાળવાનો મોકો પણ મળશે. શું બાળકોને સંભાળી શકીશ. જ્યારે હું મારી પત્નીને ફિલ્મ જોવા લઇ જાવ ત્યારે તું મારા બાળકોની સંભાળ રાખજે.

નવી દિલ્હીઃ ઓસ્ટ્રેલિયન કેપ્ટન ટિમ પેન સાથે ત્રીજી ટેસ્ટ દરમિયાન ચાલી રહેલી ટિપ્પણીનો ભારતીય વિકેટકિપર બેટ્સમેન રિષભ પંતે જોરદાર જવાબ આપ્યો હતો. તેણે કહ્યું કે, મયંક તે ક્યારેય અસ્થાયી કેપ્ટન અંગે સાંભળ્યું છે. પેને એક દિવસ પહેલા જ મજાકમાં કહ્યું હતું કે, હું મારી પત્નીને ફિલ્મ જોવા લઈ જઈશ તો પંત મારા બાળકો માટે બેબી સિટર બની શકે છે અને તેને બિગ બેશ ટીમ હોબાર્ડ હરિકેંસમાં પણ રમાડી શકાય છે.